Ambulant Geburt 😍

ALOHAALOHA

878

bearbeitet 26. Februar, 19:24 in Geburt
Wie ischs für oii gsii? Würeders wider mache?😍
Wielang sinder im spital gsi nach de geburt?

Herzliche Daaank❤️

Kommentare

  • Ich ha 2x en KS gha, nachem 1.bini nach zwei täg hei und bim 2.nach dene 5.
    Im nachhinein isches bim 1.x definitiv z'frühe gsi für mich...
  • Danke diir. Mein binere normale geburt. Bide ambulant geburt schlafsch ned im spital. Gasch direkt hei🤗 ca 5-6h nach de geburt
  • Wänns der guet gaht, why not...
  • I ha ambulant entbunden und könnt mer au nüd anders vorstelle. Mi Maa het 2 Woche Ferie gha und i ha‘s Gfühl för Bindig vo Vater-Sohn esch da en super Basis gsi. Problem händ mer nie gha. Au all mini 4 Nichte sind ambulant gebore und es het nie Komplikatione ghä. Be secher ha mi de hei besser erholt, als wär i em Spital gsi. Und d‘Hebamme wörd jo am afang au 2x am Tag cho.
  • Danke evi😍 das tönt so schön. Gnau das mit de bindig zum papi findi soo wichtig. Min mah het den au 3-4 wuche ferie😍
  • Als erstgebärendi hanis no schöngfunde im spital si und hilf zha. Han do aber au es einzelzimmer gha, hetts mer nöd chöne vorstelle wies wär mit öperem zäme (und no ihrem ganze bsuech 🙈). Binere 2. würis aber au am liebste ambulant mache.
  • Natalie - vor dem heti ebe schiess. Ich wür wele es privatzimmer ha (wür au drufzahle) aber wens bsetzt sind🤷🏼‍♀️ sinds bsetzt. Und gnau us dem grund würi mi weigere im spital zbliibe. Möcht au ellei si😍🤗
  • @ALOHA wo möchtisch denn go gebäre? Und wie bisch versicheret? Bin „nur“ HP versicheret aber us dem grund ines spital wo nur einbettzimmer hend.
  • @natalie im spital männedorf möchti gern gebäre. Det hends ebe au zweibett zimmer.
    Für mich chunts keis anders ih frag, will öber vode family ufe geburtsabteilig schafft det.
  • @ALOHA also ich chans dir nur empfehle schnell hei ga. Ich bi zwar nach 1 tag hei gange aber ich wür bim 2te nur so ambulant gebäre (wen möglich) die richtigi kennelernziit het für mich ersch dehei agfange well im spital jede eppis anders verzellt und mich meh verwirrt hend we gholfe🤷🏼‍♀️ den bisch halt würkli uf dich und din muetteribstinkt allei gstellt und lernsch dis / eues baby kenne. min maa isch au 4wuche dehei xsi und het somit au chene mithelfe. und wo isches schöner als dehei??
  • @Nessa🌸 ebe gell - dehei ischs am schönschte. Und wetmi im spital ned verkrampfe will jede öbis anders ihrede möcht. De klappts mitem stille ned und min mah het scho gar nix vo ois😅 hoffe es klappt🙏🏻❤️
  • @ALOHA also du seisch es richtig verchrampfe.. das hin und her im spital het mich mega fertig & verunsicheret gmacht.. ja das wünsch ich dir🌸🌸💞 aber das chunt guet👍🏼👍🏼👍🏼
  • Bin au ein Tag nach de Geburt vom zweite Chind hei gange. Chasch dich viel besser erhole und s baby au besser kennelerne👍 im Spital hends sowieso chum ziit und die „guete Ratschläg“ sind oft too much🙈 wenn e gueti Hebi hesch bisch dihei besser ufghobe😉
  • Danke ihr zwei❤️Mini fraueärztin het au gseit dasi jo blibe chan weni agfühl heg dasi eh nacht no bliibe möcht. Aber sie finds au eh sehr gueti sach. Und han eh mega cooli hebamme gfunde😍 wo au ganz ide nöchi wohnt, wenn mal öbis dringends wär🌸🤗😍
  • Wens Baby ufd Nacht chunt würi no im Spital blibe und erst am Morge hei. Normal lönds eim ufd Nacht ane au ned gah.
    Sust findi au das mer dihei besser ufghobe isch. Am 3 Tag hei isch mega doof will den ja gern de Milchiischuss isch und und und...
    Ich bin sogar 24h nachem KS direkt hei. Würds sofort wieder so mache. Möcht au dasmal Ambulant gebähre wens klappet. Und sust es Familiezimmer das wenigstens min Maa chan bi mir si. Het Männedorf kei Familiezimmer?
  • Ich han ambulant geboren, bin ab Geburt 7h im Spitol gsii.. (het au müsse ines 5er zimmer!!) horror denn bini hei, ha eh beleghebamme kah und sie isch am negste morge früh mit Gipfeli verbi cho (21:30uhr hei - 9:00 Hebamme cho) die ganzi nacht hets baby pfuset 🙃😉
  • @Bawa so schönnn😍😍😍 danke für dis feedback. Und ischs guet gange dehei mit de hebamme?😍
  • Jaaa mega guet...ebe das mitm stille het nöd welle aber süsch echt top 😀 han sie scho wieder „reserviet“ fürs 2te.... ha ebe eigentlich eh huusgeburt plant kah ... ha aber den müsse ihleite🤥
  • @Bawa guet wens ned funktioniert den ischs so - haupsach skind isch gsund😍 au wens schön gsi wär.
    Danke für dis feedback🙏🏻 find das so schön au für de papi
  • bir 1. Geburt hani viel Bluet verlore u drum öppe 7h „müesse“ im Spital blibe. bir 2. Geburt hanis fasch nüm usghalte und d Hebamme het üs nach knapp 4h la springe 😆chönnt mer nüt anders vorstelle jetzt bir 3. Geburt.
    Am nächste Tag isch d Hebamme hei cho, und i ha nie dä Typisch Babyblues oder so gha.
    Chas nur empfähle!
  • Auso ig cha nume säge verstah aui völlig wo nid im spital wei blibe!!
    Ig ha ks gha und vier tag müesse blibe wär aber am liebste ou scho nach eim tag hei gange...das isch so stressig im spital und hesch eifach würcklich kei rueh☹️

  • amalia18 schrieb: »

    Auso ig cha nume säge verstah aui völlig wo nid im spital wei blibe!!
    Ig ha ks gha und vier tag müesse blibe wär aber am liebste ou scho nach eim tag hei gange...das isch so stressig im spital und hesch eifach würcklich kei rueh☹️

    Das het mini bescht kollegin au gseit wo en KS gha het. Allg wenner gebärt - heg sfachpersonal nie so ziit wied hebamme dehei. Es gäch alles ruckzuck. Stresse wegem stille etc. Das bruchi echt ned. Hoffe vo herze dases klappt😅🙏🏻😍
  • Äs isch nid nume das gsi bi mir...de hei sie logischerwiis schichtwächsu und jeder muesch z‘gliche verzeue obschon sie im laptop protokoll füehre...der düe sie eig ou dri wiä viu z‘bebe zuegschöppelet becho het ect und obs bechunnt aber ig ha fasch krach gha mit däne🙈🙈ig ha diä chlini beidsitig je eh halbstung gstillt und sie het eifach nid gnue gha de ha ig am erschte tag glüte und gseit ig bruchi eh schoppe diä chli heig nid gnue das hei sie de zersch abklährt nachdäm diä chli eh haubstung fasch grännet het vor hunger bringe sie fängs eh bizzeli, wo sie das fertig trunke het ha ig müesse lüte wüus def zweni gsi isch!
    Am nächste tag z‘gliche theater hei diä chli wieder ei lengi la warte und zersch no wöue abklähre wiä viu sie am vorder tag gha het ect (spiut doch kei roue sie trinkt so viu wiä sie hunger het🤦🏻‍♀️)...ig ha när müesse säge we ig z‘nächst mau lüti söu sie direkt eh schoppe bringe und nid zersch no frage und diä chli solang la warte ab denn hets klappet!
    Ig wets niemeh aber vielläch bi ig ou eifach über empfindlich gsi🤷🏻‍♀️🤷🏻‍♀️🤷🏻‍♀️

    Ig drück dir uf jede fau düme das äs so klappet wiäs dir wünschisch😁
  • Also ich bin bi beidne Geburte 4 Täg bliibe und ha mit helfe und mich ‚verwöhne‘ la. Ned müsse dra denke was choche isch mega gsii😂 (au wenn min Maa das gmacht het denn)
    Bim 1. ischs sogar guet gsii bini bliibe, will mini Tochter nach em Milchischuss nüm richtig het chöne adocke.
    Ich bin halbprivat und somit im Zollikerberg sowieso ime Einzelzimmer gsii. Drum weissis ned wies mitere Zimmernachbarin isch 😊

  • Nelia schrieb: »

    Ich bin halbprivat und somit im Zollikerberg sowieso ime Einzelzimmer gsii. Drum weissis ned wies mitere Zimmernachbarin isch 😊

    Das isch ebe ned ih jedem spital so. Bi au halbprivat versicheret aber wens dumm chunt - würi ines zweier zimmer cho. Gaht gar ned😅😂 au weni drufzahle wür - wens voll isch segis halt voll😬
  • Ich wie bi de Nelia bi beidne Chind. Hand total gnosse, s esse isch super gsi, s Zimmer schön. Bim 1. bini u froh gsi um 24h stillhilf und bim zweite hanis di erste Täg richtig chöne in rueh kenne lerne. 😏 Das wer dihei nur stress gsi.
  • Das mitm halbpriv. Versichert sii isch sone sach😓 ich bin z war allg. han aber de besser gmacht als en Privat oder Halbprivat versicherti Frau.. han es 4er Zimmer für mich allei gha 😌🤗🙌🏻

  • Tanja87 schrieb: »

    han es 4er Zimmer für mich allei gha 😌🤗🙌🏻

    Das isch glück🙏🏻😅
  • Also ich bin au nöd halbprivat versicheret. han eifach druf zahlt für s einzelzimmer. Aber im zollikerberg isch das ja prislich no machbar. 😏 Das chunt ja extrem uf de spital druf a...
  • Aso ech be bide 1. geburt 4 täg und bide 2. geburt 2 täg im spital blibe und ha die ziit sooooo gnosse... s esch der alles änetreit worde, hesch di ned ume hushalt/choche oder s grössere gschwüsterti müesse kümmere 😅 und au zum erhole hani mi sehr wohl gfühlt. Wörd mi aber au als sehr unkompliziert bezeichne, si sind meistens nur bide mahlziite bi mer im zimmer gstande, soscht händs mi in rueh gloh 😂Ah und au bim 3. wirdi weder die paar täg rueh gnüsse 😊
  • Aber bim erste chind zeigeds eim scho alles oder? Ich weis ja nonig wie das alles gaht
  • @namann27 drum hesch dhebamme wo jede tag 1-2 mal verbiichunt. Oder wend si bruchsch chunt sie au gad. Und ich denke ums baby zkennezlerne mumer ned ineme spital liege😅 verwöhne lah chani mich au dehei😍 ich fühlmi eifach wohler dehei😅
  • Nei weisch ich mues eh blibe willi niereproblem han. Het mi nur wunder gno wägem spital
  • ja, si zeige dir alles :) bi leider unfähig gsi und ha mir s wickle x-mol loh zeige... ou stille hends paar mal gluegt, obwohls guet gange isch. i has agnehm gfunde im spital.
  • Aso ich ghör zu de gstörte wo au nachem KS nach 24h wieder dihei gsi isch. 😂 Ich bin i mkm Lebe scho so viel Ziit im Spital glege dasi ned freiwillig länger als zwingend nötig blibe. Wens nach mir gange wär wäri no früener hei. 🙈
  • Bi ks häsch nid extrem schmerzä?
  • @namann27 doch scho aber die hani au weni im Spital bin. 😊
    Ich kenn mich leider guet us mit Buchoperatione und erhole mich dihei eifach besser. Han min Maa dihei gha wos Wickel, Choche, Huushalt ect. übernoh het.Sust wärs au ned gange. 😅

  • Tanja87 schrieb: »

    Das mitm halbpriv. Versichert sii isch sone sach😓 ich bin z war allg. han aber de besser gmacht als en Privat oder Halbprivat versicherti Frau.. han es 4er Zimmer für mich allei gha 😌🤗🙌🏻

    😂👍🏼 isch mer genau glich gange💪🏼
  • @Mangoo luxus gell🙌🏻 vorallem wenn die 3 Bett ned im Zimmer umegstande sind😉 bin aber de glich am negste Tag hei😅☺️
  • Ich glaub es chunt sehr druf ah i welem spital mer isch und wie versichered! Ich bin privat und mir also min ma und ich hend es einzelzimmer gha... Mir hends so gnosse... Hend eus bekoche lah etc undd hebammene sind alli top gsi und sofort da wemers grüeft het! Mir hend eus eher gfühlt wi imne hotel als wi imne spital und, freuedeus au dasmal wieder druf😂
  • Ich bin 4 täg im spital gsi und has als agnähm empfunde. Ich han es einzelzimmer gah und die ziit mitm chline mega gnosse. Au das de bsuech in spital cho isch (nur zude bsuechsziite 😏) hani super gfunde. Au dasi sesse immer as bett ane becho han und sie mir händ chönne hälfe und zeige wie wickle, stille etc. han mich eifach viel sicherer gfühlt aber das isch glaubs eifach empfindigssach... bim zweite wür ich glaubs au nüm so lang blibe.
  • Ah ja wenn au allg Versicherti Mamis es einzelzimmer wend, gönd is Kantonsspital Nidwalde uf Stans😉👍 dert hends nur no Einzelzimmer.

  • Tanja87 schrieb: »

    Ah ja wenn au allg Versicherti Mamis es einzelzimmer wend, gönd is Kantonsspital Nidwalde uf Stans😉👍 dert hends nur no Einzelzimmer.

    Wie praktisch das wär grad 5 min z Fuess vo mir😁
  • 👍😉 hihi
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland