Arbeit nach Mutterschaft Ja oder nein?

sArA91

Bawa schrieb: »

Ich finds eifach schad das mer eh huushalt / koche alles etc nöd als „schaffe“ ahluegt? Ich find ich ha so viel ztue, ich ha gar kei ziit no wo anderst au no go zschaffe 🤷🏻‍♀️ 🙄 hehe also jedem das seine aber eh huusfrau schiebt sicher kei ruhgi chuggele und isch zfuul zum schaffä 😅

@Bawa genau das gsehni bi mine 2 Nochberine ..schaffen beidi 60% will sie süsch s gfühl händ nochher kei Ahschluss meh zha.. derbi wenns gar nid schaffe jetzt ..Zit mit de Chind fehlt ihne und den chunt de Hushalt noh obedruf sie sind beidi amigs so kaputt endi wuche.. 🤷🏻‍♀️darum isches für mini Familie de besti entscheid dehei zblibe 🙂

Gröipschi

wiso chani äch ar sue ihri biträg nid läse? gseh nume ä wiisse chaschte

Nelia

Ich glaub Sue het ihres Profil glöscht..

Sue☀️

has noni glöscht 😉ha noni usegfunde, wie 🙈aber i glaub i pass do nit so ine.
i due mi besser uf anders konzentriere. finds au nit soo e gäbigs app. nütfürunguet ladies.

Milchmädchen

Bhalt doch eifach dis Profil @Sue☀️, vilicht kunnts jo no, wär doch schad.

Gröipschi

oh schad Sue, hätt dini biträg gärn gläse.

Sue☀️

also was ich no sage will, hushalt und dehei si isch definitiv e chnochejob! ha jo nie gseit, dass es dehei chillig isch. (im gegeteil! ich finds ultramegaastrengend mit emene trotzgoof, drum bruch ich jo mi bürojob. würd duredreie, nur um das chind ume. bi halt nit so die perfekti muetter. )
und ich ha eifach kei bock, de hushalt elei z schmeisse, bi nit s dienstmeitli vo mim ma. bevor mir kinder gha hän, hän mirs au zäme gmacht.

Chil

@Sue☀;️ bi voll bi dir! Lösch di nöd wär dich schad... 🙋🏻‍♀️🤷🏻‍♀️

Pinny

Sue☀️ schrieb: »

also was ich no sage will, hushalt und dehei si isch definitiv e chnochejob! ha jo nie gseit, dass es dehei chillig isch. (im gegeteil! ich finds ultramegaastrengend mit emene trotzgoof, drum bruch ich jo mi bürojob. würd duredreie, nur um das chind ume. bi halt nit so die perfekti muetter. )
und ich ha eifach kei bock, de hushalt elei z schmeisse, bi nit s dienstmeitli vo mim ma. bevor mir kinder gha hän, hän mirs au zäme gmacht.

Da stimmi zue xD mine het au ziemli schnell glernt das er mithelfe muess...;) und etz hilft er mir au im huushalt aber er seit mer oft, wenni nüme mag...denn söllis eifach sii loh - s isch wichtiger das ich erholt bi und s mir guet goht wie das de ganz huushalt bicko bello isch...

o.O ich bi 100% dehei und schaffe 10-20% Home-Office und ich finde nöd dasi da besser mach wie e kita..-.- meistens denki dasi no z wenig mache, vorallem wenn was passiert (han mit einere möse in Notfall wels es Haartournique gha het)...da hani mi wie die grösst Rabemuetter gfühlt und denkt das das öper anderm nöd passiert wär

ich verstoh au alli wo seget sie vermissed s schaffe jedem das seine...

Ohana

@Gröipschi i gseh o nur wiisä chastä... isch mr scho meh ufgfallä bi angärä biiträg... i ha dänkt ev sis Föteli... aber teu fotos gsehni... komisch...

hermine

Ich arbeite 70% das sind 3,5 tagen die Woche, und bereue es keine sekunde.
Ich könnte niemals 100% hausfrau sein.

Moi85

I ha 2 jahr oberhalb vonere kita mis zimmer gha. Es halbs jahr sogar kuchi/bad mit kita teilt. Und den hani no nid mau a chind ha dänkt aber i ha entschiede dass i miner chind nid ine kita würd gäh. Schreiendi babys id chuchi isperre, chind aschreie, totali überforderig. Nei danke. Es git sicher gueti, aber das den het mir ächt angst gmacht. Und am abe d chind de eltere übergäh miteme zuckersüesse lächle.

malguggn

sorry, aber für öpis goht mer e kita ga aluwge, macht iigwöhnig etc. und de merkt mer doch sine chind a, obs gern id kita gönd oder ned?! und wenn gern gönd, isch alles guet. und süscht würdi e anderi aluege. punkt.

💞Mommy💞

Mer gäbet eusi au id kita ab April 2 Täg.. leider muessi go schaffe susch würe mer niemols über drundi cho..

Mini Nichte 2jährig goht i die glich. Und sie liebts.. au digwöhnig isch super gange gönd aui sehr sehr liebevoll mitenand um und au mit de chind.

I fend mer set mehreri go aluege sget nämli net nur schlächti!
Und wenn me schlächti erfahrige gmacht het findi daf mes net pauschalisiere und allne panik mache und schlecht rede wo dKita bruchet. Hend halt net aui sGlück mit Grosseltere etc. Oder wo chönet dehime bliebe.. goht vielfach ou um dexsistenz..

Jede muesses so mache wies für EIM SELBER passt und net über anderi urteile und vorurteile und säge oh i wür da niemols (dänke chames usspräche muess mers aber net)

Egal ob me deheime bliebt skind de grosseltere git oder de kita. Mer möchet aui alles rechtig solangs für eus selber stimmt..

kimi

@Moi85 genau so ish es ....also 70-80% vode kitas. Ha gschaffed ide kita also rede kei blödsinn. Aschreie usw ish alltag gsi. Egal wie oft ich zude leitig gange bin das es so nöd ghat. Viel häts nie bracht und wenn den nur für e kurzi ziiiit.
Die meishte ide kita sind au no kei mamis und denked nid das me so nöd söll mit chinde umgha. Aber ebe jede söll selber luege.

kimi

@malguggn glaub mer ide igwöhnig merkt me selte epis.

malguggn

@kim: glaub mir, mis chind spilt mir nid vor, dass es gärn goht 🙄 im übrige glaubi a mis buchgfühl... tuet mer leid, falls sich nid all uf das chönd verloh.

kimi

@malguggn glaubi dir! Es git au gueti krippene:) und du würsh es am chind merke

takigu

Also unseri kita isch echt super. D kids vo dera wod kita ghört sin oh oft döt und di agstellta sin absolut super. Sie mahen oh mega viel usflüg in zoo, museum, gon in wald ge brötla etc. Ha min sohn mol wella an zuasätzlich tag bringa und sie lehnen oh knallhart ab wenn sie scho d zahl vo dr kinder erreicht hen. Min sohn verzellt immer ganz toll vo dr kita und i bi oh scho zu andera zita als normal uftaucht und es isch alles tiptop gse. Bi froh hani so a tolli kita verwütscht wenn ma do list wases alles git.
Wünsch eu ganz a schös tägli

potztuusig

Ich finde es bedenklich, dass das bi euis Thema isch. Es isch einfach i de Schwiz nid gelöst. Ich gseh, dass es i de Nachbarsländer oder im Norde gar keis Thema isch. DFraue schaffed und Betreuig isch organisiert plus lange Muetterschaftsurlaub und Kündigungsschutz. Und wieso? Wills vom Staat längstens erkannt worde isch, dass d‘Fraue e wichtige Teil vo de Wirtschaftskraft sind. In Frankreich hätt e 90 Jährige zu mir stolz gesagt: klar arbeitet man als Frau das war schon immer so und zwar 100%. Natürlich hat man da zum Teil andere Probleme. Aber an diesem Punkt sind wir noch lange nicht.