SWISSMOM-PARTY 🤩

Rizzitella

@A___A soo schön 😍

corina

@A___A gottseidank🍀🍀 das sind ja gueti news👍

corina

@schaai das vo de migi känni nöd, nur das vom dm weiss nöd ob die glich sind, gits dänn keini universelle vo thule?

corina

@schaai lueg mal uf dere siete nache, viellicht findsch da ja was zum pimpe

corina

s foti häts nöd gnoh gha, lueg mal uf dere site nache viellicht chaschen so pimpe

Tanja87

Liebi Frauen.. He'd mier öbber en "Trick" was mer gege sFremde cha mache? Eusi chli 4 Mt isch s pflegeliechtiste Baby solang mer dihei ohni Bsuech sind.
Chum heds lüüt ume oder mier gönd uf Bsuech isch fertig lustig.. Sie brüelet und quänglät denn die ganz Ziit... Sobald mier oder de Bsuech gönd isch wieder heile Welt😒😞

Sandra💕

@A___A was für e erlichterig!! Bi so froh für euch!❤❤❤

livjona

@A___A, uiii da fallt mer au en stei vom herze ❤

@Tanja87, üsi tochter hed ab 6 mt. bis jöhrig ganz stark gfremded. osteopathie hed nur wenig ghulfe. han sie denn früehner (als damals bem sohn) im chinderwage nach före luege lah, das hed ehre guet da förd „offeheit“ wenn plötzlich lüüt z‘laufe cho sind. esch be der natürli no z‘früeh. ech ben denn no id drogerie ond han mer en spray mixe lah (gäge angst etc.) de hed nach emne monet merklich ghulfe.

am beste dönd ehr täg so plane dass die reiz/veränderige im alltag nur churzwilig sind ond dass es ned jede tag vorchund, so esches üch sicher allne am wöhlste (also scho ned so, dass ehr üch mönd verstecke oder rar mache ☺)

rosa.

Bett-Frag. Mir wänd eusem chline es neus bett chaufe. Bis jetzt (fast zwei) hät er im
ikeababybett (60x120) gschlafe. Jetzt wänd mir ihm s’ii und uustige überlah. Frag, welles mass söllemer neh? Ich meine 200x xy isch ja viel zgross? Oder lohnt sich das? Oder eifach bim mass +- blibe aber wie lang chönds na drin schlafe?

schaai

@corina danke..aber das isch glaub eifach en MTB Shop? Han ez nüt gfunde..ich gang morn mol mit em ahänger in veloplus

Mirj

@rosa. ich würd gad es grosses kaufe. mir händ eusre tochter ufd wiehnacht es 90x200 flexa bett kauft. sie isch det 1,5j gsi, ä schlächti schläferin und so chönd au mir zu ihre ligge. sie häts schnäll ällei gschafft zum sälber inä&use zgah und mit de absicherig isch sie no nie usegheit. händ aber ä bettschlange drin dämits bett nöd so riesig isch. ha sie umgekehrt drin, aso nöd obe bim chopf dure sondern une ade füess bim usstieg.

malguggn

genau wie mirj, usser dass mer d bettschlange bim chopf hend 😂

Caramel

@rosa hent eu äs Ikea 60x120cm und gat uf zGrosse 90x200cm. Hent gat ä super Occasionsagebot ka, hent 3/4Absperrig und obe ä Bettschlange. Het vo de erschte Nacht megs gschlafe, isch so stolz gsi.

rosa.

Danke für euri erfahrige! Händ au s grosse gno.

blüemli89

Mir hei iz z Flexa Bett er Isch 2 jährig und schlaft sehr guet drinne😊

Tanja87

@livjona Merci für dini Tips👍 Frage denn no de KiA am Friitig. Und gah ID Apothek no öbbis Homöopathisches ga hole.
Mier planid eis bis zwei mal pro Wuche das mer öbbis abmachid... Eifach schön langsam step by step. 😉

schaai

Hey fraue wer het fürs sis bb uf swiss id es foti bearbeitet für d ID?

schaai

i mein id photo die homepage .het es paar froge..

