Unregelmässiger Zyklus seit absetzen der Pille!

Energy13

hm also ebe gell, dasch erscht de zweiti Zyklus... vorher hani mitem Nuvaring verhüetet und ke ES gmerkt- logisch durch dHormon gits au ken wirkliche...
Aber ich ha letschtmol und au diesmol ei Tag vorem berechnete ES eifach sone liichts Buchzieh gmerkt- so als ob Mens chunnt... Dasch jetz am Sa gsi und am Su hani de ES gha- luut berechnig und hüt hani au wieder e Unterliibszieh...?! Darum hani jo denkt es chönnti evtl scho klappet ha letschtmol, glaub aber im nachherein dass da ebe wegem ES gsi isch... Chunnsch no drus? ;-)

Ela

Hihiii jajaaa chume drus... So schnell chasch ebe au gar nüt gspühre obs igschlage het... Leider...
Ich ha ebe au sochli es zwicke und zwacke im UL gha und meeeega empfindlichi brüscht, sochli wie es agschwullnigs gfühl und bruschtwarze hesch chum döfe berüehre da het gad weh gmacht...

Ah ok kenn mi metm nuva ring net us..

Energy13

Jo gell eigentli ned- mue aber sage ich kenn jetz 3 Fraue wo mir verzellt hend, sie hebes gspührt (?) ebe mit dem UL-zieh, dasses igschlage het!

Egal, natürli isch da bi jedem andersch und ich ha halt immer nochli sGfühl: da mue doch grad ischloh wemmer nümm verhüete... ;-) da chunnt halt ebe vo dene "Erwartige" womer het wenns halt frisch losgoht mitem langersehnte Kinderwunsch :-)

Nikki1701

Denke das da Jedi Frau Chli andersch isch;) mir isch zum bispil nur grad mal 1 wuche schlecht gsi... U schüscht nid viel Symptome u die meischte si bi mir erscht so ir 4-5 Schwangerschafts wuche cho erscht denn wonis gmerkt ha... Ha ebe nid Planet isch eifach passiert bi denn o grad chli überrascht gsi

Ela

Ou nikki du glücklichi...
Energy gäll ich ha au dänkt, pille absetze und zägg schwanger...

Energy13

Jo irgendwie isch da so i mim Chopf und au bi mim Partner ;-) denn chunnt me aber ebe wieder ufe Bode zrugg... :-/ aber ich probieres Positiv jetz azluege und ebe: ruhiger zneh und ned allzufescht hyppere ;-)

Ela

Ja gäll... Ich glaub das hend vill zgfühl bismers andersch erläbt..
Abr hei aso du liehsch ha na voll i de norm... Normale zyklus, ES weisch wenn und du bisch im 2 ÜZ, das chunt guet... Ha mal gläse das be gsunde päärli pro ES e 15-25% chance liit dases iischlat, und das es jahr normal isch...
Also ich hoffes ez mal net und dases kabuuuuuum macht gaaaanz zakiiii ;-)
Susch müemerdi denn na iilifere:-))
Abr ich bin froh bisch du met mier zäme am bibbere und hoffe:-) (und am duredreihe)

Energy13

Genau,finds au no interessant mich mit öpperem usdusche... ;-)

Energy13

das mite % Chance isch mer bekannt- da dörf me id so dra denke...

ganz so gsund bini leider ned, ich ha RA... wots aber id adie gross Glocke hänge, mir goz momentan sehr guet, es git nur halt no meh ängst/unsicherheite wo dezue chöme...!

Energy13

ps: ide meischte Fäll isch s'ischlo nach 1-3 Mönet/ÜZ nach absetze vode Hormonverhüetig ... statistisch gseh... ;-)

Ela

Ah wüki... Ja alsooo wiiiter hoffe!!
Ui tschuldigung, das tuetmer leid... Was isch denn das?

Energy13

RA = rheumatoide Arthritis- gosch am beschte go google :-)

Ela

Has gad googlet gha vorher, bi denn abr net sichr gsi obs das isch, isch fasch nur vom ägyptische sunnegott d red gsi ;-)
Schränkt dich das fescht ii? Aso hesch ständig schmerze? Muesch vill medis neh?

Energy13

ägyptische was?! ;-) nei, gangsch mol uf www.ria.insel.ch und unter suche: rheumatoide Arthritis, det isches no guet beschriebe!

Energy13

ich bin momentan praktisch schmerzfrei und nimm keni Medis meh ;-) imene aktive Krankheitsfall isches sehr ischränkend,jo!

Ela

Ha gläse das ide schwangerschaft d sympom praktisch verschwindet...
Abr dasch ja super dasder guet gat

Energy13

yep, darum bini doch au am "hyppere"... en wytere Grund ebe..

Energy13

ja momentan isch echt super, wenn de nur vereinzelt e Schmerzmittel... besser als Spritze mache :-)

Ela

Ja heieiei aso all mini duume sind druckt... Leidr chani die blöd ziit net füre dreihe, dasmer scho teschte chöntet

Energy13

Ja dasch eso! Dankeschön, mega lieb ;-)

zum Glück chani und darfi Sport mache- das git mer de Alltagsusgliich und duet mer richtig guet ;-)

Ela

Das isch doch super

Hüt isch mini tempi wedr biz ufe... Ha so freud dasi ganz nervös bin ;-)

Energy13

oh toll, wen isch jetz di ES demfall gsi? am Samstig?! Wevel Täg mue Temp erhöht si dass me cha säge du bisch wahrschiinli schwanger? Bis zum erste Tag vode eigentliche Mens?!

Ela

Ja ich weiss gar net wenn hahaha...S heisst nur wennsi ufe gat das eine gsi isch, 1 odr 2 täg vorem astieg!!!
Hmmm villich ES+6 erschti aschtig isch am letschte do gsi...
Sie bliebt 14 täg dobe und denn sinktsi und d mens chunt, bliibtsi aber nach 14 täg dobe und sinkt nüm, denn bisch schwanger...
Aaaaaaah es gat no sooooo laaaaaaaaaaang!!!!
Du bisch ez ES+2?

Energy13

stimmt genau, so isches ;-) ah jo sie sinkt ebe normalerwis id vorher he...

Jo bi mir gaht nümm vel vorem 12.10 ;-) isch momentan okay, ha gnueg amders ztue ;-) und i hyppere ned grad uf normaler Basis ;-)))))

Energy13

eh, ebe, sisch nümm so schlimm wie letschmol ;-)

Ela

Sehr guet... Ich ha eifach e schiiiissfreud das min körper nach 82 täg ruhepause wedr schaffet...

Energy13

guet so-wyter so ;-)

Energy13

Na Ela, wie laufts?

Ela

Tempi isch wedr chli gstege, sit 9 täg übr de coverlinie.. Also def en ES gha.. Ez mal güggele wies wiiter lauft.. Und be dier?

Ela

Hüt isch übrigens ZT 90

Energy13

ZT 90 ?

Energy13

Super! ;-) wyter so demfall... ich bin syt vorgestr schlecht druf- luuter schlechti NEWS us der Umgebig und luuter Schwangeri... :-(

Energy13

ich gseh "nur" no Schwangeri ???!!!

Energy13

sehr gueti Ablenkig gell?!

Ela

Jup zyklustag 90!!!!!!!!!

Ela

Hahaha o goooottt ich verstaaah dich so guet... Ich chönt im momänt au nur hüüle, nüt lauft wies muess... Und ebe all andere sind schwanger...
Was hesch de? Wetsch drüber rede?

Energy13

isch zu kompliziert und es si mehreri Sache! aber danke ;-) eis sich: mis Mami und mis Schwiegermami hei beidi Brustkrebs, isch e mega Sch....! die verd... Krebsgschichte!!!

Jo mir luege vorwärts gell... :-/ aber dass es nur no Schwangeri mue ha...!

Ela

Ah de verdammti huere chräbs echt... Tas tuetmer uu leid.. Ischs behandelbar?
Ha letsch jahr mis schwegermami weg dem sch.... elände chräbs verlore....

Ela

Es chunt alles guet... Es muess... Ja du als ob en virus usbroche isch... Wett au sonen virus ha ;-)

Energy13

1x Schwangerschaftsvirus an alli wo wend ... zauber zauber ;-)

Puh krass, jo ich hoffes ned gell... Es isch bi beidne behandelbar aber unterschiedlich und jo, me mue halt vorzue luege wie me reagiert!

Ela

Oje aso mini schwegermuetter het net bruschtchräbs gha..
Ich drucke duume..


Ja bitte hexhex ;-)

Energy13

hmh,jetz machi Fyrobe und gang hei go putze, dasch au stressabbau...!

Ela

Scho fürabe? Schööön.. Ich muess nachli.... Bi mier set au na puzt werde ;-)

Hei ich früüüüreeeee meeega brrrr

Energy13

ja no besser: 1 Wuche feriee ;-). abr bi eus isch strahlende Sunneschy und 20 Grad

Ela

Jeeeeaaa wow so kuuul ich hoffe du hesch gnueg ztue ide ferie susch hesch zvill ziit zum dänke;-)
Ah waaas echt wo bisch denn du dehei?

Energy13

Fricktal im Aargau- am wunderschöne Rhy ;-)

Ela

Hei gnüss dini ferie... Ich bi ez langsam nervös...

mel88

Energy13
Vowo genau? Wohne au im fricktal

Energy13

Ela wenn testisch? Mittwoch? ;-)

Ela

Ich ha hüt mal eine gmacht... Ich weiss isch zfrüeh.. Isch au negativ gsi :-(
Ja ich wart ez glaub bis am mittwoch... Mini tempi isch imr na hoch obe... Abr ich wetmer kei hoffnig mache...
Wenn teschtisch du?