SWISSMOM-PARTY 🤩

NinaB

Hallo zusammen! Lang ist es her... 🥳

Mamsi

@Mangoo das isch obermüehsam! Mir händ am letschte Samschtig zügled und die Usrede vo Lüüt wo da teils chömed, sind aso Haarsträubend. Min Ma isch eine wo immer allne hilft und für jede sofort uf de Matte staht, und jetzt isch er so enttüscht vo gwüssne „Kollege“. Ich chan aso mitfühle🙈 ich wünsch eui trotzdem es guets Zügle und nachher vil freud ide neue Wohnig👍🍀

corina

viellicht kännt es mami öppert kompetents✊️ e fründin ihre maa brüchti unbedingt öppet zur unterstützig✊️

Mangoo

Ja ebe mir sind au immer überall go helfe und ez bruchi selber emal hilf..aber ebe..naja wird dich zeige wer alles no chunt☺️ wird scho alles klappe

schaai

Han es Thema bzgl Gwichtszuenahm bim Neugeborene eröffnet..wer froh um en Ustusch.

kläffchen

@Mangoo tut mir Leid für dich! Wir fragen eigentlich gar niemanden mehr wegen umziehen, machen das mit einem Umzugsunternehmen. So ist man halt dann auf der „sicheren“ Seite. Gute Züglete morgen, ihr schafft das schon!

Uii, ich bin vollgefressen vom Zmittag 😂 habe heute schon wieder gehört, dass ich so viel abgenommen habe (obwohl das nicht stimmt) 😂

Mangoo

@kläffchen ja das wirdi negstmal au so mache..ha eifach denkt das wenn mir bi dene scho mal sind go helfe oder sogar zweimal das mer de au mal cha fröge wege hilf aber ich gseh das mer am schluss glich uf sich srlber gstellt isch..chunt scho guet merci für s zuelose🌷

Joeli

schildchrötlimel schrieb: »

Hüt vor 3 Wuche isch mis Meitschi uf d‘Wäut cho. U sit de Geburt schwitz i mir jedi Nacht eine ab 😬. Wache immer schweissgebadet uf! Isch das normau??? Cha mi nüm erinnere, dass i das nach de erste SS ha gha. Findes obermüehsam 😫

Ou jo seb hani bide zweite geburt au gha. Extrem. Nach 2 mönet isches denn weg gsi

schildchrötlimel

De stell i mi druf i, dass es no es paar Wuche duret 😖

sabi81

@Mangoo findi frech, wen me zueseit zum helfe hilft me ou!!! Süsch seit me lieber vo ahfang ah nei! Hoffe dir chömet glich vorwärts morn!

susu

Het öpper e Buttinette Rabattcode oder Guetschin?

Mangoo

@sabi81 jaa isch leider nüm so wie früher🙄 karma erlediget das😜

Danke für oie zuespruch😘

schaai

Guätä MOOORGÄÄÄÄÄÄ 😊

kläffchen

Moiiin

schildchrötlimel

Morge 🙋‍♀️

Fühle mi wie Neugebore 😎. Ha hüt Nacht dörfe im Gästezimmer schlafe u mi Maa het uf di Chli ufpasst 😇

kläffchen

Wunderbar @schildchrötlimel bei uns ist es so gut wie immer ruhig in der Nacht. Ich war aber schon um 7:20 Uhr wach. Habe dafür meine Haare gemacht

ALOHA

Nextbstellig🤨 wenn staht dasis am 2. mai überchum - aber nani cho isch... isch den öbis falsch gloffe oder hets au scho öber 3-4 täg spöter becho?

Bella8

was mach ech falsch!? 🤔 min kiwa regeschutz wird immer so schnell milchig. Lohn ne immer guet loh tröchne, aber trotzdem esch er grad wüescht! Channi das ergendwie no rette?
Danke för euchi hilf! 🤗

Tessi

Ich han das au immer. Aber nur bi dem vom Joie 🤷🏼‍♀️Hane eifach miteme Lumpe und Wasser gschrubbet. Isch guet weggange

Bella8

Danke @Tessi, demfall machi das nomol eifach chli feschter... 🤷🏼‍♀️😄

Tessi

Oder hani echt no Badezimmer entkalket druf ta 🤔 glaube das hani.
Sorry isch mer ersch jetzt in Sinn cho 🙈

Anni

@ALOHA Bi mir isch au gstande 2. Mai und es isch au würklich denn a cho. Würd glaub scho no bis mitti nöchst wuche gedulde und suscht nah fröge. 🤔 Hans au scho gha das es verspötet cho isch, aber meistens sinds eifegentlich sehr schnell.

