Mamis Juli 2015

Energy13

Hoi zämä, i cha nümm warte und start jetz da Thema selbr ;-) wo sind die andere Fraue?

Monalii

Sali☺️ Ich mag au nümme warte. Hihi es chönt zwar si, dases auguscht wird

Energy13

Au guet, hammer dUberschrift Juli/August no überleit ;-) bisch bim Gyni gsi?

Monalii

nei no nöd. ich lüt morn erscht ah und mach öbis ab. bisch du scho gsi? han rirgendwie rächt respäkt devo. ich chans irgendwie no so gaar nöd glaube

Energy13

Ja ich bin gsi letscht Do- ha aglüte und gfrogt wenns Sinn wurd mache zcho- de hei sie gmeint ab 5/6 Wuche machis Sinn... ich bi hüt in 6 Wuche + 4 Tag luut US ;-)

Energy13

Ich glaubs scho- mir isch schlecht- ned jede Tag und au eher zobe (haltet sich also in Grenze) abr i mue zNacht oft ufs WC und bi seeeehr müed ...

Shibasa

Gratuliere Energy13

Energy13

Danke Shibasa- zwei Tag nach "eusem" Chat hani positiv testet ;-)

20Sunny15

Salü zämmä:-)
A dere Stell gratulier ich eu au ganz herzlich. =D>
Ich bi gliich wiit wie t Energy und freu mi riesig uf miis Würmli.

Shibasa

Hihi gsehsch jetzt de ganz Stress für nüt

Energy13

Genau, Shibasa haha ;-)

Shibasa

I wot ja itz nüt sägä. Aber haniders nid gseit gha?

Energy13

ähm doch, eventuell mol erwähnt ;-)))

muckel

@Energy13 und shibasa war nicht die einzige, die das gesagt hat!

Energy13

Jaaaaa ;-), ich bi sooo nervös gsi bym erste ÜZ dassi mi ha müesse mitteile und ich ha denkt: OMG das gaht jetz mind es Jahr bises ischlaht- zum Glück isch mi Ma do sehr vel glassner gsi und am 2 ÜZ hami de au beruhigt gha... ;-) Danke ab alli do im Babyforum fürd Unterstützig ;-)

Shibasa

Hihi i bi froh si mi Maa und ig da gliich. Wes ihschlaht, schlahts ih und wen nid, den nid. Mir hei üs nie Stress gmacht und eifach gwartet

Energy13

isch okay,i nimm mer e Bispiel a Euch ;-)

Energy13

und i lies brav alles wo über Schwangerschaftsübelkeit im Forum stoht-wenn da ned besser wird (sondern immer schlimmer) so befürchti wirds uffällig im Gschäft :-/

Shibasa

Da chani dir leider nid witer häufe. Das hani nie gha

Energy13

Irgendwie gahts de scho ;-)

20Sunny15

Jo das hend mir au so gmacht Shibasa. Sisch so chli länger gange aber defür sehr entspannt ;-)
Und Energy, schö brav Kamilletee trinke, das nützt bizeli. Ansonste het de FA e schlaus Tablettli wo au hilft...

Energy13

ah ok Kamille meinsch?! Danke,besser als de doofi Ingwer Tee- de chani fasch nümm gseh....

20Sunny15

Oh jo das glaubi! Pfefderminztee nützt au gege schlecht sii. Eifach nid meh als 3 Liter am Tag ;-) denn gits chli abwechslig.

20Sunny15

Pfefferminztee meini natürli :-)

Shibasa

Pfefferminztee sötmer aber wen müglech vermiide, wills d Milchproduktion hemmt

Energy13

hmh wa jetz? bis endi 12ti und no wyter sett jo da ke Thema si - vo wäge Milchproduktion ?!

Shibasa

Also i ha vo Ahfang ah druf verzichtet, wius sich dr Körper ja druf duet vorbereite

Energy13

aaah, ok mol luege uf wani meh gluscht ha und wa meh nutzt... merciii

Shibasa

Also has no schnell mit dr Kollegin ahgluegt, momentan sigis no unbedänklech, ussert du heigsch Sodbrenne de sötschne nid trinke weg de süüri und äbä vorem ET ganz ufhöre drmit

Funky

wenns ganz schlimm isch und mit huusmitti und tricks nüm goht den chasch itinerol b6 neh, oder paspertin. würds aber ah zersch mit allem andere versueche.
ingwertee hett mir gholfe, und en spagyrika spray, die chame sich mische loh ide apotheke.

Energy13

Danke fürd Tipps Fraue ;-)

Monalii

so, jetzt hani au ändlich en termin bim frauearzt. :-) leider erscht nächscht mändig. jetzt heissts wartä.

Energy13

Monalii toll,de gseht me sichr scho meh als bi mir... ;-)

Monalii

ich befürchte nöd, will ich wänni richtig zehlt han erscht 4+ 5 bin :-) aber bin glich wahnsinig ufgregt :-D

Shibasa

I ha hüt afe Kontrolle vor Geburt nache. Ha aber chli "schiss" devor das sich bi mir ouscho wieder e Buchzwärg ihgschliche het.

20Sunny15

Oh jo Monalii ich verstoh di, ha min am Dunnschtig und mags au chum erwarte :-)
Und jo das mit em Pfefferminztee stimmt Shibasa. Ab de 13. Wuche söttme denn weniger bis gar kei trinke. Aber oft isch jo denn di schlimmschti Übelkeitswelle zum Glück scho vobii.

Energy13

Monalii, de hettisch jo mega früeh gmerkt das schwanger bisch?! hesch du ersch letzt Wuche testet?! ;-)

Shibasa

Fraue i ha chli schiss vorem FA Termin, obwous eigentlech nur Kontrolle isch vor Geburt. Mi Maa het gspöttlet söll de nid hei cho und sägä sigi schwanger wiu ahzeiche hani äbä wie bir letschte SS

Energy13

Shibasa, wäri da schlimm? was isch da füre Kontrolle hüt?

Shibasa

Für mi nid, währ zwar scho chli früech. U währ de grad 2. immerhaub 1 Jahr... Nachgebirtskontrolle woni eigentlech vor 2 mönet hät söue ha.

20Sunny15

Shibasa wenigstens hesch scho chli Üebig. ;-) ich cha dir grad nid mit reinem Gwüsse Duume drucke wenn ich mich so wahnsinnig uf üses Würmli freu... wär doch toll, nomol vo vorne.. und de Maa isch doch schlinscht Problem nid?;-)

Shibasa

Hihi mir hei doch ersch grad vo vor Ahgfange ts mingscht währe mr de nid us dr üebig

Energy13

Also das findi au, i gseh do nüt schlimms dra und jo du hesch jo üebig ;-) ich mue leider wyterschaffe, duesch brichte wie Kontrolle gsi isch?! glg

20Sunny15

Jup halt üs ufem laufende :-)

Shibasa

Machi doch Mädels

Shibasa

So alles sowit im grüene Beriich. Wegerer SS hetsi (no) nüt festgsteut, sigi aber ono grad chli früeh dasme öppis würd gseh oder gspüre. Ultraschall hetsi keine gmacht, söu i ca. 1 Wuche mau e Test mache, we mini Periode nid chöm

Energy13

ahh guet guet, hesch du nach de SS wieder e normali Periode/ Zyklus gha?

20Sunny15

Gseht doch ganz nocheme Happy End us :-)

Shibasa

Energy ha ersch afe 1 ne gha aber ja dä het genau i Plan passt

Shibasa

Termin währi den ca. Um de 01.09.2015 wes so sött si

Energy13

ok, uiii de bini abr gspannt ;-)