Babyblues 😞

Medo

Hallo Mamis

Mir liegt das Thema sehr am Herze. Nachdem ich am 15.03. entbunde ha, ish bi mir am 4. Tag nach de Geburt de Babyblues uftrette..
immer wenn es Obe isch und dunkel wird, chum ich e inneri Leeri über.. i ha vor de Geburt und Schwangerschaft es sehr aktives Lebe kah. Ha 100% gschaffet, 3x in de Wuche i de Schuel gsi, 1x in de Wuche Pilates. Immer es anders Umfeld immer anderi Mensche. Sit de Geburt bin ich nur no dahei wie üblich halt Stille, Wickle, Schlof ufhole.. irgendwie vermiss i mis Lebe vorher. Obwohl mini kleini Prinzessin alles isch für mich ich Lieb sie über alles.. aber sobald es dunkel wird bin ich nur am brüelle und mis Herz wird eifach zemedruckt.

Wie ish das bi euch eso gsi? Hend ihr das au kah?

Ha so es schlechts Gwüsse minere chlini gegeüber.. 😞

Vane😊

Hallo Medo, erstens mal gratuliere😊 isch ja mega schön hesch dini prinzessin gsund bi dier❤️ was ich in all die johre als mami glernt han, isch dich zitt loh... ich han bi mini ersti vor 6 johr au en babyblues kah... han genau die glichi gfühl kah wie du! hesch dich doch soo lang uf sie gfreud und jezt isch sie da und sie brucht dich non stop... 100% 24std/tag... das isch sehr sehr streng vorallem am afang und bim erste kind... du hesch sgfühl dis alte lebe isch verbi... muesch mit dene gfühl klar cho und au akzeptiere dass du jezt mami bisch und sie dich brucht... ich kann dier nur muet mache, lohn dier zitt... es bruct zitt mindestens 3 mnt bis du einigermasse igspielt bisch mitem baby und denn nomol anderi 6bis din körper einigermasse fitt isch... es baby brucht 9mnt zum sich entwickelt, de körper brucht genau so viel zum sich erhole... ich weiss wie sich afühlt, verstohnsch eifach nöd wieso du nöd glücklich bisch so wies isch... aber d'hormone spielet au eh ganz grossi rolle in moment... lohn dier zitt und red drüber, tuen dier hilf hole bi ne fründin, familie, oder hebamme... tuen guet uf dini gfühl lose und lohn sie au los... isch alles guet! es ghört alles dezue und du bisch eh tolls mami! lohn nöd dass dini gfühl wo jezt hesch, dier die freud a dis prizessin wegnehmet... kasch dier jederzitt melde au privat wenn sbedürfnis hesch zum rede ich lose sehr gern zue! kof hoch ich versprich dier, wird besser❤️🙏

Medo

@Vane😊;Viele Dank für dini Antwort, es ish würkli e schweri Zit momentan. Tagsüber lauft alles sehr guet, Nächt sind sehr astrengend, Hormone bedingt.. ich weiss dass das irgendwen weg goht, aber möcht die Zit bis es weg goht nid verpasse mit minere Chlini… danke nomole wird i mache sobald es nid goht 🙏🏼

Sti

Liebi Medo
Ds isch normal. Äs brucht Zit, sich a di neu Situation vo 7/24 müessä dazsi, z'gwahnä. Ig ha d'Nächt ou immer schlimm gfungä. Mir het aubä a'wüssä khoufä, dass ganz viu angeri Mamis grad ir glichä Situation si.
Bim zwöitä hei mir de ä NightChat kha mit Mamis wo im glichä Monat entbundä hei. De hei mir üs ou ir Nacht aubä chönnä ustuschä. De füehlt mä sich nid so allei ir Dunkelheit.

AnDu88

De Kommentar vode @vane triffts eifach zu 100% ❤️

Und dänk dra, nid nur dini Tochter isch gebore worde sondern au du als Mami ❤️ Das wird sich ipändle obwohls am Afang absolut nid so schiint.
Ig ha bim erste Chind 3 Mönet lang jede Tag brüelet, hami i mim Läbe nonie so einsam und läär gfüehlt obwohl ig kei Minute allei bi gsi. Ig ha kei Liebi oder Freud empfunde, i bi mit allem total überforderet gsi… aber drüber rede hilft und sini Gfüehl useloh sowieso! Mini Muettergfüehl und die tüüfi intensivi Muetterliebi si erscht vill spöter cho (ca. nach 3-4 Mönet) und das isch öbbis wo mi immerno sehr beschäftigt, obwohls fasch 7 johr här isch und ig nüt defür cha. Du bisch nid allei Liebs ❤️

Medo

@AnDu88

Ich hoff sehr eifach dass es bald endet.. bi au nie allei aber fühle mi allei.. es beruhigt zwüsse dass au anderi Mamis drunter liede..

AnDu88

Es goht vill meh Mamis eso, als me dänkt, aber me het s Gfühl me darf nid unglücklich si, me het jo schliesslich s eigene Baby ide Arme, s grösste Glück und anderi Fraue wo nid oder nur schwär chönne, wünschte sich nüt meh als das…wieso füehli mi denn eso, i darf doch nid!? Das si mini Gedanke gsi, aber me cha schlichtweg nüt defür, d Hormone spiele verrückt, s Läbe stellt sich komplett um… aber es wird besser, versproche ❤️

Hesch e Wuchebetthebamme wo euch dehei betreut? Due di doch ihre avertraue, si sind vom Fach und chönne eim sehr hälfe… mini Hebamme het mer gfüehlt s Läbe grettet und het mi sooo understützt und ufbauet.

Medo

@AnDu88 Ja ha au eh Hebamme. Was het sie dir denn so gseit dini?

AnDu88

Si het mi sehr understüzt, het mer zueglost, het mi in Arm gno… Het mer Tipps gä und au gseit, dass mini Gfühl völlig normal si. Aber glichzitig was Alarmzeiche si… z.B. wenni schlimmi Gedanke bechume im Bezug uf mis Chind, oder au uf mi. Si het das ganz offe thematisiert - was Gott sei Dank aber nie de Fall isch gsi.
Mitem Chline het si mir au sehr gholfe, ha ihre zu jedere Zeit dörfe schribe/Foti schicke oder alüte wenni öbbis ha welle wüsse. Si het au sehr oft mit mim Maa gredet und ihm erklärt wieso mirs eso goht und wieso ig so vill brüele und wie er mir am beste cha hälfe. Het au ihn sensibilisiert uf was er muess luege und daser denne au rechtzitig interveniert und mir hilf holt, falls es würklech ine usgeprägti Postnatali-Depression ine lauft.
Si isch eifach en Engel uf Erde gsi i dere Zit (und au hüt no) ❤️

Medo

@AnDu88 Mega toll.. müesst glaub au mal mini druf a spreche..

Medo

@AnDu88 Danke für dini Erfahrig..

Mamelo

I han da au (gha) ha no vell vom erschte chend müsse ufarbeite ond be minere hebamme au unendlich dankbar het si för meh sehr vell id weg gleitet woni us eigeinitiative ned gmacht hät...

Medo

@Mamelo Wie lang ish die situation bi dir denn gange?

Mamelo

Also die eeschte 3-4 mönet häer s chend fasch 24/7 ometreit nor so hets chöne schlofe ond somet ned müsse schreie. Spöter esches de emmer besser gange i ha s gfühl wos so chli mobiler worde esch, chrabble, laufe esches vell besser gsi. Es esch en regulationsstörig, höt hani es super cools, sensibels chend metemene starche charakter. I be no es 2. Mol mami worde ond ha dörfe erlebe das es au andersch si cha @Medo

Medo

@Mamelo Danke viel mol für dini Mitteilig über dini Erfahrig.. hoffentli wirds besser. Ha sho ebe sgfühl dass wenn sie mobiler ish wie du seish und grösser dass es besser wird laufe.. und denn au im eigene bettli shloft 🙏🏼🥰