Baby ist ständig Müde

Hallo zämä. Ha dänkt villich geits öpperen ähndlich ubd het ä Tipp für mi. I ha äs Töchterli d'Mia und si isch iz grad 6 Monet aut. Si isch am afang ä sehr schlächti Tag schläferin gsi, het mega mpeh gha mit ihschlafä u wenn si de ääändlich gschlafä het, de o nur genau 30min.

Iz hei mir ä für si ä Strucktur i Tagesablouf bracht mit festä ässens, - und schlafzitä u sit den isch vil besser.
Aaaaber si schlaft um diä 17stund i 25stund, UND ISCH TROTZDÄM IMMER 30MIN NACHEM ERWACHÄ SCHO WIDER MÜED... 😕😕😕 Egal wie lang si het gschlafä, ob morgä oder Nami oder nachem Mittagsschlaf... Nach 30min wach si wett si scho wider schlafä. Si nimmt wäg däm o dr mittagsbrei nid guet u am nami o nid... Am norgä u abö bechunnt si schoppä u ir nacht schlaft si dürä..

So, i hiffä das mir öpper ö tipp het ider cha mitfüehlä... Isch sooo schaade das si de wen si wach isch när immer so quengelig und schlächt druff isch... Mä wets doch i gniessä... 🤗😔❤️

Kommentare

  • Ich weiss chan der ned helfe, aber wotsch tusche für 1 wuche 😂😂😂 ich han sgegeteil diheime. Esch jetzt 5 monat alt und will nid schlafe, esch aber au durens müed.

    Was aber na chan sie, das ere kreislauf vll gar ned en schwung chunt, wel sie ebe so viel schlaft. Kennt me ja vo sich selber.
    Wenni de gabz tag penne chumi au ned ed gäng und ben tod
  • Ich hetti jez xeid e Phase... en Schub... 🤷🏽‍♀️ Ich wür si eifach pfuse lah...
    wenn der unsicher besch chaschs ja bem nöchste KIA bsuech aspreche.
  • Ja isch lustig am afang isches bi ihrä o grad so gsi das si gaarnid het wellä oder chönnä schlafä🤣🤣 und iz sit mir äbä dä greglet tagesablouf hei geits, aber o nach 2 stund schlaf am Nami isch si no total müed wen si erwachet u de nur no am quengelä...

    Und ja, ha nöchst wuchä kontrollä bim KIA u de wirdisä asprächä druf, dankä. Und das mitem keislouf cha scho si, si wett de aubä o garnid so spilä oder so, ligt när nur so da u stieret löcher id luft... Komisch... Cha das villich o irgend ä Mangel si wo si het, eisen oder so??
  • Viellicht het sie en Vitamin D mangel...aber das würdi bim KIA abspreche und zeige....mini Zwilling sind au so gsi...han zerst au denkt s isch sone phase oder n schub...aber schlussendli het d ärztin gmeint s liit am Vitamin D Mangel- was oft vorchunt vorallem im Winter
  • Ja das hani i ni dänkt, aber u gibä mirä chlinö jedä Tag so es halbs Pipettli vill i schoppä, wi d'ärztin mir das vi Geburt ah emofohlä het... Drum weisi nid ovs a dem cha ligä... I ga iz ä Termin bim KIA gmacht, zum si la abcheckä, sicher isch sicher... Dankä vil mal für öii super Tipps, ratschläg und gsprächli👌😊
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum