Mamis September 2014

Suenneli4

Hoi Liinda... Bi mir ziehts o regumässig u i gspüre u guet, we di Chlyni gäg abe drückt... Im CTG hetme o scho chli wehetätigkeit gseh uds Chöpfli het dr FA scho vor 2 Wuche gspürt... Bi gspannt, wenns de richtig losgeit...

Liiinda

Mir hend am fritig gad nomol Ultraschall ka. Mini FA het mi zur Kontrolle is Spital geschickt weg Verdacht uf Schwangerschaftsvergiftung aber isch nid zum glück.
Do hemer gseh das sköpfli nonig richtig im becki isch. De chli liet aso nonig richtig... Leider. Hoffe das wird no. Han ghofft er chäm chli früähner.
Wiä wiet bisch de jetzt und wie schwer isch dies chline?

Mimi

Mädels wenn isch euche ET?

lori83

Wie wiit bisch denn du Suenneli4, dass bi dir scho CTG gschriebe worde isch?

Ich han ET am 12. SEPT. bin jetzt in de 38 ssw und bi mir wird denn glaubs erst an ET zum erste mol CTG gschriebe..

maslergirl

Ech wärde au erst am ET s erste mol ctg ha, aso am 4.9

Mimi

Hoi lori. Min et isch am 26.9.14 und han mis erste ctg am dunnschtig.

Suenneli4

Ig ha ET am 2.9.

Suenneli4

Bim Gwicht sisi no chli unschlüssig... Jedä seit öppis angers... Ha aber nid z Gfüeu, dases äs riisebaby wird gä... Hoffes ömu... Bi itz ssw 39+6

Suenneli4

Sorry, natürlech 38+6

Liiinda

Ohhhh scho fascht fertig
I bi 36 + 6 und han scho 3 CTG ka

Suenneli4

Ja, scho schreg, das itz di ss de scho düre isch... Bi soo gspannt ufd Geburt u uf di chlyni Muus... Ischs für di ods erste Ching?

Liiinda

Jo mis erschte
Chans au chum erwarte, gnüss aber no jede Tag woni min maa nonig teile mues
Isch scho mega schnell verbie gange die Ss, unglaublich!
Was gits bi eu? Es meitli oder? Hender scho de Name?

Suenneli4

Ja, geit mir glich... Ja, äs Meitli, u dr Name heimer, isch aber no Top Secret...

Rebecca

I erwart im September (ET 14.9) mis zweite kind. Bi nervöser aus bim erschte. Unglaublich. Wär aber froh wenn er kle vorher chunt ... Bi scho biz agschlage. Wer hets glich?

Suenneli4

O cools Datum... Üse Hochzytstag... Wi lang isch de di ersti Geburt här? Isch denn aus guet gange?

jerani

Hallo zäme, wie gahts eu? Ich bin mittlerwiile ex5rem ungeduldig....wot min chlii eifach endlich in arm näh, aber bis jetzt tuet sich no nüt, obwohl de termin scho nöchst dunstig 4.9. wär :-(

jerani

Oh mann...mag nüme warte und min maa au nüme. Wot unbedingt nöd ileite müesse

Shibasa

Jerani Geduld bringt Rosen. Dis Chliine het no viel viel Zyt. Gniess di Maa u d Rueh no u vorauem bewegige im Buuch

Rebecca

Suenneli4 wrote:
O cools Datum... Üse Hochzytstag... Wi lang isch de di ersti Geburt här? Isch denn aus guet gange?

Di erscht Geburt isch im 2011 gsi. Jaaaaain, het e paar Komplikatione geh aber am Kline isch es blendend gange ;-)

Rebecca

jerani wrote:
Oh mann...mag nüme warte und min maa au nüme. Wot unbedingt nöd ileite müesse

Verstohni voll und ganz :-)))

didem1983

Hoi zäme! Ich wär eigentli e august mami aber mis meitli wod eifach nöd im august cho:-) mal luege wenn sie chund wie es usgseht doch im september:-))

jerani

Wenn hetsch den de termin gah?

lori83

Hallo zämme..

Ich ha morn mi Kaiserschnitt Termin.. bi scho ganz nervös..

Shibasa

Lori wieso KS? Termin währ doch no gar nid?

didem1983

Jerani eigentlichi termin wär 28.8.14 gsi und isch nid cho warte immer no mal luege:-)

lori83

Will mi becki zschmal isch , wird morn de kaiserschnitt gmacht..

Liiinda

Den isch für dich s warte wenigsschtens verbie
Mich quälet Täglich meh die senkwehe, ruggeweh und Übelkeit

Ich druck dir Dume für morn.

lori83

Jo s warte isch denn wenigstens verbi
Oje, hesch jetzt wieder übelkeit becho? Das muess jo echt nid si jetzt gege Schluss

Danke vielmol fürs dume drucke.. bi scho mega nervös.. weiss nid öbi diä nacht cha schlofe..

Shibasa

Ah okey guete entscheid den drücki düüme das alles guet chunt

Suenneli4

So, hät d Hushaltig ume ajour... Dänke jedi Wuche, ischs äch z letschte mau, bevor di Chlyni chunnt... Hmm! Hei hüt am 4i um CTG u Morn wär ja de dr Termin... Bi soooo gspannt!!

Suenneli4

@lori83: alles Guete füre KS... Würum nämesi de z Chlyne scho 2 Wuche früecher?

Nikki1701

Ig ha o ks gha Planet u bi mir hei sie se o e wuche vorher gno ... Isch normal... Das me nid unnötig wehe würd bercho uts ching gstresst wird... So isches mir denn erklärt worde... Ab dr 38 wuche sige d ching eh usgrift;)

Shibasa

Auso i bi froh het üse Bueb d Wehe dörfä/müesse düre mache. Wies de bim nächste Ching usgseht gseh mr de, aber es duet jedem Ching guet es paar Wehe düre ts mache (hei mir diversi so bestätiget)

Nikki1701

Wehe hin Oder her ... Hauptsach ching si gsund u munter... Mini hets o nie düregmacht u gseh auso ke unterschied...:p

Shibasa

Das stimmt natürlech, Houptsach gsung u zwäg. Bi mir isch mittlerwile o klar das bim nächste vo Ahfang ah e KS git.

Miaflurina

Ich denke man sollte auf alles gefasst sein. Man weiss nie im Vornherein wie eine Geburt abläuft. Sich informieren über alles im vornherein aber keinen festen Plan machen. Sonst ist man nachher enttäuscht. Das Wichtigste ist die Gesundheit von Mutter und Kind.

Liiinda

@lori83

Und hesch dies chline scho im arm? Hoffe isch alles guet gange.
Was isch es den und wie heisst dies chline?

maslergirl

Be üs eschs doch keis septemberli worde, üse julian esch am 27.8 uf d wält cho

muckel

@maslergirl ich gratuliere dir ganz herzlich zu deinem Sohn und wünsche euch ein ganz schöne Kennenlernzeit! Hoffe ihr seid beide gesund und wohlauf!

lori83

@Liiinda

Bi no im spital, morn darfi hei.. kaiseeschnitt isch guet gange, eifach d schmerze denoch sind schlimm :-/
E Biebli und er heisst Colin Leandro

Rebecca

Gratuliere dene wos scho "gschafft" hend ;-).

Wie hets bi eu so agfange mit wehe usw.?

maslergirl

Bei mir ist die fruchtblase geplatz und zwei minuten später der schleimpfropf abgegangen und wehen kamen dann auch gleich (aber da erst so alle 10-15 minuten, also noch nichts wildes).

Mimi

Wer ist auch alles noch am warten? Suenneli wie sehts bi dir us?

jerani

Also bei mir ging qlles sehr schnell, gegen Abend immer wieder kleine Wehen in grösseren Abständen. Ging dann sogar noch Kurs geben bis um halb 10. Nach dem Kurs wurden die wehen regelmässiger....gegen 22:30 ca. Alle 4-5min. 1h später Fruchtblase geplatzt. Um 24uhr im spital mumu bereits 8cm offen, um 3.49 war unser Sohn dann bereits da

Rebecca

Mimi wrote:
Wer ist auch alles noch am warten? Suenneli wie sehts bi dir us?

Ich :-/

Rebecca

jerani wrote:
Also bei mir ging qlles sehr schnell, gegen Abend immer wieder kleine Wehen in grösseren Abständen. Ging dann sogar noch Kurs geben bis um halb 10. Nach dem Kurs wurden die wehen regelmässiger....gegen 22:30 ca. Alle 4-5min. 1h später Fruchtblase geplatzt. Um 24uhr im spital mumu bereits 8cm offen, um 3.49 war unser Sohn dann bereits da

Wow... Ein Traum oder? :-)

Rebecca

Irgendwie habe ich jeden Tag wehen (Vorwehen) und ständig das Gefühl heute müsste es losgehen. Aber nein :-) dem Kleinen gefällts wohl in meinem Bauch. Naja, ET ist ja "erst" am Sonntag. Bei meinem Ersten wars ganz anderst. Nichts und auf los gings los... Dafür laaaaange :-)

Liiinda

Mir sind au am warte .... Han au scho wehe, gspür sie au aber sie gön au wieder, also nüt regelmässigs...

Rebecca

Liiinda wrote:
Mir sind au am warte .... Han au scho wehe, gspür sie au aber sie gön au wieder, also nüt regelmässigs...

I au immerno... Morn isch ET mol luege :-) bim erschte hani 10 täg "übertreit"... Hoff da goht dasmol biz früener ;-)

Liiinda

Mir hettet am Zieschtig Termin. Aber i befürchte das de chli nid vo allei chunnt will üs das so gar nid in Kram passt vo üssere Planig