Schwanger Reisen

Mir hei nach üsere Hochzyt im Januar grad üsi Flitterwuche buechet. Natürlich nonid schwanger! Miami und ab dört Krützfahrt nach Jamaika, Mexiko, Cayman Islands und Bahamans. Mir freue üs scho sehr aber dür mehreri Lüt mache mir üs jez doch recht Sorge! Es geit ume Zika Virus wo vor 3 Jahr so aktiv isch gsi..... Flug annuliere wird sehr schwer, Krützfahrt no eher möglich!

Was würdet ihr mache? Wär zum Zytpunkt vor Reis ir 15ssw.

Isch das hüt zu Tags no gfährlich? Im Internet stoht nid viel... Si haut schono Risiko-Länder!

Kommentare

  • Was seit s BAG? Ich richte mich nach dem & ich persönlich wür ned i Zika Risiko Länder ga.
  • Was seit s BAG? Ich richte mich nach dem & ich persönlich wür ned i Zika Risiko Länder ga.
  • Was seit s BAG? Ich richte mich nach dem & ich persönlich wür ned i Zika Risiko Länder ga.
  • Oh wow die App spinnt sorry
  • @mrspfeffer bi mir hets au gspunne.... Es steit, das keni Fäll meh bekannt si ide letschte 6 Monate aber si haut immer no die grösse Risiko Länder... Mi FA hets au nid recht gwüsst :(
  • Ich denk das isch öpis wo 100 Meinige wirsch ha wennd 100 Lüt frôgsch. Ich bin det dure halt eher vorsichtig und denk mir, cha ja au es anders mal ga. Aber es git keis richtig oder falsch, was stimmt für eu 2?
  • @SarahGiulia ich wür ned gah - bi au de meinig dasmer das verschiebe cha. Das risiko wermer zhöch.
    Ha bezüglich ferie mitm FA au drüber gschwätzt (ide 7. ssw). Hetet oisi hochziitsreis au wele mache.. hend aber alles verschobe.
    Sie het ois dezue grate.. obwohlmers nie zu 100% weiss. Sie het ois gfrage was wichtiger isch - d’reis oder skind..
    Nach dere frag hemer ois au gfrage wieso mir überhaupt drüber no nahdenket😅

    Schlussentli münd ihr das entscheide, ob oii das risiko wert isch. Ich chönts scho gar ned gnüsse wili immer schiess het.
  • @ALOHA Danke dir au für dini Antwort. Klar isch mir zChing wichtiger und drum suechi scho dr ganz Tag fürne Lösig. Isch halt seeehr viel Geld wo mir wärde verlühre, vom Flug. I chas sicher probiere dä zstorniere aber mir wärde äuä nid viel Glück ha.... :( Bi jez am luege fürnes angers Reiseziel, vilicht isch Fluggstellschaft eher iverstange ä Flug zändere als zrüg zahle. Aber au das isch no schwer. Es si sooo viel Länder betroffe vom Zika ussert Europa, aber im Mai eifach zkalt.. :|
  • @SarahGiulia verstahni. Hender nieneds eh reiseversicherig? Oder probiere miteme zügnis vom frauearzt? Ich wür alles probiere zum sgeld retour zbecho. Drucke oii duume.
    Und wener gah wend, trotzdem schöni ferie☀️
  • @ALOHA ja zerste woni am mäntig wirde mache, isch umetelefoniere und mir das Zügnis ga hole vom Arzt. De luege mir halt witer... Nei denke nid das mir gö, aber glich merci. Hoffe wird ä angere schöne Platz sii :)
  • @SarahGiulia viel glück🙏🏻
  • Lueg mal wie lang das s zika würkli was im baby macht, isch nöd ide ganze ss gförli
  • 7ad21e00-5315-11e9-ac81-6b26f3b49697.jpeg das staht vorallem im 1drittel
  • Und hör auf dich und nicht was dir andere sagen, wenn du ein gutes gefühl hast dann stimmt es und wenn nicht dann lass es. Und klar jedem mami ischs chind wichtiger, find sone ussag vonere fa fast echli denäbet
  • Danke corina... 😊 i ha eifach chlei zproblem, dassi eh sehr ängstlich bi und i gseh mir dört scho, sobald i ä mügge gseh dräii sicher grad düre 😒☹️ wirde so die ferie nie chöne gniesse!! 😣
  • ohh ja da chani au nur sege..wenns für dich passt und du dich guet fühlsch, denn söttsch goh - bi au ide Heimat gsi (Thailand & Italie) und mine zwilling gohts tip top :) d frog isch halt auno wenn das zrugg chunnsch? (wel mmich hends fast nüm in flüger zrugg loh xD bin bim zruggflüüge vode 2. reis erst ide 17.SSW gsi...)
  • Dänn häsch dini entscheidig troffe und sie isch die richtig für dich. Wänns dir es schlächts gfühl git, dänn los uf dini innere stimm, das isch meistens s richtige😊👍
  • Auso we ig das richtig verstah wär d storniere vor krüzfahrt möglich und äs geit um ä flug nach miami? Was wär de we dir d krüzfahrt storniertet und versuechet dr flug umbuech a ä destination wo kei zika het? (z.b. Malediven, Mauritius ect.)
  • Ja genau, bir krützfahrt hani ä versicherig abgschlosse ka wöu die fast nüt kostet het.... bim flug hani aber kenni! Genau das heimr jez au denkt... vilicht düe si lieber uf kulanz umbueche als storniere.... maledive isch au es risiko land 😫😫😫und mauritius doch chlei sehr wiit weg... mir si jez uf ägypte cho! Hät es wunderschöns luxus hotel gfunge mit privatem poool ☀️🚿 aaaaber schiins isch zesse dört nid optimal! 😫 naja mit dem chönti no umgaa...
  • also wenns es luxus hotel isch :) denn gits det sicher au westliches essen :) ägyptisches esse isch halt was neues xD ich hans etz ned unbedingt gern, aber s git immer öpis womer gern het - han eifach 1 wuche lang fast nume s gliche gesse...

    Umstorniere machets sicher no gern, wend ihne erklärsch das schwanger bisch und alles mache wetsch damit dim baby nüüt passiert
  • Ois hend au so viiiel gseit sesse segi ned fein - oder wu hotelkommentär😳 aber es isch de hammmer gsi😅
  • @SarahGiulia Wie wärs de wenn er eifach uf Miami & de in Amerika umereise würed?
  • Miami sell au schön sie oder no uf californie/texas, dete isch ja au überall warm😊 oder mexico(weiss möd obs dete s zika händ)
  • Miami ghört leider au zum Zikagebiet.. also ich wür zerst mal bi de Fluggsellschaft alüte und das abkläre, wie viel Geld ihr würed verlüüre...und sust chli hi und da umbueche 🍀
  • Ja Miami ghört leider au drzue und Miami selber isch au meeeeega tür... mir hei Flitterwuche vo üsne Eltere zur Hochzyt bercho ka und isch halt eifach ä Gwüsse Betrag, und wet nid nomeh usgä😊😊 wot spare fürs baby 😍😍 aber lüte morn mal a und kläre das ganze, de weissi sicher scho meh!! ☀️✈️
  • Wed ke Reiseversicherig hesch, würdi no abkläre, obd über dini Kreditkarte wo dir dr Flug buechet heit, villech no ä Anullationsversicherig hesch☺️ drücke dir d Dümä, dass wenn dir nid möchtet ga, dir möglichst viu Gäld zrugg überchömet.

    Wegem Zika findis chli krass z sägä, entweder oder. Ig persönlich bi ir ssw 8 uf Bali. Si üsi Flitterwuchä gsy. S muess jede säuber wüsse u wed di nid wohl füehlsch, machsch das guet wed uf di losisch☺️

    Mir gö jedes Jahr uf Hurghada u i ha ä wegere Vorerkrankig ä empfindlichä Mage. Ha i all denä Jahr no nie Problem gha wegem Ässä in Ägypte. Hei o ä guete Fründ dert wo Reiseleiter isch u üs Uskunft git vo ganz vilnä CH und DE Touriste beträffend Ässä etc.

    Wo dir o härä göt, wünschä euch schöni Flitterwuchä🥰
  • @bambi Das isch no ä guetii Idee wege dr Kreditkarte. Mini Nachbarin het mi geschter informiert (si meint emu es isch eso), dass die Reiseversicherig woni fürs Schiff abgschlosse ha au füre Flug gültet. Da es ja 1 Reis isch und i für die ganzi Reis versicheret bi... Mini Hoffnig stigt alsoooo :) Ha hüt morge Mails usegloo und hoffe berchume bald ä Antwort....

