Oktober 2015 Mamis

ElaEla

254

bearbeitet 21. 06. 2015, 23:43 in Geburtskalender
Hallo werdendi mamis, ha dänkt ich eröffne mal en neue chat! Freumi uf villi mamis!
Wie gats euch? Was macheder? Wie isch euche buuch? Freue und jammere isch alles wilkomme! ;-)
«1

Kommentare

  • Hallihallo eus gahts Super , händ et:10.10.15
  • Guets Mörgeli! Üs geits o wunderbar! Bi geschtr grad im US gsi und gseht guet us! Nume ds Gschlächt het mr d FÄ no nid wöue priis gäh, da si sech nid zu 100% isch sicher gsi! Tja - i vier wuche isch dr nächst Termin. Das hautet ömu d Spannig ufrächt!
  • Hei ehr 2 kuul ich ha au 10.10.15 :-)
    Han am ziischtig herztön lose ohni ultraschall gha, muess ez 5 wuche warte und de setemer au wüsse wases git jeeeea!
    De buuch isch fliissig am wachse, d übelkeit isch nani ganz weg!
  • Wie gats bim schaffe?
  • Dänn gits sicher än Bueb ;-)
  • Wiso? Be mier tiped all ufn bueb... Ich ha eher s gfühl gha ufes meitli, weli so usenand gange bin... Bin soo gspannt :-)
  • Ha gmeint sie heget scho gseit sie wüsset öppis wellets aber nid sägä, das nid 100% isch :-)

    Ha mit Kolleginne us Spass än tescht gmacht , ob's ä Bueb oder äs meitli git und bi allnä 4 häts gstummä, äs wüsset alli scho wasses git :-)
  • Was isch das de für e tescht?
  • Ja verzell, weti au wüsse!
    Ehr 2 wüssed au nani wases git odr?
  • Meinsch de Chinesisch empfingskalender? Nach dem söt ich en Bueb übercho. Bi minere Tochter het er gstimmt;) viellicht weiss ich em Dunschtig ob er dasmal au stimmt.
  • Wie gat denn de?
  • Isch im Internet.
  • Hihi ich hanen gmacht... Mal luege, s heisst git en bueb!
    Hanen na mit de schwö ere date gmacht und be ere heissts es meitli, und voila es git au es meitli! Witzig
  • I ha ne uf verschidene site gmacht uds ergäbnis isch underschindlech gsi... De gits äuä e Mischig!
  • Ich habe ihn auch gemacht bei mir soll es auch ein Junge geben. Und mein Gefühl sagt mir auch das es ein Junge wird. Schon von Anfang an hatte ich das Gefühl, nun bin ich gespannt ob es stimmt. Bei anderen Seiten hatte ich kein eindeutiges Ergebnis.
  • Nein, nid dä :-), lut däm gits bi mir äs meitli :-), han dä mal uf Youtube gseh ka, dä Urin mit Backpulver mische , us Spass händ mir alli Mamis dä usprobiert und bi allnä stimmt's
  • Wenns blattere git, gits ä Bueb , wenn nid äs meitli :-)
  • Has hüt am morge usprobiert und es het gschuumet wi verruckt! :D
  • Hatte heute Ultraschall der China Test und mein Gefühl haben gestimmt. Es gibt einen Jungen:)
  • So guet :-), stimmt's demfall ?
  • I ha hüt no zum US müesse wüu i geschtr gstürzt bi! U es gseht drna us! Si hets abr no nid zu 100% wöue bestätige..! ;-)
  • Sharky en bueb odr es meitli?
    Butterfly du weisches au nani odr? Wie alt bisch du? Mier hend ja de gliich ET!
    Hei kuul miaflurina ez hesch es päärli, so schön!
    Sharky abr isch alles guet wegm sturz??
  • Eher Bueb - u ja, ha mr e Rippe prellt, blaui chnöi u dr arm isch chli lädiert! Abr houptsach am baby geits guet! :-)
  • Zerscht häts gheisse ä Bueb und jetzt seit sie widr me gsech nüht :-(....

    Oje ich hoffe sonst alles gut

    Ja genau :-), bin 31 und du?
  • Sharky hei hesch mega glück gha, wa machsch denn du für sache...
    Butterfly ich bin 30 gi, de gits be dier lut chinese au en bueb ;-)
  • Ä Kollegin vo mir hät pändlät :-), sie meint ö Bueb :-), mal luege was dä FA im Juni meint :-)
  • Huhu oktoberlis ich bi neu da:) freu mi uf vili kontäkt min ET isch de 18.10 und es git es meitli juhuuu! Ha de PrenDia test gmacht! Vo wo sind ihr? Ich bi 32 und chum usem zûri unterland
  • 31 und chumä usäm ZH Oberland :-)
  • Gits da au e facebookgruppe vode oktoberlis 15?
  • Hoi ich wird am mentig 31 gi und chume usm aargau
  • Hallo zämä! I ha geschtr grosse Ultraschall gha u es git definitiv e bueb! :) süsch isch aues ir ordnig u mir si meeega happy!
  • Het öber intresse anere whatsapp gruppe? Wür suscht eini eröffne was meined ihr?
  • Ja wer däby :-)
  • Haallöchen wie gats euch? Ha geschtr de gross untersuech gha, es isch alles beschtens und gsund, und mier bechömed es meitli :-)
    Also all hend falsch tipped, de chinese tescht hed au net gstumme, nur mis gfühl dases es meitli git! Juhuuuuu bin soooo happy
  • Ohhhh schön herzlichi gratulation
  • I ha vore wuche US gha u es isch o aues guet - bi üs gits e bueb! :)
  • So schön, ez hemmr 2 buebe und 2 meitli bi de oktoberlis
  • So schön , gratuliere! Und dä bachpulvertescht , hät dä gstummä?
  • Nöchscht zischtig wüsset mir au wases git :-)
  • Ah ich ha gmeint be dier hends scho gseit das en bueb isch!

    Ich muss am mentig na in unispital en bessere ultraschall go mache, well ich ergendwie e vorderwandplazenta han, het si s herz net ganz gnau chöne aluege, abr es isch alles guet, au das wosi gseh het, aso es seg nüt uffälligs am herz, si würs eifach guet finde wemers mitemene bessere gret alueget!
    Und zuesätzlich hani nachr es hübsches 3D bildli :-)
  • Oh schön das alles guet isch , jööö so schön 3D , das choschtet bi eus extra :-(..... 150.-

    Ja idä 13 ssw häts das gheisse und nachher 4 wuchä spöter das sie glich nüht me gsechi :-(
  • I ha bim letschte mau o es 3D Bild becho ohni das i öppis gseit ha. Mini FÄ het sit em Februar es nöis Grät wo das cha u höischt drfür (vilech no?!?) ke Ufpriis! I muess hüt o ids Spitau i Ultraschall! Abr nid wäg em Bebe sondern wäg em Hutchrebs... Si hei mr es Melanom müesse useschnide u ids gits witeri abklärige! I hoffe es chöm nid meh füre.. :(
  • Achsoooo ui de bini gspannt :-)

    Ja wels ebe en medizinische überwiis isch, zahlts KK!
    Durdas d plazenta vorm baby isch hetsi s herz net optimal chöne aluege, und ez wetsi eifach e absicheri, das wüki alles guet isch... Biz bini scho nervös, obwohl alles guet isch, abr s macht eim gliich angscht ober ergendwas wür gseh...
  • Ui nei hei ja de drucki duume, das sell jaaaa nüme cho...
  • Und ich drück eu beidne dümä, chunt bestimmt alles guet, ich dänk a euch....

    Jetzt wirdi immer nervöser
  • Hellouuu danke fürs duume drucke, be eus isch alles wunderbar, all organ so wies müend sii, und d entwicklig isch au de wuche grächt.. Si isch 29 cm und 430 gramm, und es ziirlichs mit lange nei :-)
  • Ou das set bei heisse:-)
  • Jööö das häts bi mim erschte meitli gheisse , das mite langä bei :-)

    Bin leider immer nu nid schlauer worde ;-/.... Schade aber immerhin alles guet und s Baby isch gsund , das isch d hauptsach :-)
  • Hesch de termin scho gha?
    Ou nei wiso denn hebt er odr sie d bei imr zäme????
    Ja d haupsach isch gsund, abr s nimmt ein ja gliich wunder!
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum