April-Mamis 2014

Chäferli

Wünschä allnä ganz e tolli und intensivi zit! Gnüsäds!

Hexli86

I werda mi melda, wenns sowiit isch. Mini Täscha stoht au scho parat. Aber i glauba han zviel drin. Was hend iahr alli ipackt? I kann nit säga, wenn i zGfühl han wenn si koh will. Bin total unsicher was dr Termin agoht. Trinkender Himbeerblättertee, oder machender Akupunktur? Oder no öpis anders?

Chäferli

I bin am schwangerschaftstee trinkä!

Aso im ksw in winti bechunsch bindä und sexy netz underhosä drum nim i scho garnüt sänigs mit.

5 t-shirt 2 joging hosä wo mir jetztig na passed still bh ilagä bechunt mer au im ksw und kulturtäschä mit zahbürstä zahpasta kontaktlinsä haarbürstä und haargumi duschmittel meh han i nid!

Isch dä tip vo minere schwee gsi diä hät nanilang ihres 3 chind im ksw geborä!

I dänkä äs wird i dä schwiz i alnä spitäler ähndlich si! Und susch chan sicher na öper öpis bringä wen öpis na fählt! Guäti zit!

Hexli86

@Chäferli: Kenna das Spitol in Winterthur au! Dr Klii vo minem Bruader isch döt ufd Welt koh. Jo denka au, dass ma Binda, Netzhösli und Stillilaga döt kriagt. Han no öpis zKnäbberla ipackt. Anschiinend isch ma au froh, um Kaugummi oder Zückerli! wünscha au allna Kugelnda alles Guati. Bald simmer am Kuschla!!!

Chäferli

Freu mi uf dä Dunstig dän han i serste ctg!!!! Mal luägä ob schäferli dän au so Aktiv isch we jetzt amigs!

Gat echt nüm lang bis mer eusi april schärzli därfed id Armä näh!!!

Mami79

Aso i gang is Triemli in ZH, kennt das jemand? U natürli ha ni viu z viu Kleider ipackt! Bzw no Binde u Stillilage etc. Aber lieber z viel aus z wenig, hihihi

Aso, 3 riese T-shirts, 2 Nachthömli/ Pijama, 2 Trainerhose, 2 normali Hose, 3 Oberteili, 3 Kleider, 1 Pulli, 3 Kniesocke, en Badmantel, 3 Still BH... Gloubs, oder 1 -3 Sache meh;-), u de isch dr Koffer au volle gsi.
Ha ni no öbis vergässe

Mami79

@Chäferli: CTG isch meeggaaaa ❤️

Nikki1701

Mi ratschlag nehmet keni ängi Hose mit... Dr Buch brucht e zyt bis er wieder normal isch

Miaflurina

Oh ja:) de Buch isch nachher no riesig gsi. Ha gmeint es müessi nomal mindeschtens eis Baby drin si:))) und s Wasser isch au nid grad sofort weg.

Mami79

Ahaaaa, danke. SS-Hose grad alli ipackt mit Bund;-). Danke.

Woäviel heit dir de nach Geburt grad abgno? Bzw weniger ka? Abgno isch übertriebe;-). Weiss isch verschiede, aber gliech interessant z wüsse;-). Danke im Vorus...

Miaflurina

Grad nach de Geburt nach 5 Tag ca 7 Kg. Und den sind sehr schnell witeri 10 Kg abe(in ca 4 Wuche). Ich han au 23 kg zuegno. Jetzt nach 6 Mönet sind no 6 kg meh wie vor de Schwangerschaft und s Gwicht gat immer no abe, ohni das ich viel mache.

mel88

I ha ca 5täg nach de geburt 6kg weniger gha und de ischs immr wieder chli abe, ohni dass i öpis gmacht han. Jetzt isch mi tochter 9mönet alt und sot guet 1monet hani mis gwicht wieder.
I ha nach de geburt en zimlich bleihte buch gha und mir ischs in de trainerhose am wöhlschte gsi. I würde nid zviel kleider mitneh und falls doch öpis fehlt, chas guet öper bringe, wennd sowiso alli vorbi cho ;-)

Mami79

WoW dir heit ja guet ka mit dem Gwicht verlüre;-). Ich bin bi 36+5 SSW u ha 12 KG zuegno. Chönt no chlie meh si de ;-). Ha aber vor dr SS scho 8 KG zuegno wäg Wasserilagerige;-(. Jetzt mou luege wiä s de louft.

Stimmt, muess nomou dr Koffer düreluege u es paar Sache uselege. Schatzi chas de ja süsch bringe;-)

Heit dir chlie Vorahnig oder z Gfüehl ka wes Bebe chunt? Gester bi ni so hippelig u ufgregt gsi. Ha z Gfüehl Fruchtblase platzt jede momänt. Isch aber nüt gsi, usserd 5 x uf für uf s WC ...

Nikki1701

Jetzt isch de mini tochter jährig denke so nach 5-6 mönet hani mis normale gwicht wieder retour gha... Aber ha o wieder sport gmacht u jetzt isch alles wieder straff;) ir schwangerschaft hani 14 kg zuegno...

carigo

Hoi zäme
üse chli hets eilig gha und isch bereits ufd wäut cho letscht wuche. o wenr eigetlech no grad nid dermit grächnet hei u no nid so bereit si gsi simer iz überglücklech das chline wunder dörfe ide arme z ha!
häbet e gueti geburt!

Mami79

@ Carigo: ❤️ liche Glückwunsch! Schicke euch en riese Umarmig. So süess!!! Aus aus Gueti wieterhi!

Mi Termin isch zwar ersch de 19.4. aber weisch wiä hippelig ig scho bi;-(.... U schlächti Luun ha ni au, weiss nit wieso

carigo

@Mami79 merci viu viu mau! Üse Termin wär ou ersch 15.4 gsi plötzlech geits schnäu hehe duedi nochli isteue druf i bi grad rächt überrascht worde und irgendwie fählemr iz di drü wuche oder es wär de o denn so gsi das chani nid säge... veränderet hat scho aues sones chlises würmli hihi

machs ganz guet! u gniess d zyt und dr schlaf no im moment! mach nochli öppis für di

DaniieSahne

Wow
Glückwunsch Carigo
Da wollte jemand ja echt noch ein märzli werden

Ich geb dann auch mal ein kleines Feedback
Wir haben uns dazu entschlossen einen ks zu machen.
Laut Arzt sind die Herztöne nich ganz so gut und mein fruchtwasser könnte eng werden.

Ich nehms mal an und bin echt meeega aufgeregt zudem ist es meine erste Operation überhaupt.

Los gehts am 3.4

Euch anderen wünsch ich auch viel glück und eine schmerzfreie Geburt

carigo

@ DaniieSahne

Ich wünsche dir somit eine gute Geburt und dein Termin ist ja auch schon bald

Unserem Kleinen musste mit dem Vakuum nachgeholfen werde da die Herztöne gesunken sind über einen längeren Zeitraum bei der Geburt.

Mami79

@DaniieSahne: das ist ja auch schon bald;-). Kommt gut

Mami79

Drücke ganz fest die

Mami79

Daumen und toi toi toi...!

Mami79

@ Carigo: aber jetzt seit ihr wieder zu Hause? Und es geht euch gut hoffentlich . big hug

carigo

@Mami79 wir waren nur eine Nacht im Spital und dann gleich ab nach Hause. Da ich eh nicht im Spital gebären wollte war mir schon das zu viel ABER ganz klar die Sicherheit geht vor und ich war sehr froh konnte ich in diesem Fall ins Spital (da der Kleine ja noch als Frühchen gilt).

Mami79

@Carigo: schön das es euch gut geht. Ja wie du selber schreibst, Sicherheit geht vor. Sicher mega z Bebe in den Armen zu halten. Allerliebschtttt

Mami79

Tja, bin immer noch hibellig am warten. War am 2.4. zur Kontrolle. Alles i.o., nächster Temin 17.4. und ET wäre 19.4.

Bereit: wären wir schon jetzt;-)

DaniieSahne

Ich hab au alles gut überstandn gestern um 13:20 mit einer größe von 49cm und 3160g kam unsere Sarah Sophie zur Welt.
Ich bin jetzt schon fleißig am aufstehn und kuscheln *_*

Mami79

@DaniieS: ❤️lichi Gratulation! Wünsche aus Gueti u en schöni intensivi Kenne- lernziet. Yeaaaaa

Chäferli

@daniiesahne ♥️glückwunsch ich muss noch ein weilchen warten aber hoffe auch das es bald kommt hatte gestern senkwehen!!! Es tut sich aber sonst noch nichts!!!

DaniieSahne

Das geht jetzt ruck zuck (:
Ich bin froh wenn ich nachhause darf.

Euch allen wünsche ich natürliche eine schmerzfreie Geburt!

carigo

@DaniieSahne Herzliche gratulation und nun geniesse die zeit!!

@Chäferli wenn du Senkwehen hattest geht es noch genau 20 Tage (gemäss Hebamme stimmt das fast immer)

Alles Gute!

Chäferli

@carigo hoffä nid umbedingt das doch no 20 tag gat!!! Am 17. het i termin und am 15. isch ja na vollmond hoffä das dä au nachli en ifluss hät! Hihi wär scho schön das chline gschöpf äntlich zdärfä in arm znä!! Vorallem wärs cool so grad uf ostärä!

Mami79

@Chäferli: ha au sit Wuchene Sänkwehene u es passiert immer nonüt ;-). Guet wobi mi Termin ersch am 19.4. isch. Aber sit ändi März ha ni z Gfüehl gli isch es sowiet... Bi immer no am warte. Wiä ufregend ... Isch bi dir Schliemzropfe scho ab. Bi mir nüt... Nur Sänkwehe, ziäh zwüsche de Bei, ziäh im Krüz

Chäferli

@Mami79 bin nid ganz sicher ha gester und hüt scho bizli dickä schlim ga isch aber nid bluätig gsi oder brun! Han au ziä im chrütz und i dä bei! Mini fä hät gmeint das sex au fördernd würki. Jetzt hämers mal usprobiert anschinend häts sperma vom mann ä guäti würckig druf! Bin ja mal gspannt!
Usä sind na alli cho! Aber das wartä isch echt schlmst anerä ss!!! Trozdäm gnüssäd chinzbewegigä und zweisamkeit!!!!!!

carigo

gniessets no z zwöit und z schlafe u vorauem eifach z läbe wies iz isch wenn de di ss hormon verschwinde und d stillhormon isetze uiuiui aber o das geit verbi hehe und d fröid isch riisig i verstas dass das warte müehsam isch us nüt bringt wenn aui säge mä söus no gniesse u glich wäri froh i hättmers nochli z härze gno wüu d zwöisamkeit chunnt nümme zrügg.

@Chäferli drückedr düme i däm fau dasses nüm so lang geit hehe ingwertee trinke isch ou wehefördernd... aber am schlusse entscheide ja eh di chline säuber wenn dass si wei cho hihi

Chäferli

Hallöchen zämä morn mus i wider zu fä mal luägä wes dän usgset und ob sich scho öpis tuät! Wünschä euch allnä ganz en schönä tag!

Mami79

@Chäferli: hei es guets GÄ termin. hipperle mit . ha au scho ganz freud. mini kollegin het ändi april termin ka, jetzt het sie vor es paar tag es gsunds u stramms baby becho <3<3

Chäferli

@Mami79 isch alles io mit eusem chäferli ca. 3300gr. Und 52 cm muätermund isch fingerkupä gross offä aber es cha trozdem na guät 2 wuchä ga:.-( naja so warted mer halt na chli!

Alnä na en guätä endspurt!!!

Mami79

@ Chäferli: jööö isch ja allerliebscht. grössi u längi isch ja ou guet. he de warte mir no chlie, gau *g*. aso mi nöchsch termin isch ersch am 17.4. wieder, we s nit scho vorher da isch het d hebamme gmeint. casch ni guet schlafe? i sit 4 W horror. tuet immer öbis weh bim ufstah! aber zum glück/ hoffentli nüm lang;-). de wünsch i dir no en guete kugelziet .

Chäferli

I mus au am 17.04. snägst mal zur kontrollä aber dän grad is spital bin ja gspannä min buch isch jetzt chli abä! Hoffä das bald chunt!

Mami79

Sodele... Ändspurt...???? Hüt fat 39 SSW a. Baby isch aktiv u würmlet viu;-). Mal kucken was diesi Wuche sich tuet. Allne en gueti Ziet u en guete Ändspurt! Toi toi toi

Chäferli

@Mami79 du seisch äs und häsch au scho so wehä ändlichi kontraktionä über stundä und dän wider nüt? Übrigens am 15.4.13 isch na Vollmond vilicht hilfts ;-)))

Mami79

@Chäferli; ou ja, de dänkt meh immer gli chunts... u de isch gliech nüt, hihihi. schlafe sit ä wuche ufem sofa wou i nüm normal im bett cha liege;-). kontraktione, harte buch, ziäh im rugge und und und... wer weiss wägem 15.4., we ll see. Yeaaaa
gueti u schöni warte-kugel-ziet

Chäferli

Ich chan nid schlaffä.............. Sandmändli wo blibsch häsch mi vergässä?????

Mami79

Chäferliiii; Und, hoffe Sandmännli isch gliech no verbi cho? Isch müehsam, gell? ;-) Ich bi au nach de 1h igschlafe u 4x wieder uf. Schönne u sunnigi Grüessli

Chäferli

Än wunderschönä Tag därfä gnüssä am Rhyfall! Isch widermal mega schön gsi mit mim mann und minerä grossä !

Mami79

Ou schö. U so gmüetlich. Bi scho lang nüm am Rhyfall gsi. Mir si ga Brunche u spöter gö mir ga z Nacht ässe. Eifach no diä Täg gnüsse bis es losgeit. Aber ehrlich... Sich ke Gedanke mache oder eifach gnüsse? Das klappet bi mir nit. ;-(...

Chäferli

Aso bi mir klapet das au nid!!! Es drät sich alles nur na um eusä buchbewohner! Und alli fanged a frägä was bisch na dihei bebe nani da!

Mami79

Hihihi, gat mir au so. Usserd das d Lüt frage. Ha gseit säge s de scho wes sowiet isch. Aber bi mir, bi jedem Ziäh, harte Buch, Buchweh usw ha ni immer z Gfüehl gli isch es sowiet! Das scho sit Wchene;-)))), hihihihi.

Chäferli

Min schlimpfropf isch ab! Hoffä wehä werded meh! Bi so hibelig! Min mann han i go schlafä gschickt! Wär schön wens wür los ga! Den hätti mini mami widermal meh rächt ga ! Sie hät immer gseit Wasser ziet ah! ;-)) bitte bitte äs sell los ga!!!!!


Voll am hibälä!!!!!!