Misgav-Ladach-Technik (Kaiserschnitt)

Gibt es hier Mam‘s, bei denen die Misgav-Ladach-Methode (sanfter Kaiserschnitt) angewendet wurde? Falls ja; könnt ihr davon berichten? Die Methode würde mich sehr reizen, ich weiss jedoch nicht, ob sie in der Schweiz verbreitet ist.

Kommentare

  • Soweit ich weiss, ist dies inzwischen die übliche Standardmethode (jedenfalls wenn es nicht pressiert) - wurde mir bei der Spitalbesichtigung 2017 so gesagt. Vllt findet sich noch jmd vom Fach, der es bestätigen kann. Unsere Tochter kam per (geplantem) KS zur Welt und es war eine tolle Geburt 😊😍 Was willst du denn wissen?
  • Hab 3 Kolleginnen gefragt, die alle einen geplanten KS hatten; bei Keiner wurde diese sanfte Methode angewendet. Ich habe das Gefühl, in der CH wird grösstenteils immer noch komplett geschnitten. Würde mich sehr Wunder nehmen, wie Frauen die Misgav-Technik empfunden haben (vorallem der Genesungsprozess)
  • Hmm ich weiss ned obs mir mit dere Technik beidi KS gmacht hend, aber ich ha en chliine Schnitt und mini Buuchmuskle sind au ned zuegnäit worde und das macht mer ja bi dere Technik ned. Mir ischs nach beidne sehr schnell wieder sehr guet gange. Nachem 1te KS wo en sekundäre gsi isch, bini nach 48h hei und nachem 2te am vierte Tag. Ich wär scho früehner hei, aber sie hend de Hüftultraschall am 4. chöne mache aso bini bliebe.
  • Muess mini Gyne unbedingt frage, ob sie das macht. Wär so froh.
  • Wird do standartmässig agwendet. Es isch wüsseschaftlich belegt, dass z gwäb so besser heilt. Drum wird nüm gschnitte!
  • @LaCrissa wo de? Meinsch ir ganze CH?
  • Jo ir ganze schwiiz. Aber frög din gyn 👍🏻
  • War bei mir bei beiden KS so. Beim geplanten und ungeplanten
  • Weise gar nöd... 🤔 wie findet mer das use? ha aber gmeint ich seg zweimal gnäht worde,die inner und di üsser schicht 🤔 denn wer das demfall nöd di sanfti. han en plante kaiserschnitt gha, ohni stress.
  • I glaube ebe, dass es nid Standart isch ir ganze CH. Mini 3 Kolleginne hei aui de normau KS gha (u das isch bi aune so 2-3 Jahr här).

    Da i säuber vor 3.5 Jahr e Not-KS ha gha, het sich di Methode dennzumau erledigt 😬.

    Iz hani i 28 Tag e plante KS u würd ebe sehr gärn dass me di sanfti Methode awändet.

    Ha ire Wuche Kontrolle, de wirdis abkläre.
  • Isch das nöd normal das mer au nachem sanfte KS alli Schichte muess naihä? Me chas jo schlächt eifach loh wies isch😅🙈 ich han 2 mol en sanfte gha und bi dä erste Geburt en Not-KS. Det weissis nöd🤷🏻‍♀️
  • 2523d120-45cc-11e9-b686-8bce9f248be3.jpegNei wird ebe irgendwie nid aues gnäiht
  • Spannend! Muessi nächst wuche grad fröge wies das bi mir gmacht hend. Nimmt mi wunder🧐
  • JuNa schrieb: »
    Isch das nöd normal das mer au nachem sanfte KS alli Schichte muess naihä?

    Stimmt🙈 Da hesch recht. Mer wirds ja wohl au bim sanfte nöd eifach si lah.
  • Sanfti methode bedüted nid dass es weniger oder nid weh tuet, nid gnäht werde muess oder länger duret. Das isch hüt würkli die misgav-ladach isch die normali Methode hüt zu tags. Bin op-schwöster, zwar isch gyn nid mis gebiet. Aber es wird scho lang nur no so operiert, ich känn echt nix anders. Aber bin jetzt mol gspannt was dini gyn seit. ☺️
  • Sorry kauderwelsch 🙈 aber me verstohts glaubs trotzdem 😅
  • @LaCrissa ich het au gsait dases „die üblichi Methode“ isch.Mag mich erinnere dass mir bi dä erklärig vom Ablauf erklärt hend mitem ufriesse🧐
  • I weiss nid aber für mi tönt ds irgendwiä nid so sanft weni mr vorstellä ds mr dr buuch ufgrissä wird 😯 ds tschuderet mi scho allei bir vorstellig 😆
  • 😂 du saisch es ohana. Das goht ratz fatz. Sogar schneller als wenn sie schnide würdend. Sie nennes sanft, wills für d heilig vom gwäb besser isch 🤷🏼‍♀️ aber zum Glück gspürt me dank der Anästhesie nüt vo däm allem 😊
  • Esch standard e de schwiiz. Wenns ned gad um läbe und tod gahr, werd die verwendet.
    Habi au gha. Nur faszie esch gneiht worde alles andere ned. Heilig gaht eifach schnäller, aber weh duets genau so ;-)
    Wärend de op hani gar nix gmerkt nume sabedrucke vom kind.
    Fäde het me nur die zwoi ändine gseh wo ine dfaszie gneiht worde esch, ansonste send nur so kläbeeli drüber gsi.
  • isch wohrschinlich sgliche prinzip wie bim dammriss/schnitt..mer lohts jo lieber risse als schnide well nocher de heiligsprozess besser isch und weniger schmerze macht..
  • S‘git glich no enorm viu Ärzt, wo de Dammschnitt mache 😳
  • chame das nöd wünsche vor geburt?
  • Ja kennä o paar womer hei vrzeut si hei ä schnitt gha
  • Aso dammschnitz
  • @Adriana velech muesch es dim Gyn explizit säge. I wirde nächschte MI au mit mire Gyne luege für di Misgav-Ladach-Methode.

    Hüt i genau 4 Wuche wirdi mis BB i de Arme ha (wenns nid ufsmau früecher usewett 🙈). 😱😱😱
  • Dammschnitz🤣 Sorry und danke Ohana, muess grad soo lache
  • @twilly hahaha wär mr garnid ufgfallä 😁
  • Wie isch das eigentlich wenn mer en plante ks het und mer de plötzlich glich früher wehe bechunt..? Machets de glich eine oder muss mer de spontan gebäre?
  • Mer muen nie spontan gebäre wenn mer nöd will. Mer chan sich immer en KS wünsche. So ischs mir gseit worde. Wennt nöd dörfsch natürlich gebäre werdets ja sowiso en KS mache und wenns nur uf wunsch gsi isch, oder eifach will d schwangerschaft nüm z lng het dörfe gah, chöntsch es theoretisch denn immerno sege.
  • Ich tendiere ebe eher zumene ks. Ha s erstmal spontan gebore gha. Demfall macht mer denn eifacht früher als geplant eine
  • Also betreffend Dammschnitt, i han im 2014 und 2016 gebora und han beidi mol a Dammschnitt kah. Bin froh gsi drum, wells z Köpfli zwit aba grutscht isch. Bim Schnitt häsch es halt kontrolliart und bim Dammriss nit. Isch super verheilt und d Narba gseht ma nit und gspührt ma nit.
  • Min FA tuet individuelle entscheide ob Schniede oder Riesse... er seit chont so of d‘Geburt a... mehrheitlich loht er riesse, aber mängisch seig e Schnitt besser.... denke do esch würkli d‘Erfahrig vo FA ond Hebamme wechtig...
  • Auso, ha hüt mini FÄ gfragt; sie versueche so guet es geit „z‘risse“. A gwüssne Stelle muess haut gschnitte wärde. U da i vor 3.5j e Not-KS ha gha, chas vorcho, dass gwüssi Stelle „verhärtet bzw. vernarbt“ si u müesse gschnitte wärde. Prinzipiell tüe sie jedoch risse & dehne wöu das für d‘Wundheilig viu besser isch.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum