Motivation Sport am Abend

Ihr Liebe Mamis 🤗

Mis Töchterli isch jetzt den gli 3 Mönet und ich gseh us wie hochschwanger🙈😩 (ich weiss es brucht Zit und Gsundheit isch s wichtigste für mi) aber nervt mi scho eh chli 🙈 Ich bewege mi eigentlich gnueg (Hushalt jede Tag 2 mal use goh mit de Kids) und esse tueni mi usgwoge aber halt mängmal öpis süesses aber nid im übermass. Ich müesst wie zuesätzlich noh Sport mache au nur scho zum min Ruge z stärke 🙂 nur fehlts mir am Motivation will ich am Obig amigs kaputt fix und fertig bin 😩händ ihr mir evtl eh Tipp mi z überwinde?

Kommentare

  • Gaht mir leider au so. 🙈 Vorallem bis beidi im Bett sind isch 9ni. 🤨 Bin jetz mal im Zumba mit Chinderbetreuig gsi. Hals tagdurchs. Bin aber no unschlüssig und au nöd ganz zfride mit de lösig.😅
  • Ja verstahni wenn de ganze tag volle hesh... min chli ish 4 monet, ha müsse afah shaffe und gahne amal am 00:00 is training den lueget min ma. Uf de chli.
    de chli tueni am 20:30 is bett den machi esse und am 21:30 gahn ich is bett bis 00:00 stahne uf & gahne is gym. Muss aber sege dasi au vor de Ss regelmässig gange bi & au damals sho immer so spaat..
    ich wür der rate ganz uf süesses z verzichte, ich lieb shoggi & sitt ich gaanz ufghört ha süesses esse ish recht viel pssiert mit mim körper & luege allgm dasi wenig bis gar kei zucker zu mir nimme.. riis-herdöpfel-gmües & frücht, das sind so mini lebesmittel🙈Lueg der am abig so motivationsvideos a usem youtube evtl hilfts🤷🏻‍♀️ ich ha mich amal im spiegel agluegt und mir gseit: so jez überwind din shweinehund & gahn is gym! Bi mir hets klappet🤷🏻‍♀️Hoffe bi dir au🤗🍀
  • Ich gehe sehr gerne ins Fitness, egal zu welcher Zeit. Weil ich dann auch mal Zeit für mich habe 😀
  • Und Kinderbetreuung im Fitness erleichtert natürlich einiges!
  • Wiso am abig? Mach doch am Tag/ morge? Wod Kids chasch mitnä?
    Ich gane am Fr morge is tanze den hani di chli im Tuech die gross tanzd mit oder spild ( wird betreut) und am DO morge gani is Boxe met de grosse. Die chli liit und gügsled zue. Es git uh vil Sportagebot met Chind 👌🏼
  • I mache dihei mini workouts miter app. Meistens am morge wenn de gross im kiga isch und de chli turnt amigs mit oder isch am spiele. Jo es brucht überwindig aber wenn mer mol d sportsache agleit het gohts ruckzuck und hesch dis programm gmacht. Am afang vellecht nur 20 min und de chasches steigere. I ha au ufghört süesses ässe, bin ned übergwichtig aber ha set jan scho 2 kg abgnoh und gmerkt wie sich min körper veränderet het. Wichtig isch das spass dra hesch schösch machsch da nämli 1-2 wo und de hörsch weder uf🙈 i ha mir zur motivation zum mich meh bewege en fitbit uhr kauft nützt super👍
  • hmh was gäbts den so für agebot mit kids ?🤔

    danke eu 🙂 jaa muess dringend öpis mache jetzt 🙂au wegem Ruge 😩
  • Ebe zum Bispil tanze,
    ech gange jez is Kickboxe isch rächd intensiv au met Chind 🙈.
    Oder paksch de chli in Wage machsch metm grosse en Vitaparcour 😊
  • Gäl du hesch
    sArA91 schrieb: »
    hmh was gäbts den so für agebot mit kids ?🤔

    danke eu 🙂 jaa muess dringend öpis mache jetzt 🙂au wegem Ruge 😩

    Gäl du hesch au zwei? Ich finds ebe jo schwirig mit dene betreute Sportsache. Di chli würd da ja no mit mache, aber dr gross finds voll doof. Wenn mer denn au no en kampf het zum ihn döt hi z bringe 😬 agebot sind glaub recht unterschidlich, je nach dem wo das wohnsch. Vilcht hets z.b. es fitnesszentrum ide nöchi bi dir oder es gmeinschaftszentrum?
  • Vitaparcour gaht ebe au nur wenns chli sind. Also mit beidne würd das nie funktioniere🙈
  • Anni schrieb: »
    Vitaparcour gaht ebe au nur wenns chli sind. Also mit beidne würd das nie funktioniere🙈

    Aso meni gross esch 2.5Jöhrig di chli 3 Mönet. Du musch ja ned jogge, chasch ufm wäg zum Bispil usfall schritt mache, die gross animiere zum hin und her springe und ade Statione chasch d üebige mache. Meni gross finds mega tooll. Und die chli pennt. 🙈 Aber es chund glaub scho au extrem uf d Chind druf ah.
  • sArA91 schrieb: »
    danke eu 🙂 jaa muess dringend öpis mache jetzt 🙂au wegem Ruge 😩

    s Mawiba esch nüt xii?
  • ins mawiba will ich noh bis jetzt no nid derzue choh🙂
  • also min chline isch jetzt 3mnt alt und ich han no 3kg vo 22🤷🏼‍♀️ ABER ich han würkli au mösse drum kempfe jetzte.. Ich mache e Diät.. chan glich abwechsligsriich esse.. Ich koche eifach alles 2 3 Tag vor. ( Isch abgwoge) und gahn jede 2 Tag is Gym. Min maa passt den uf de chli uf und ich finde das isch s mindeschte well mir hend ja die ganz SS hinter eus. Ich bi halt Top motiviert und wür au zur jeder Ziit gah hauptsach ich bi gange.. Ich bruch das au als usglich für mich eifach mal beidi händ und kopf nur für mich allei.. Bi aber au vor dr SS mega agfresse xsi. Cha den ned din Maa @sArA91 d chind is bett tue?
  • NessaNessa

    233

    bearbeitet 15. 03. 2019, 09:37
    @sArA91 und mini motivation isch zb. alti bilder vor de SS. Chleider vo vor de SS.. 🙂
  • Ich mache am Abig Workouts mit Gymondo. Det gits au After Baby Body Workouts und so. Sie sind echt super.
  • Und sobald es Fitness bi eus ufmacht gani denn und tue beidi id Chinderbetreuuig
  • Wie wers met morivation sport am morge? Mine esch 5 mönet und am morge sicher 1h zfriede wenni nur nebedea ben.
    Ich han es trx und Gymnastik Bänder. Demit machi jede morge 30-45min fitness
  • @LoSo dörf ich fröge wo du de Tanzkurs machsch? Und wie er heisst? 😊
  • Ech gane is Mawiba in Hofdere bi de Cora Zollinger 👍🏼👌🏼
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum