Min Chliine isst sit em Zahne nömm richtig

eatblackmilk

Hoi Mamis, ich han mal e Frag. Isch es normal wenn min Chline (8 Mönät), nömm richtig Breili isst, obwohl sit letscht Wuche beidi Zähnli durebroche sind. Vorher isch en richtige Weltmeister gsi, aber jetzt brieget er numm bim füettere und ab und zu gaht‘s doch no Händ ihr det dure Ehrfahrig und chunnt‘s wider? Zum Glück trinkt er mindestens, merci für eui Antworte scho mal.

Kaischda

Hoi hoi, mi Bueb het das ou gha. Är het vorallem keini warme Sache meh gnoh. I ha ihm de aube chauti Breili gä villech chasch das no usprobiere.. oder villech möcht är sini zwöi zahnli chli bruche und z.b. chli are chaute Gurke knabbere. Mi Bueb het immer wieder Phasene woner besser u wider schlechter isst.. das chunnt de sicher wider! Liebi Grüess

Anni

Ou ja, mini mached das au. Vorallem de gross. Bi jedem zah heter vil weniger gesse. Zum glück heter jetz all. Di chli isst au fast nüt bim zahne, egal wasi gib. het aber erst 4.

eatblackmilk

Merci Mädels, er isch nach paar Täg wider de alt gsi ☺️ ha mi halt recht verschrocke, aber für die nögste Zähnli weissi, was mi dänn erwartet 👍🏻