ALOHA

@Anni okey😳 danke diir. Warte mal na de mäntig ab und suscht lüti dere hotline mal ah. Danke🤗

Mangoo

Soo gschafft😅 alles isch tiptop gange bim zügle und de chli pfüselet friedlich🙏🏼 morn gahts as chaos besitige das heisst iiruume😀 pfuuset guet 🌟

Bella8

Ahhh @Tessi, das esch ganz en gueti idee!! 👍🏻

Bawa

Ich han vo mim Joie Buggy litetrax de Regeschutz verlore, bzw verleit und nöm uffindbar 🙄🤷🏻‍♀️ ha amel eh universale gno. Jedoch chli umständlich wegem gr.Dach vom buggy. Ez im Internet gfind ich nöd mol de Regeschutz zum einzeln kaufe?? Chan das sii?? 🙈😅

Mamsi

@Mangoo sehr guet, das freut mich für eui👍 gnüsseds s‘neue Dihei und vil freud bim iruume😀

Tessi

@Bella8 hey supi 😃👍🏻👍🏻 freut mi ☀️@Bawa hmm, komisch. Gang doch mal ines Baby Fachgschäft und frag dert nache 🤔🤔

Bawa

@Tessi ja ha ez mol bim 4mybaby nohgfröget, hane det kauft kah.....

kläffchen

Good morning ☀️
Ich bin am leiden... zu lange aus und zu viele 🍹 😂

@Mangoo schön ist alles gut über die Bühne gegangen

Bella8

@kläffchen ich hoffe jedoch es war ein toller Abend!? Mal ein ☕️ trinken und sonst 💊. Und heute ist ein toller tag zum „nichtstun“. 😴@Mangoo das freut mich zu hören, viel spass beim einleben... 🏠

kläffchen

@Bella8 es war ein toller Abend! Tanzen 💃 und Drinks 🍹 und viele bekannte Gesichter. Ich war erst um 4 Uhr zuhause

Mangoo

@kläffchen super sonen abig muss mer sich au mal gönne😜

@Bella8 & @Mamsi danke euch sitz im momänt no im perfekte chaos🤪 aber zum glück hani für de chlii vorkochet und für ois gits lieferdienscht💪🏼☺️

Shira

@Mangoo: schön het doch no alles klapped mit em zögle. Guets dorehebe bim uspacke ond ihruhme und denn guets ahcho im neue dehei.

kläffchen

@Mangoo der Abend war toll, der Tag danach nicht so 😂 ich gehe noch in die Sauna den Alkohol ausschwitzen 😬

Umziehen ist immer stressig... aber das Chaos lichtet sich ja dann mit der Zeit

Tessi

Ich bin so unendlich stolz auf mich.
Habe gedacht ich schaff es nie wieder mich für Sport zu motivieren..Siehe da, heute am Wings for life run in Zug hab ich 9.5km geschafft. Nicht ganz mein Ziel erreicht, aber ich bin happy und zurfrieden 🏃🏼‍♀️💪🏻

schaai

Het echt öbbert es agfanges Fläschli Bigaia woner nüm brucht??

kläffchen

@Tessi gratuliere dir! Hast du die Lauftrance erreicht?

Tessi

@kläffchen ja definitiv.
Das Gefühl war der hammer!
Ich hätte noch weiter laufen können, leider hat mich dann Der Catcher Car eingeholt. Bin um mein Leben "gsecklet" wo ich ihn gesehen habe hinter mir ☺️☺️

Wir waren nass bis auf die Unterhose. Es hat so geschneit und geregnet.. aber zum Glüvk merkst du das nicht beim rennen 😅

kläffchen

@Tessi ich habe es auch nur einmal geschafft, aber das Gefühl ist echt toll. Ah, dann hat dich das Auto geholt 😂 hat es dich gleich aufgeladen? Ich war schon nur nass auf dem Velo Richtung Fitness...

Tessi

@kläffchen Ich hoffe es nicht. Will da gerne dran bleiben wenns geht 😅😂😂 schön wärs, wir waren um die 5000 Läufer in Zug. Und ich war bei den Amateuren. Also sind da ganz viele auf einmal raus gefault.

schaai

Wieso gits eigentli Puktüecher? Chamer nöd eifach es normals Deckeli ne?

Tessi

@schaai ich han immer grossi Nuschis gno gha 🤷🏼‍♀️

schaai

👌 ebe gell

Bella8

@Tessi: 1. gratuliere dir zo dinere tolle leistig höt! 👏🏻 🏃🏻‍♀️
2. danke nomol för din tipp mit em Entkalkungsmittel beim regenschutz. Ech fuuli tante ha antikalk id Waschmaschine do mit em regenschutz und tadaaa: wie neu!!! 👍🏻😄🙈

Tessi

@Bella8 danke dir viel mal ☺️ mi Standartspruch im Training isch äbe immer "i'm not a runner" 🙈 deshalb bini so mega stolz uf mich 😊

Ah so cool mitem Regeschutz. Das merki mir au grad 😃 ha nämli scho biz müesse schrubbe. Nach dem Wetter hüt gseht er sicher au wieder 💩 us 🤪

schaai

welles findet ihr de best schoppewärmer?

schildchrötlimel

@schaai gar keine 🙈 (duret viu z‘lang). I bruche de Thermos mit heissem Wasser.

Shira

Keine mer händ immer 1/3 heiss 2/3 chüäms wasser gnoh und es esch grad trinkfertig gsi.

schaai

@schildchrötlimel jo aber wie machsch denn das wennd willsch brei und en schoppe mit mumi ufwärme?