Erste Bewegungen des Fötus

Elena

Heute bin ich genau 17Wochen schwanger und habe diesen Morgen auch zum erstem mal ganz bewusst die Bewegungen meines kleinen Würmchens gespürt. Die meisten Frauen beschreiben diese Wahrnehmung als Flattern, was bei mir auch am ehesten zutrifft. Bei Magenbeschwerden spürt man ja auch so ein Gurgeln, aber das kann ich jetzt unterscheiden :-)

Wie war das bei euch? Schreibt mir doch, würde mich freuen.

Liebste Grüsse an alle da draussen
Elena

Monalii

Wow das isch früeh :-) so schön! ich han min chline serschtmal erscht ide 23. ssw wahrgno. und zwar mit drü ufenand folgendi böx :-D und dä 2 täg wider nüd meh. das chrible oder schmätterling im buch hani nie wahrgno.

Elena

....ja guet, d'Böx & d'Tritte wirdi sicher no es Zitli nid gspüre :-)
Di chlini chunnt, bi ihrer momentane Körpergrössi, gloub ou no nid a mini Buchdechi.....si het no wunderbar Platz ir Gebärmuetter, hi hi

Nikki1701

Ig Mami no erinnere das es bi mir so ir 16 wuche het agfange mit dem flatter gfühl

jasi86

Do bi i aber froh dass i ned diä einzig bi wo so früäh öpis gspürt ha.... i ha nume ghört... du häsch secher Blähige da cha noni si...

Funky

also ich han mini chlii ide 18.ssw s erste mol wirklich dütlich gspürt, vorher hani amis s gfühl gha ich heig sie gspürt, bin mer aber nid sicher gsii.
es chunnt ja ganz druf ah ufd lag und ufd plazentaposition, ab wenn mer s baby gspürt. und natürlich sind au nid alli gliich sensibel uf so fiini sache.

Elena

Auso i de letschte Tage isch wider nüt z'gspüre gsi, emu nid so, dassi chönnt säge es chunnt vo mim Meitäli. Sie hei gloub eh rächt langi Ruhepousä um die Zit ume ( bi hüt genau 18 Wuche schwanger. ) Morn hani mi richtig gross Ultraschalltermin, mau luege öb si sech de ma bewegä :-)