    Das isch eso, jede muess für sich wüsse, i denke eifach i bi zu ängstlich :(

    Ahhh cool, auso würsch du ohni Problem us Schwangeri nach Ägypte reise? Wo bisch de scho gsi, i wellem Hotel?
  • Dubai und die region isch sicher au scho schön warm😊 hoffe ihr chönd storniere oder umbueche🍀
  • Ja Dubai isch würkli e gueti Alternative. Mir sind letscht Monet mit de Chind gsi
  • Dubai wär au HAMMER ! aber 38 grad..... schiins !!! I weiss nid obi das mah ertrage, oder isch dört Hitz anders?
  • bearbeitet 1. 04. 2019, 13:58
    Nei dHitz isch stärcher wie da, aber ebe jede vertreits anderst. Ich bin im Hochsummer schwanger gsi (ide CH) und has super vertreit und bi det im 8.&9. monet gsi..
    mir macht hitz ned viel us, will mer go bade chan. Aber wennd sust müeh hesch, denn ischs sicher ned so agnehm.
  • SarahGiulia schrieb: »
    Ahhh cool, auso würsch du ohni Problem us Schwangeri nach Ägypte reise? Wo bisch de scho gsi, i wellem Hotel?

    Gseh da kes Problem☺️ i würd mi für di Ferie eifach eher ufs Hotel begränze u nid grad Stundelang no mitem Outo nöimä härä fahre (üse Fründ us Ägypte het üs gseit, dass di schwangere Froue dert, nüm wit Outofahre weg de Schlaglöcher uf de Strasse)☺️Kennä mi nur in Hurghada mit de Hotels guet us. Z absolut Beste findi z Albatros Palace (Achtung s het ganz viu Albatros Hotels). E rise Uswahl a Ässä u bis iz hanis dert am Beste gfunde. Sisch hammer schön dert🥰 u es isch o rächt nöch vom Flughafe. Im Beach Albatros simer o sehr z fride gsy u z neue Steigenberger Resort isch o cool, aber da sisi no recht am boue☺️
  • @SarahGiulia und heiter chönnä storniere / umbueche?☺️
  • @bambi isch leider es riese Theater. MSC het mir 1300.- vo 2000.- zrug gä jez muessi miter Versicherig luege.... Die heimr aber no ke antwort gä.

    Dr Flug isch anschinend nid deckt!!!! Jez simr üs am überlege, ä Road Trip zmache, vo Miami us nach Orlando. Dört hets au super cooli sache zum aluege und unterwegs au schöni Stränd.

    Ich überhaupt nid das, wo mir hei wöue! Aber sicher es Erlebnis wärt, womr niemeh würde vergesse....
  • @SarahGiulia ojee i hoffe di fählende 700.- duet dir ono öpper erstattte. So müehsam...

    Das tönt doch o guät. Mir si im 2015 o es paar Täg in Miami gsy u när nach Key-West-Orlando-Cape Coral (dert heimer e Ville gmietet). Dir wärdet sicher tolli Sache erläbä in Florida🌴☺️
  • Wo heiter de ä villa gmietet und hesch paar tipps wos de schön isch oder wasme muess gseh ha?! Hei ebe denkt fahre rechts ufe bi west palm beach... und uf dr angere site ner abe...
  • D Villa heimer am Schluss in Cape Coral gmietet. Dert louft de halt scho nid viu, ussert ä ä mega coole Line Dance Schuppe hets😉🤠

    Mir het Key-West guet gfalle. In Orlando simer im Wyndhand Grand Resort gsy 3 Nächt u si vo dert i di verschidnigä Pärk. In Cape Coral heimer zum Hus no es Boot gmietet u si zu de verschidnige Inslä. Schüsch simer i grossi Outlets oder no zur NASA. Schüsch heimers mehrheitlich gmüetlich gno☺️
  • Es muess au nid viel laufe, bi ja denn im 4. Monet schwanger ;)

    Dir heit aber mega viel gmacht für i 2 wuche. Mir si 12 Täg dört und mi dünkts chume mitem plane niene häre... Alles isch zu knapp irgendwie... :) Siter im Disney gsi? Die grosse Outlets si de wo? Nasa isch spannend gsi?
  • Ja genau und id Universal Studios. D NASA isch ok gsy aber i gäng nid wider. När simer äbä grad ir Nöchi vo Cape Canaveral ines Outlet, weiss leider nüm wis gheisse het. Aber di fingsch überall☺️
  • Mir hei jez au aues buechet. Mir gö id NASA anstatt is Disney. Mi interessiert dNasa jez meh aus Disney (vor allem denki weniger asträngend). Ner gömr au uf Cape Coral, hei dört es Hüsli gmietet :D Und bim zrug ga no dür Everglades...
  • Oh cool!😁 de wünschi euch de gantz viu Vergnüege u gniessets🌴🥰
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum