Zickealaarm🙈🙈🙉🙉😰🤯🤣🤣😂

Mini Chli, negst Wuche 7 Mönet alt, duet ide letschte Täg mega schwierig🙈 sie weiss scho ganz genau was sie will und wenns es nöd grad git oder ich sie nöd sofort wenn sie rüeft uf de arm nime schreit sie, also nöd chli schimpfe sie leit grad voll los😅 wenn viel lauft de tag dure het sie mega freud und alles isch super aber cha ja au nöd jede tag is Schopingcenter oder so das sie cha lüt aluege. Aja ade müedikeit lits nöd es isch amigs au nachdem sie erstgrad ufgstande isch.
Wie witer?het öpert au scho die erfahrige gmacht oder isch i dere situation? Was mached ihr denn? Das strapaziert echt mini nerve wenn sie vo morge bis abig umezickt😅😅🤯🤣 heeeeelp

Kommentare

  • Verusse ufe spilplatz 🙈. Wenn mini zicked denn stinktse dinne zsi ond sie müänd use. Mini chönd zwar scho laufedrom sobalds chönd dosse omehösele esch s gezicke fertig. Also meh ih ihchaufscenter, Stadt, Spielplatz oder vellecht bringts au was de heime mit ere es spetziells „speli“ z spele wo sie nur zur verfüägig het wenn du mit ere spielsch und ziitnimmsch imund nachher weder versorgt werd wosi ned häre chond🤷‍♀️ öpis zom „male“ oder bastle geh 🤔🤔.

    Gueti Nerve, es esch leider nid eifach und im dömschtefall erscht de ahfang 🙈🙈.
  • I glaub nöd dra dass es Baby mit 7 Mte scho chan selektiv sis Verhalte stüre (erpresse, durestiere, erzwinge etc) sondern dass es sich i dem Alter no um elementars oder aber en Schub handlet....
  • Ich bi dr meinig vo dr massa2. Mine het um 7/8 monet ume au zimli „schwierig do“, aber das isch e schub gsi. Es goht vorbi und dr nöggscht schub chunnt.🤷🏻‍♀️
  • Ich am möntig 😂😂😂😂5fd53aa0-82d7-11e9-a163-3dcb5c6a739b.jpeg
  • Ig schliesse mi dr @massa2 a.
  • Also das sies nöd extra macht oder gar zum mich nerve isch mir scho klar aber es isch halt au zb wenn sie ider badwanne genau de gummifrosch neh wett uns nöd grad klappet wird sie meeega hässig wie e ragete 🙈git no viel so bispiel drum bini sicher sie weiss ganz genau was sie will😉mir sind viel dusse und irgendwo unterwegs mit fründe und familie denn isch alles guet es isch würkli nur wenn mir dihai sind en tag oder en halbe(muss au putze und wäsche😉)

    @fuchs bini ja froh isches nöd nur da eso nur das mini au nöd zfriede isch wenn mir “nur“ spaziered und suscht nüt lauft😂 mache denn immer no en abstächer in migros denn chasie no paar lüt aluege
  • Steu dir vor, es Stück vo dim absolute Lieblingschueche schwirrt vor dire Nase ume, du verwütschisches nid und dir fäut d Erfahrig zum wüsse, wie dus muesch mache zums verwütsche... 🤷🏻‍♀️
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland