🔮TOXOPLASMOSEđŸ”ŽđŸ€·đŸŒâ€â™€ïž nöd immuuun

SalĂŒ mamisđŸ€—đŸ€—

HĂŒt hani namal en kurze FA termin gha - sie het nackefalte chöne messeđŸ™đŸ» 1.3 isch de wert.

Au hetsi na gseit dasi nöd immun gege toxoplasmose bin. Dh kei rohs fleisch, katze kot ufpasse und im garte nur mit hÀndsche schaffe.

Aber ich liiiiebe ufschnitt - das derfi scho oder?
Eifach fleisch immer dure braate, kei salami und tatar oder?

Danke viel malđŸ™đŸ»
«1

Kommentare

  • Ufschnitt isch jo bearbeitet worde 🙂 jo kei salami, tatar rohe fisch 🙂 ich han amigs salami uf de pizza gnoh đŸ€Łwills erhitzt wird
  • @ALOHA ah intressant dass sie dir das grad het chöne sege dass nöd immun bisch. Bi mir isch das nie thema gsi. I gang devo us dass ichs bin welli fast 20 johr mitre katz zemegwohnt han. aber jo..ich han am afang no druf glurged ez eigentli nĂŒme. okay tartare issich ez nöd grad und ganz rohs fleisch..aber lachs salami rohschinke wenns gad une liit chani nöd verzichte 😋
  • Ja sie hend de bluettescht am mĂ€ntig gmacht😅 s‘labor het ned so langđŸ‘đŸ»Ich lebe au mit katze zeme🙊 ich iss ebe au ganz normal aber ich glaub das wĂŒri mi etz nid getraue😅 wensi das scho so klar seit.
  • Ja katzeklo sett ez besser din Maa putze 😀 und halt immer guet HĂ€nd wĂ€sche wenn mer Tier gstreichlet het... salami au nur uf de pizza oder minipic die def mer neh.... 😀
  • jo nei wennd weisch bisch nöd immun sowieso..aber seg mol das isch möd dini erst ss du hesch scho es pasr kind oder?
  • @Bawa katze machet zum glĂŒck alles dusse. Hend keis katze wcđŸ™đŸ» aber bringet viel viecher hei und verkĂ€tschets. Die chaner au ufputzeđŸ€—đŸ˜ŹOhhh mini-pic. Danke😋😋
  • @Adriana moll isch mini erscht😅 sind eifach 7 jahre dra gsi😬
  • Hihi ok ja denn isch das ja scho mol guet...jaaa ich fiiire au mini pic aber ich isse au de ander salami „roh“ bi aber immun đŸ€Ș🙄😂
  • @Bawa voll😅 guet ich chönts au esse wenis vorher ihgfrĂŒhr.. aber obmers den na esse cha😬 kei ahnig.
  • Hehe 😉 ja seb weisi nöd...😅
  • @ALOHA ohhh ah krass entschuldigung..ich han die gschicht nöd vu afang a mitĂŒbercho 🙈 7 johr! ez "natĂŒrlich" klapped ? sorry fĂŒr mini noigier musch nöd beantworte..aber uuuu schön dass es klapped het!!
  • Scho guet😅 hend selber nĂŒm demit grechnet. Jaa obwohl fraueĂ€rztin gmeint heg dasi nie uf natĂŒrlichem weg schwanger werde chan. Hend zerscht 3-4 jahre ellei probiert. Den mitem frauearzt clomifen und eisprung uslöse mit unterbrĂŒche. Und de wosi gseit het: ab id kinderwunschklinik - hemer demit abgschlosse vorlĂ€ufig. Han den min magebypass wele mache am 04.01 und zur sicherheit hani am 23.12 na en sst gmacht, ned dasi durd OP mis kind umbringe wĂŒr. Und zĂ€gg ischer positiv gsi😅
  • Krass!! LĂ€ck farrukt..megs cool. Schöön!
  • Ja das isch echt es wunder😅 drum hani kei ahnig vode schwangerschaft.
    Vo kinde hani meh ahnig wili sit jahre ide krippe schaffe aber schwangerschaftđŸ€·đŸŒâ€â™€ïž nope😬
  • hihi..finds sooo e spannendi ziit
  • Oh krass Aloha... mini schwö isch leider au siit 4Jshr dra und sogar scho ide kiwu klinik und scho 2x nöd klappet 😭 uh schwierig demit umzgoh....
    huch grad sone grosse ihhgriff, wirsch das trotzdem mol nu mache? Isch ez blöd mit de ss wegem zueneh? Bi ebe au chli „ meh“ aber ich hoffe ich nĂŒm nim so viel zue wie ide 1 ss 🙈
  • also ich han gmeint ufschnitt au nur wens kocht isch und ned gerĂ€uchertđŸ€·đŸŒâ€â™€ïž
  • und salat sött mer uswerts au ned esse het min FA gseit. ich ha mega uf alles gluegt.. vlt well die 1ss leider e FG xsi isch
  • @Bawa oh😱 chan so mitliide. Evt lihts au dra dasi am mah zwei spezielli burgerstein vitamine kauft ha. FĂŒr spermie.
    Ja wets möglichscht bald nach de geburt mache, je nach dem wies mitem stille klappt.
    Bis jetzt ischs easy - fraueĂ€rztin het gad gmeint derf nurna 3kg abneh. Den sinds gnau 10kg woni ih dene 13 wuche abgno han. Mag eifach nĂŒm so esseđŸ€·đŸŒâ€â™€ïžAber ich gah au vo mir us ab mitti mĂ€rz zude ernĂ€hrigsberatig, dasi nur um die 5-10kg höchschtens zuenimm. Wet au kei diabetis becho oder es feschts baby ufd welt bringe. Ob das alles so klapptđŸ€·đŸŒâ€â™€ïžđŸ˜… wunschdenke.
    Mal luege - haupsach am baby gahts guetđŸ˜â€ïž und bis jetzt gahtsem super.

    Wieviel hesch den ide 1. ss zuegno, weni frage derf?
  • Bi eus het au bi beidne SS min Maa Katzechiste gmacht. Ich han alles gesse ussert Lachs, Salami und Tatar. Uf min 1. Zmorgeteller im Spital sind uf all FĂ€ll denn 3 Schiibe Salami glege. đŸ€—đŸ˜‚ hans soo vermisst gha
  • Nelia so guuet😍😅 sushi heti soooooooo luscht. Aber đŸ€·đŸŒâ€â™€ïžđŸ˜Ź durehebe🙊😍DankeđŸ€—
  • @ALOHA i han mim mami letschti gseit sie sell mer denn wenn sie in spitol chunt es tartar mitbringe 😂
  • 😂😂😂 so guet. GnĂŒsses den😋😋
  • Aso Ofschnitt ond Schinke ess ech au... eifach nor ned roh, tröchnet oder grĂ€ucheret... ech lueg sowieso extrem wott keis Risiko igo ond Chatzeklo hĂ€t i jedere SS min Ma gmacht...

    HĂ€t dini Ärztin das vo sech us gmacht de Test?

    Ond weg de ErnĂ€hrigsberotig zahlt das d‘KK öbers KVG?
  • ALOHA schrieb: »
    au

    Ich bin i minere 1. ss ĂŒbergwichtig gsii.. mine FA hed mer gseid ich wirde es „riese baby“ becho ufgrund vo mim ĂŒbergwicht und am ssdiabetes woni gha han... han aber de mit de ernĂ€hrig chönne medis umgah. Und us dem riesebaby isch en 49cm grosse und 3099g schwere gsunde Bueb wordeâ˜șâ˜ș
  • Tanja87 schrieb: »
    Ich bin i minere 1. ss ĂŒbergwichtig gsii.. mine FA hed mer gseid ich wirde es „riese baby“ becho ufgrund vo mim ĂŒbergwicht und am ssdiabetes woni gha han... han aber de mit de ernĂ€hrig chönne medis umgah. Und us dem riesebaby isch en 49cm grosse und 3099g schwere gsunde Bueb wordeâ˜șâ˜ș

    @ALOHA hett selle a dich gah und ha welle din text zittieređŸ€ŁđŸ€Ł han aber nur s au kopiert🙈🙈
  • @Samantha tröchnets fleisch derfi au ned?😹 de tescht hetsi eifach gmacht gha jađŸ‘đŸ»Kei ahnig. Also KK zahlts sicher. Swica zahlt fascht alles wo mit bewegig und abneh zdue het. Bin aber au guet versicheretđŸ‘đŸ»
  • Tanja87 schrieb: »
    Ich bin i minere 1. ss ĂŒbergwichtig gsii.. mine FA hed mer gseid ich wirde es „riese baby“ becho ufgrund vo mim ĂŒbergwicht und am ssdiabetes woni gha han... han aber de mit de ernĂ€hrig chönne medis umgah. Und us dem riesebaby isch en 49cm grosse und 3099g schwere gsunde Bueb wordeâ˜șâ˜ș

    Danke fĂŒr dis feedback. Mini frauĂ€rztin het das zum glĂŒck ned gseit. Oder nanig😬😅 ich gahn au vo mir us zude ernĂ€hrigsberatig. Wili eifach so schiess han. Hoffe au chum es normal gwichtigs kind ĂŒber😅 wieviel hesch zuegno gha weni frage derf?
  • @ALOHA be de Meinig me dörf ned wiils jo ebe tröchnet esch ond ned koched...
  • Ahh danke😅 hani ned gwĂŒsstđŸ™đŸ»
  • Hoff ech verzell der kei Seich... be ebe wĂŒrkli sehr vorsichtig... ond wenn ech onsicher be verzichte ech ebe lieber 🙈
  • Das isch lieb danke. Du hesch recht - lieber eimal meh verzichte.
    Ich luegs aber den bald mit de ernĂ€hrigsberatig ah - sie chamer sicher helfeđŸ˜…đŸ€—
  • ALOHA schrieb: »
    @Bawa voll😅 guet ich chönts au esse wenis vorher ihgfrĂŒhr.. aber obmers den na esse cha😬 kei ahnig.

    Das mitem igfrĂŒre isch glaub chli umstritte öb das wĂŒrklich was bringt. Will bim gfrĂŒre die Bakterie nur “schlafed” aber nöd abtödet werded đŸ€·đŸœâ€â™€ïžđŸ€” aber ich bi au nöd di ĂŒbervorsichtig gsi, ha vieles gĂ€sse womer nöd sötti. S risiko isch ja eigentlich sooo gring.
  • Jz wirfi mi ou no hurti i euui unterhauutig aus frou wo brueflech jede tag mit lebensmittu z dĂŒe het...

    Esset nid (wie dir o erwÀhnt hejt) Tartar, Rohwurst oder rohe Ufschnitt, Pökelfleisch oder gröicherete Schinken...

    ToxoplasmosefĂ€uu heii im 2018 wieder zuegno ir Schwiz und daher wĂŒrdi vorsichtig sy und haut verziichte oder ebe auues ufd pizza gheiie 😉 was ou geit isch churz ir pfanne ahbrate.
    Das mitem gfrĂŒĂŒre isch es urauuts mĂ€rli, machet das nid...
    Bakterie erstarre zwar aber sterbe nid komplett ab. (Im kĂŒhlschrank schalfe sy aber ebe vermehre sech.)
    Lieber dir verziichtet einisch meh, isch ja fĂŒrs bebe!

    Ah und nid z vergesse gmĂŒes u frĂŒcht iiiimmer guet wĂ€sche wĂŒu dert cha sech de parasit ou ufhaute! Erde halt.. Darum ou das mitem Garte....

    Schöns weekend!
  • Nelia schrieb: »
    Bi eus het au bi beidne SS min Maa Katzechiste gmacht. Ich han alles gesse ussert Lachs, Salami und Tatar. Uf min 1. Zmorgeteller im Spital sind uf all FĂ€ll denn 3 Schiibe Salami glege. đŸ€—đŸ˜‚ hans soo vermisst gha

    Haha đŸ€Ł Tanja ha grd mĂŒese lache min ma hĂ€t mir direkt nach de Geburt mĂŒese es Salami Sandwich bringĂ€ đŸ€€
  • @Nelia đŸ€ŠđŸ»â€â™€ïž zitiere söt me chönĂ€...
  • Chil schrieb: »
    Haha đŸ€Ł Tanja ha grd mĂŒese lache min ma hĂ€t mir direkt nach de Geburt mĂŒese es Salami Sandwich bringĂ€ đŸ€€

    😂😂 ich ha 5 tĂ€g nach eusere muus geburtstag und min mah het mer mĂŒese zum znacht thonsalat mit gaaaaanz viel salami mache 🙈
  • Aja au bim Salat ufpasse. Kein fertig gschnittene Salat chaufe. Wen den immer de ganzi und selber zuebereite und ganz guet wĂ€sche. 😊😉
    Und mached eui ned zgrossi sorge wege de Grössi vom Baby. Das chamer e ned beiifluse. Miis erste isch 4350gr. gsi... Bin ned ĂŒbergwichtig und han au kei Diabetis gha. Jetzt bini am endi vode 2 schwangerschaft und Baby wird uf 3300 gschĂ€zt. đŸ€·â€â™€ïž 😊
  • 85fdcf80-3cc8-11e9-82fd-7bf8f4d93ab3.jpegDas wĂ€ri suscht no es App wo dir chli cha hĂ€lfe😉
  • Sorry dassi mi drischliche 🙈 Aloha wegem gwicht vom baby muesch kei Angst ha bez. ĂŒbergwicht. S‘gwicht chamer selte beiflusse. Mini Kids sind 4.5kg/59cm & 4.38kg/56cm & ich bin nöd ĂŒbergwichtig gsi & ha beidi mol kei SS-Diabetes ka.
  • ... ich wĂ€r gotte froh gsi min chlinĂ€ het chli me babyspeck gha!!!! Babys hĂ€nd lieber es pölschterli wie keis 😘
  • Danke oi.

    Ich lahni mal ĂŒberrasche. Haupsach sbaby und ich sind gsund😅
  • Genau das isch s‘wichtigste. đŸ™đŸ»& so chlini möckli sind au ganz sĂŒess 😍
  • @ALOHA nei mach der wĂŒrkli kei sorge wegem gwicht.. ich han au ehner viel zuegnoh 24kg 😅😅 und mir hends immer xseit ich bechum sicher es rieseeee baby oder sogar ob ich zwillinge han?!đŸ™„đŸ€š und er isch total im durchschnitt mit 3300g ufd welt cho
  • Lunapiena, hesch du recht. Aber chaschder die kommentĂ€r und blick vorstelle? Es mami wo chli feschter isch und den sbaby wo chli meh speck het. WĂŒrs das ned verkrafte.
  • @Nessa🌾; danke viel malđŸ™đŸ» das beruhigt mich echt😘
  • ALOHA schrieb: »
    Danke fĂŒr dis feedback. Mini frauĂ€rztin het das zum glĂŒck ned gseit. Oder nanig😬😅 ich gahn au vo mir us zude ernĂ€hrigsberatig. Wili eifach so schiess han. Hoffe au chum es normal gwichtigs kind ĂŒber😅 wieviel hesch zuegno gha weni frage derf?

    @ALOHA Ou das isch e gueti FragđŸ€ŁđŸ™ˆ isch sch 9 jahr her😅 dazumal um die 15 kg.
  • Ah das isch ja easyđŸ‘đŸ»đŸ‘ŒđŸ»
  • @ALOHA i ha gmeint es isch ender so, dass ĂŒbergwichtigi froue chlineri babys ĂŒberchöme.. Ă€mu bi mir u mire schwöster hets gstumme.. i bi schlank u ha es riise baby ĂŒbercho u mini schwöster isch ĂŒbergwichtig u het es chlises ĂŒbercho.. aber es spiele gloub viu verschideni faktore mit.. hie no e spannende link zum thema:

    https://www.swissmom.ch/baby/medizinisches/das-neugeborene/groesse-und-gewicht/was-beeinflusst-das-geburtsgewicht/
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner NĂ€he austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum