Neu hier, stell dich vor! #2

Binaaa

Hoi zäme
Ich bin 32gi, usem Fricktal, ha e 19 Monet alti Tochter und e 6 monet alte Sohn. Sueche Mamis oder bald Mamis zum ustusche, rede und Spielkollege/inne zum spiele för dkids. Viellicht au söttigi wo ned grad öper diskriminiere weme ned geg covis gimpf isch.
Liebi Grüess

Sabi_88

Hoi zämme, ich bin au neu da. Bin zum 1. Mal schwanger und bin jetzt i dä 15. SSW. Freu mich uf dä ustusch 😊

LeaMaria

Hallo Zäme, ich bin neu da und zum erste Mol Schwanger. Chome us de Region Freiamt, Zentralschwiiz und be jetzt ide 30 SSW. Freu mi uf de Ustusch.

LG

lkoenig

Hoi zämä, i bi neu da u zum 1. mal schwanger. I bi 21gi, ir 32. Wuche u wohne ir Nöchi Solothurn. Würd sech öpper gern ustusche? Freue mi uf Antworte☺️

Lotusblümchen

Heey ihr Liebe 🤗
Ich bin au neu da & z 1. Mal schwanger. Ich bin 30gi & bin in de 9 SSW.
Ich bin ganz schön nervös da ich morn min erste Ultraschall untersuech han..
Möchti sich öppert gern ustusche? In wellere Wuche hend ihr de ersti Ultraschall gha?
Ich freue mich uf en Ustusch 😌

Satsuma

Hallo Zäme

Ech be neu do im Forum ond wohne met mim Ma ond üsem Hond in Luzern (Horw). Ech be Biomedizinischi Analytikerin ond schaffe imne Labor.
Vor chorzem beni 37 worde ond im Juli 2021 serstmol Mami vonere zockersüesse Tochter 🥰
Abem Februar fang ech zo 60 % weder afo schaffe ond ha mol welle id Rondi froge wie ehr das so erläbt hend? Mer machts nämli im Moment es bezli mühe. 🙈

Liebe Gruess 🙋🏻‍♀️ 🍀

Sti

Liebi Satsuma
Härzlich Willkommä 🙂
Für mi isch ou komisch gsi wider afa schaffä. Bi mir extem gmischtä Gfüuh gangä. Aber bi schnäu dri cho u ig bi froh schaffi wider. We d'Ching i guetä Händ si, isches nid so äs Problem. Guetä Start 😊

Admin

Hallo alle und willkommen an alle Neuen,

Wir übersiedeln in ein neues Thema für die Vorstellungen:
https://www.babyforum.ch/discussion/5009/neu-hier-stell-dich-vor-3

Liebe Grüße
Admin