Milchpumii choufe oder miete?

bearbeitet 2. 03. 2019, 19:47 in Schwangerschaft
Was empfählet dir? Koufe oder miete? Ha vor 6 monet fou u ner teil stille bis 1jahr..:) was si euchi empfählige? Lg

Kommentare

  • Eini miete i de Apothek isch mega tür🙈 Au wenn d krankekasse dra zahlt ischs bi mir extrem is geld, so dasi denn doch no selber eini kauft ha. Hesch denn vor so richtig zum schaffe und schöppele abzpumpe oder eifach eini zum ha, falls mal in usgang gasch, s chind bi de grosseltere isch usw?
  • Mini chrankekasse het au ane kaufti ane zahlt. Weni das gwüsst het heti nemlicn vo afang a eini kauft.
  • miete chostet ca.3.50 am tag uf. d chrankekasse zahlt glaub 2.- devo 🤔 und denn no s pumpset wo au no ca.40-50.- fr. chostet
  • I ha eini kouft und würd sä niemeh here ghä! I due täglech abpumpe, und wasi nid grad bruche wüui zum zahnarzt oder so gha chunt id gfrüüri. Scho nur z gfühu: das isch mis. Vorher hani eini vor hebamme usglehnt gha und isch eifach geng das gfühu im hintergrund: nid kaputt gha!! Mini Kk het 90% zauht wüui ir zuesatzversicherig hilfsmittel dinne ha. 🤗
  • Han bim erste eini gmieted und mit dem woni dete zahlt han heti mir 3 chöne chaufe. Dasmal wirdi grad eini chaufe
  • Wür au nomal eini chaufe👍 han vor 9 jahr eini kauft. Funktioniert no iwandfrei👍👍
  • Nei ha vor 6 monet voll u de pumpe o gfrüre..gloub de choufi def eini;) weli empfähletdr? Avent? Medela?
  • Ich han d Medela👍
  • Han e Handpumpi vo mim Mami Gschenkt übercho für so zwüscheddure mal paar Büteli für de Gfrürer mache, ha denn nach 3 Wuche müsse eini Miete wege Milchstau und zviel Milch und jetzt schlussentlich hani hüt e bruchti kauft uf Tutti und bi seeeeeehr froh drum👍🏻👍🏻
  • Medela. D freestyle.
  • Han au e Medela
  • het öbbert ardo calypso?
  • chaufe🙈 mini kk het ca. 80% zahlt und i han e ardo kauft gha.
  • @Adriana jo ich e doppel Pumpi☺️ ha sie a im spitol gha und bi sehr zfriede gsi
    ha zersch e medela
    usglehnt gha und nid zschlag cho 🤷🏻‍♀️
  • Allenfalls zuerst mieten, um auszuprobieren und danach kaufen. Aber: unbedingt eine Doppelpumpe!
    Wie schon gesagt wurde: die KK beteiligt sich oftmals daran. Meine (SWICA) hat 200.00fr übernommen.
  • übernimnt denn KK au köste wenn me sie uf tutti wür kaufe?
  • @Adriana wenn en Chaufbeleg hesch scho, aber das wird ja wahrschinli na schwierig 🙈 am beschte frögt mer bi somene Fall direkt bide Kasse naa
  • Adriana schrieb: »
    het öbbert ardo calypso?

    I han dardo und bi voll zfrede gsi.. ha 5 mönet voll gstillt und mit dere super chöne abpumpe😍
  • denn werdi idemfall sone ardo kaufe..uf tutti hets jo u virl uswahl..😊
  • @Adriana d ardo calypso isch super👍 ig hät so eini sogar zum verchouf...
  • @springlower e elektrischi doppelmilchp?
  • wür denn villicht nomol en ufruef mache do inne..han jo im april termin und wart ez mol ab wies mit minere milch lauft
  • @Adriana: ja e elektrischi doppelmilchpumpi ardo calypso, s neue modell. uf tutti werde viu alti verchouft. (usse grüen u de es wiss gelbs display)
  • @springflower wieviel würsch du no wele defür?
  • also ich empfehl au eini z kaufe...ich ha d medela freestyle gha und die isch super gsi...s chunnt ganz uf d krankekasse druf ahh...ich ha dazmol d Helsana gha und die hend mer gseit das sie 360 CHF ane pumpi zahlet....da isch perfekt gsi..wel d medela freestyle isch 358 CHF gsi bi galaxus..
  • @saerle91, i ha mini kauft do Chrankekasse ide erste 8 Wuche noch Geburt 360.- dra zahlt het. I ha e Medela freestyle Doppelmilchpumpi kauft, do ich noch 10 Tag han müese höre stille und sit do täglich abpumpe und sie drum sehr usgiebig bruche. Bin froh ghört sie mir und isch nid gmietet.
  • @saerle91 besser kaufe , bide krankenkasse fröge wie viel si übernemmed:) lohnt sich meh als miete.
  • Würd au chaufe. Miete i de Apothek chostet schneller vil meh als eini chaufe. Miete het mi trotzdem das d chrankekasse dra zahlt pro Tag über 1 Fr. kostet. Weis leider nüm genau wie vil. Es chostet pro tag 3.45 Fr. denn muen mer no s hübli und so selber poschte....
    Klar, d Pumpi zum miete isch au einiges besser, aber das ischs mer denn doch nöd wert. Han e medela swing kauft, das langt völlig wenn mer nöd monate lang muen 6 mal am tag pumpe. 😏
  • Ich habe gleich vom Spital eine Milchpumpe mitbekommen (gekauft) und musste nie etwas bezahlen, hat meine Krankenkasse vergütet. Vielleicht aber auch weil es nicht klappte an der Brust und ich im Akkord Abpumpen sollte
  • Ardo Doppelpumpe cha i dir empfählä
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum