Weltreis mit Chind

Hoi zeme

Isch scho mal öper 6 Monet und meh mit
Chind go reise? Mir würed gern nächst Jahr 6-9 Monet wegga. Ich bevorzuge Europa momentan eifach weg de Reiseziit wo besser passt denn.
Wie isch das mitem Chindsgi? Mini Grossi chunt de Summer in erste.. Chamer d Chind problemlos useneh? Muess sege sie isch extrem wiit, schriebt scho viel allei etc. Und de KiA meint sie cha locker denn wieder iistiege ohni zrugg zstuft zwärde.. und mer dörf ja Homeschooling mache was mer mache würed. S Baby isch denn au scho fast 2..
Falls öper go reise isch, mit was hend ihr pro Tag grechnet? A Chöschte.
Mir hend en Bus kauft und lönd de umbaue also simer di meisti Ziit denn im Bus au am schlafe etc.
Danke eu😊🥰

Kommentare

  • @mrspfeffer Wow cool! Das wär au en Traum vo öis, eimal quer dur Europa😊Ich dänk, wenn ihr de Bus zumene Camper usbaue lönd, sinder jo rächt unabhängig. Grad im Norde dörf me au wild campiere. Das isch denn rächt buget-fründlich.
    Mir händ e längeri Australie-Reis gmacht, aber nid würklich es Tagesbuget gha. Wenn de mit de CH-Läbenschöschte rächnisch, bisch relativ guet drin.
    Wies in dr Schuel isch, zum s‘Chind für länger useznäh, weiss ich nid, aber mir händ im Chindergarte kei Problem gha, öise isch au rächt wit. Mir händ kei Uflage becho!
    Bin denn gspannt uf din Bricht😉
  • @alexandraB danke viel Mal. Ja mir hend mal mit 4-5000.- im Monet grechnet.. ischcdas realistisch? Also nur zum reise denn.. krankekasse zahlemer grad 6 Monet ufs Mal vorher.. eusi Grossi wär denn au im Chindsgi drum wemers au denn mache willi oft ghört han, dass es ide Schuel denn schwierig wird.
    Wie alt isch eues Chind denn gsi?😊 Ja min Maa wür gern Panamericana mache aber ich lieber Europa🥰
  • @mrspfeffer also ich dänk, wenn ihr vil sälber chochet und au suscht nid über d‘Sträng schlönd, denn isch das realistisch! Wenn ihr vo dehei us chönd losfahre, falle jo aud’Flugchöschte wäg. Bi ere Verschiffig vom Bus chunnt sicher no e happige Betrag derzue, wenn ihr uf Übersee gönd....
    Öisi Buebe sind 5.5 und fascht 3 Joor alt gsi, das het öis zimlich es guets Alter dunkt. Min Maa isch grad zwüsche zwei Jobs gsi, und drum hets sich für öis abote, letschte Herbscht z‘gah. Ab em Summer mit dr Schuel wirds sicher schwiriger mit us em Unterricht näh....
    Vil Spass bim plane😉
    Ciro
  • @alexandraB oh cool hender au 2 kids debii gha. Ja also die 5000.- hemer denkt für Europa.. sust müesstemer meh rechne will ide USA ja scho dLebesmittel u tür sind wemer früsch choche will.. mir wennd scho s meiste selber mache zum eifach uf niemert ahgwiese sii. Aber glich wemer au sache chöne unterneh wie zSchwede in Astrid Lindgren Park und so.. Muen mal na luege obi bi Globetrotter Infos bechume.. mir müessted beidi chünde und das macht mir chli Angst.. aber anderersiits simer au ned di einzige wo das gmacht hend denn. Und wemer zrugg chömed hemer bi minere Familie au en Unterschlupf. Ich weiss eifach ned obi so spontan cha sii😅 mir würed dWohnig ebe au ufge will sie 2700.- isch und das mal 6 monet au en riese Betrag isch.. wo mir so chönted usge
  • Hei, in Vimmerby bi dr Pippi Langstrumpf simer au scho gsi (Vimmerby het au e schöne Camping)😃Mir händ 2014 e Schwede/Norwegereis mit em Camper gmacht, denn allerdings nur fang mit eim Chind.
    Dir händ jo hetz no schön Zyt zum plane. Aber ich verstand, das chünde und d‘Wohnig ufgäh e grosse Schritt isch. Aber die Möglichkeit, jetz mit de Chind so e Reis z‘mache isch ebe scho mega toll und chunnt so gli nüm😏
  • alexandraB schrieb: »
    Hei, in Vimmerby bi dr Pippi Langstrumpf simer au scho gsi (Vimmerby het au e schöne Camping)😃Mir händ 2014 e Schwede/Norwegereis mit em Camper gmacht, denn allerdings nur fang mit eim Chind.
    Dir händ jo hetz no schön Zyt zum plane. Aber ich verstand, das chünde und d‘Wohnig ufgäh e grosse Schritt isch. Aber die Möglichkeit, jetz mit de Chind so e Reis z‘mache isch ebe scho mega toll und chunnt so gli nüm😏

    @mrspfefferSorry, han vergässe dich azklicke, dass dus au gsehsch🙈
  • @alexandraB oh so cool. Ischs guet gsi det? Mini Grossi will ebe unbedingt de Michel und dPippi gseh🤣🤣
    Ja irgendwie hani eifach Schiss aber mir hätted ja en Unterschlupf und min Maa findet bi 100% i sim Beriich wahrschinlich schnell e Stell. Hend ihr dWohnig bhalte gha? Und din Maa hett di neui Stell scho in Ussicht gha? Sorry wenns zprivat isch aber ich bruch chlo guets zuerede🙈😅
  • Jo, d‘Astrid Lindgrens Väld lohnt sich uf jede Fall😉Und au suscht dr Norde isch halt schön!
    Min Maa get denn no kei Stell in Ussicht gha, aber nach dr Reis au no chli Zyt gha zum sueche. Mir fange jetz beidi im April wider ah....
    Öises Huus hämer leer gloh und es isch eifach immer wider öpper go luege, Briefchaschte lääre und so. Mir sind aber au nid ganz so lang furt gsi...
    Was schafft denn din Maa?
  • @alexandraB ah cool henders so chöne löse. Isch mega toll. Ich schaffe ebe sitem Januar wieder 40% als Product Manager und das isch u schwer zum wieder finde bi so wenig %.. er schafft als Projektleiter, da findsch immer wieder stelle..ja mir würed ebe gern mind. 6 Monet ga und dwohnig bhalte isch denn en riese brocke, aber vilicht machemers glich demit ich beruhigt bin🙈😅
  • Chönd d wohnig ja au undervermiete je nach dem😳
  • @igeli19 dörfemer leider ned. Isch e Eigetumswohnig wo mer zur mieti drin sind😩
  • Hmm okei das esch kli doof aber e wöris glaubi scho fasch künde well wend macher ned gad en job findsch isch es en huufe gäld😳
  • @mrspfeffer und job mässig chönder möd unbezahlte urlaub neh? Ich han das immer guet chönne und so monate lang e uszieht gnoh au 6mt+, wänn der das e sicherheit wür geh( ich han das dazumal brucht gha) und laht de eigetümef nöd mit sich lah rede wege me ubternieter für die zieht?
  • @corina 3 mönet chönti sicher neh aber meh ned. Obwohls widersprüchlich isch, will ich nach de SS au han dörfe 6 Mönet neh🤦🏻‍♀️🤷🏻‍♀️ oh wow mega cool klappeds so bi dir😍Mir hend mal ahgfrögt und er will das ned, ussert es isch öper wo er kennt und vertraut..
  • @mrspfeffer ja es isch super gsie, so hani chönne go reise👍 aber ich bin eher öppert wo echli sicherheit brucht und so isches super gsie, dassi han chönne unbezahlte neh und mini wohnig hani grad innere kollegin chönne untervermiete wo grad vom reise hei cho isch👍😊, hät grad guet passt gha. Viellicht koappets bi eu au irgendwie so und suscht schriebsch ja dass din maa au schnäll wieder was findet😊👍Mir sind au camper und viel im norde gsie, wünsch eu viel spass debie und gnüssets in volle züg😊
  • Im wir eltern häts en artikel vo familie wo go reise sind oder no am reise sind, als info falls es noni gseh häsch oder s wir eltern nöd häsch☺️
  • Oh cool danke dir @corina has ned. Chumi am Kiosk über oder?
  • Ich glaubs ja, bin nöd sicher aber müesstisch eigendli scho
  • Glaub im coop hanis au scho gseh gha
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum