🤬 Post - zum 🤮🤮🤮🤮

Hey nei - bin gad uf 1000 dobe.

Ich weiss au ned - aber wet post kunde verärgere?

Mir hend de post erlaubnis gä päckli bi ois id garage stelle (wemer ned dehei sind). Hend bim ihzug sonen zettel im briefkaschte gha obs päckli bi abweseheit selled mitneh, wenn nei wos die platziere selled.

Bide pöstlerin wo eich meischtens bi ois isch, machts super. Chum isch eh anderi/ en andere da - klappts NIE. Obwohls im grätli gspeicheret isch🤬

Ich bi geschter dehei gsi, pöschtlerin stellts vor türe ohni zlüüte. Hasi leider gad verpasst zums ihre sege🤬

Ois isch es päckli gnau so vo 450.- wegcho. Zum glück isch zalando so kulant gsi und hets akzeptiert.

Bin 2x bim postschalter gsi - sie hends de lüüt immer usgrichtet und sich entschuldiget. Ja und etz?

Jetzt lüüti de post selber ah - und was macht die 🤬🤬🤬? Sie hänkt eifach ab während ich am schwätze bin. Dummi nuss!

He nei - bitte. Was chani na mache? Weisses echt nüme. Das chan doch ned sii😨😢. Was wens mal keis zalando päckli isch? Und ich sgeld vom gstohlene päckli zahle muess? Ade merci. Mumer jetzt echt weg jedem verdammte scheiss am rechtsschutz ahlüte?!

Schafft öber bide post? Isch das normal? Ich verstah das pöstler gstresst sind. Aber de sölleds doch die schiess päckli wider mitneh, wens zviel verlangt isch id garage due (2 meter nebe de huustür). UND EIFACH LÜÜTE. Sie münd nedmal stege laufe🤷🏼‍♀️🤦🏼‍♀️🤦🏼‍♀️🤦🏼‍♀️

Kommentare

  • ui..das isch ärgerlich..würs bi kassesturz melde 😉
  • Bi au grad mit de Post am Chriege 🤬

    De Briefpöschteler schissts äuä a, z‘lüte! Jedes Mau e Avis im Briefchaschte au wenni dehei bi. Geschter het er mi sogar gseh (ha grad d‘Store ufeglah) u nüt drgliche tah! U de hani widr e Avis im Chaschte gha! Hei da dreisch im Rote!!!
  • U am üsem Lüti liits nid - de Paketpösteler lütet jedes Mau 🙈 (Grad widr Geschter Nami)
  • Bi üs isch es nid besser, mir überchöme regimässig Poscht vo dr Nachbare und umgekehrt. 😡 Und d Poscht pouptet si heiges richtig zuegsteut wüu si ds Päckli vorem Fausche Hus gscannt hei. Zum Glück hei mer es guets Verhäutnis mit de Nachbare.
  • He nei - aber mumer das eifach akzeptiere?
    Sorry d‘post sind die erschte wo sich drusschnurret wenn öbis wegchunt. Bim zalandopäckli hends so arrogant gseit dasis halt ahzeige muess. Wtf🤬 die hend ja de fehler gmacht. Machtmi so hässig echt.
  • Aloha, mir Schwägeri isch s‘Gliche passiert (u sie wohnt z‘Züri ime Block mit öpe 20 Wohnige 😬). Post Zalando-Päckli eifach une vor Türe gsteut (Warewärt ca. 500.-). Chasch Dir ja vorsteue, dass es nid lang vor de Türe isch gsi 🤦🏼‍♀️. Post het ke Fäuher wöue igestah - Zalando het zum guete Glück de „Schade“ übernoh.
  • So krass😨😳 armi lüüt🤦🏼‍♀️🤦🏼‍♀️ aber etz echt - bi völlig perplex gsi dass zalando de schade übernah het. Find das genial👌🏻
  • Post isch haut mines Erachtens immer no chli „Bund“ u unantastbar... u haut eifach i gwüssne Bereiche immer no „Monopol-Stellig“. Das isch e Kampf David gäge Goliath.
  • Kennes.. bi eus lütet de Pöstler „sehr sälte“ aber bis ade türe bisch fahrter scho devo😒 oder ebe sie lütet ned mol obwohl sie gsehnd das es auto vorem huus staht (sind allei im huus und es staht ja immer s gliiche vorus wennich dihei bin)!!! Eifach unmöglich so öbbis... stress hin oder her... geschweige denn wie die päckli ame usgsehnd... nass, verlöcheret oder zämedrückt...
  • Unglaublich😳

    Morn gahni namal suuuuur bim postschalter verbii. Det chönds mi wenigschtens ned eifach “uflege“ wie am tele. Nur wils nüme wüssed wiesmi vertröschte selled.
  • Fascht unglaublich was er do erläbt. Sowas känni fascht nor vo de dütsche dpd.
    Ih ha do met Pöschtler ond vorallem Päklibote wohl zimmli glöck. Het nor mol öper geh wos eifach vord Töre gleit gha het ohni z lüte obwohl ih dr heim gsi be.
    De ander esch eher fascht lächerlich gsi. Ih han es Schild „Bitte nicht klingeln, hier wird geschlafen. Klopfen erlaubt“ Schild so öberd Lüüti ghänkt gha das mers het müässe wegschiebe zom an chnopf zcho. Was macht de paketbote er schiebts weg und lüütet. Woni en den drufahgsproche ha het er d usred bracht „ou sorry has ned gseh ha dänkt segi eifach so eh deko“ 🤦🏼‍♀️🤦🏼‍♀️ esch wohl analphabet gsi 🙄.
    Meh esch mer ih dr schwiiz zom Glöck noni passiert ussert das A Post sache wie Briefe oder Päckli ned emmer als A Post ahchond und durchus au scho mol als B Post ahchond.

    Aber im dütsche, ha en tragi pstellt gha und ad adrässe vom maa sim mitarbeiter. Luut leferdienscht händs s päckli zuegstellt gha. D unterschreft hämmer den online gseh. Päckli entgägenahm unterzeichned mit eusem Nachname. Aber de Mitarbeiter und sini Frau heissed nid annähernd so wie mer undunterzeichned au niemals mit eusem Nachname. Somit es päckli klaut worde.
    D Firma esch sowas vo kulant gsi das sie mer sogar die nögscht grössi ohni ufpries zuecho lah händ obwohl ichs enne ahbotte gha ha will alles inzwösche so lang gange esch das die chlie die nögscht tragigrössi fascht erreicht gha het.

    Wönsche eu guets dore hebe au wenn de wäg steinig esch ond das als Sieger us dem Kampf laufed. Vel Glöck.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum