Serophene 50 mg hat jemand Erfahrung damit?

Mogi19314

Hallo

Habe im Januar Pille abgesetzt und seit her 1 mal ( mit Utrogestan) Mens bekommen. FA hat mir jetzt am 30.4 Serophene verschrieben.
Wer ist so Schwanger geworden?
Ab wann sollte man GV haben nachdem man sie abgesetzt hat?

Grüesslii

Ela

Ich han serophene 100 mg müsse neh, han abr denn e wuche nach absetze in ultraschall müsse zur kontrolle, wells ja mehrling chönti geh durs serophene, und so chöntsder s riife eili gad usmässe und ca säge wenn de ES isch...
Bin im zweite serophene zyklus schwanger worde, ha vorher 1 jahr praktisch nie mini täg gha!
Abr es muess imr unter kontrolle sii!

Mogi19314

Hmm shreg, de FA het gseit sel si neh und wenn mini Mens imne Monet nanig ume sig müessi nomol verbi go

Sabrina87

I han im januar agfange mit utrogestan 200, vom 15-25ZT...
Han de ganzi chinderstress mol chli hinder mir glo (probieret scho fasch 1,5johr) ond was passiert?!
Ich wart vergäblich uf mini mens, wo am donnstig hätt selle cho ond han am sonnstig Positiv testet :-) am 13.5. hani de termin bim FA...

Ela

Also de ES isch den so öpe 7-10 täg nach absetze, cha abr au ersch spöter sii.. Eifach ganz vill sex hilft :-)
Ich wür serophene wiiterempfehle, be mier hets klapped, abr ebe es tuet ja d eirifig fördere, darum chas de gern au mal zwilling odr meh ge... Bi mier ischs eis :-) abr ich bi ja au imr in kontrolle gsi!
Drucke duume

Ela

Sabrina87 gratoliere :-)

Sabrina87

Danke vellmol :-)
Mer freued eus riesig

Ela

Das glaubi dier, so schön... Mier sind au es jahr dra gsi.. Ischs au dis erschte?

Sabrina87

Jo.. Min maa hets jetzt scho tauft.. Er seitem "Sörmu" hihihi...

Wie wiit besch denn du jetzt Ela?

Ela

Hehe jö so herzig, es isch eifach scho es wunder!
Bin ez ide 18 ssw!

Sabrina87

Gratuliere!
Gseht mer de buch scho?

Wie händ ehr euchne eltere/ grosseltere mitteilt, dass si grosseltere/ ur-grosseltere werde?
Wörd si gärn öberrasche, aber im google hets ned eso fantasievolli idee...

Ela

Danke...
Ja ez hani scho e rächti pauke :-)
Mier hends eher unspektakulär gseit!
Ga mal uf youtube det heds sichr luschtigi und originelli videos.
Mini schwö hed so ta als obsi es familiefoti wet mache, het kamera abr uf video igstellt, und de simr al det gsässe und hend id kamera inegsmeilet, und denn seit min schwager eifach usm nüt das schwanger sind :-) und d reaktione sind u herzig und natürli uf video!

Ela

Ich ha mini eltere weg erne ferie agsproche, und de gseit das oktober eher ungünschtig isch weg zga, de hendsmi zersch chli komisch aglueget und gfrage wiso, und de hani gseit, ja weisch s baby chunt denn :-) sind fasch hinduse gheit :-)

Mamilu

Ha ke Erfahrig mit dennä Pille...
Aber Gratuliere Sabrina87

Mer hei de "Eltere" es Tassli gschänk: Für die beste Oma/ den besten Opa. Mis Schwiegermami hets zwar grad nit realisiert (isch scho Oma gsih denn) u mi Papa het gmeint, göng no ä momänt. Ha de gseit, schnäuer als er meint... :-)

Kollegin het ä Torte backe u der Azahl Kind mit Marzipan druf da (also 3 obwohl ersch 2 uf dr Wält gsih si)...

Sabrina87

Danke, mamilu :-)

Nächst mittwoch vormitrag gohts s erscht mol zom US... Mol luege was de FA meint... Do mini letschti mens woni gha ha 2 täg z'früeh cho esch, nor 3 täg gange esch ond meh en gaaanz schwachi schmierbluetig gsi esch, chönnts au sii, dass das die iinischtigsbluetig gsi esch...
Ond ofne art hoffi, dasses ned grad zwilling get... I glaube, i wär grad chli öberforderet... Bi mim maa, wie au bi mer ide familie send zwilling ond metem utrogestan sells jo au no d'möglichkeit erhöhe ond mehrling...

Aber schlossändlech zellt nor eis: gsondheit

Mogi19314

Huhu, cha au si as de eisprung am 4-5 tag nach absetzte chönt si?
Ha hüt so es mega steche ide eierstöck gägend ka und unterlibsshmerze

Ela

Hooooiii ja eh, es isch bi jedem anderscht... Darum eifach vill sex all 2-3 täg und denn chaschen net verpasse ;-)

Mogi19314

Okey:) gebe de bsheid

Ela

Vill spass ;-)
Und net verzwiifle wens bim erste sero zyklus net klappet... Sheisst bede meischte klappets inerhalb 3 zykle!
Drucke duume

Isabelllla

habe da leider auch keine Erfahrungen mit gemacht..

Ela

Hei mogi wie gsehts be dier us? Muesch serophene no neh?

Mogi19314

Hi ela bi sho lang nüme da inne gsi, ja has afangs juni nomol gno etz beni uf mens am warte am friti sis 5 wocje as si sletshtmol gsi esh, hoffe mol si chunt ned. Bröst düemer weh ha ab und zue es zieh ide liste bes i dobershenkle unterlibszieh aber ebe, wie mängish hani etz sho gmeint be schwanger de esh glich nüt gsi, ha hüt e test gmacht negativ

Ela

Ou mann ich drucke duume

babywunsch1981

Hallo Ladies
Bin hüt grad idr gyni gsi und ha serophen und estrofem überchu! Cha mir öppert sägä wie d näbäwürkigä so sind? Vorallem d sehproblem wos cha gäh!

etsu

Hallo zusammen
Mogi, hesch du Serophene idemfall eifach gnoh gha ohne en Kontroll-US? Min FA isch leider i de Ferie und ich ha no Sero do und ha wieder welle afange demit.....