A___A

Mamis i ha jetzt 4 Woche gstillt und es goht nümme, i bi gstresst, sBaby isch gstresst. I ha Beba pre geschter kauft und mim Baby geschter und höt gäh, es klappet wunderbar, sBaby isch super zfriede und isch extrem ruhig. Wie chani jetzt mini Brüscht entlaschte? I meine sie produziere ja jetzt no Milch. Mussi wörkli e Stillberaterin kontaktiere? Gits kei Möglechkeite das sälber zmache?

corina

@schaai nei es hät e aleitig wie sälber e super sunneschutz mache chasch, dänk im velo lade chönds di au guet berate😊👍

mrspfeffer

@A___A ich ha keini kontaktiert. Ha eifach nüm ahgsetzt, immer wieder bitzeli usgstruche zum sie entlaste & viel Pfeffermünztee und so trunke. Has bi beidne Chind so gmacht & d Milch isch innerhalb vo 2-4 Wuche zrugg.

LoSo

A___A schrieb: »

Mamis i ha jetzt 4 Woche gstillt und es goht nümme, i bi gstresst, sBaby isch gstresst. I ha Beba pre geschter kauft und mim Baby geschter und höt gäh, es klappet wunderbar, sBaby isch super zfriede und isch extrem ruhig. Wie chani jetzt mini Brüscht entlaschte? I meine sie produziere ja jetzt no Milch. Mussi wörkli e Stillberaterin kontaktiere? Gits kei Möglechkeite das sälber zmache?

Wenn du würkli nümm wotsch stille sezisch si eifach nümme ah. Under de Duschi schön usstriche, wenns ganz schlimm isch chasch au mal chli abpumpe, oder hald ( wens in frag chund ) die chli glich asetze zum leere.

Pfeffermünztee esch ned z empfehle der verängt Bluetgfäs und es chan zu Brustentzündige füere. Usserdem chan er au Milchbildend si.

Salbei würkt Milchhemmend.

jara

@A___A

Unbedingt d Brust immer abtaste wege Verhertige. Falls eini gspürsch, usstriche und denn d Brüst chüehle.. ned dass de no e Milchstau bechunnsch🙈

blüemli89

Auso mit Pfefferminztee würd ich ufpasse i anderne kulture wird’s zur Milch aregig verwändet! Salbei Isch besser! Nur usstriche Nid pumpe und wenn nötig chüehlä!

schaai

@A__A
hmm gaanz viel salbeitee trinke..verhärtige usstriche..jo nöd ab pumpe..und sus weiss ich gits au tablette wo dmilchproduktion hemmed glaubs..müsstisch mit gyn luege

A___A

Ehr sind doch super, vorallem keini macht mer vorwürf, privat hani sgegeteil erläbt. Danke viel vielmol liebi Fraue❤

Sandra💕

@A___A es söll dir au niemer e vorwurf mache. Du allei bestimmsch, was dir/euch guet duet. Mi närvt dä fingerzeig regelrächt bez. stille/nid stille🙄.
Ich hoff, du chasch es gli ohni schmärze beände. 💪

A___A

@Sandra💕;danke vielmol Sandra ❤

LoSo

A___A schrieb: »

Ehr sind doch super, vorallem keini macht mer vorwürf, privat hani sgegeteil erläbt. Danke viel vielmol liebi Fraue❤

Das duet jedes Mami für sich und ihrers Chind entscheide. Und gaht susch niemer öpis ah.

Ischs em Mami ned wohl, den au Chind au ned. Das bringt doch nüt.

A___A

@LoSo genau, am Chind zlieb hani müsse höre. Jetzt gohts eus beidne viel viel besser.

Luna85

@A___A luag du häschs probiert mit stilla, und es hät leider nit klappet. Wens nit got de gots nit. Do muass der sicher niamert vorwürf macha. Aber es isch hald eifach hüt zu tags so, dass mer egal was mer macht, immer sfalsche macht. Es wird immer irgendwelchi lüt ha wos besser wüssed. Drum hani schnell ufghört uf anderi zlosa und macha das wo für mi und mini chind stimmt.

schildchrötlimel

@A___A isch mir vor 3.5 Jahr mitm Sohn genau glich ergange. Ha 1 Mt gstillt u mir hei Beidi de gröschti Kampf gha. Er het de z‘wenig zuegnoh u i ha de müesse nacheschöppele 😬. Ha de s‘Stille ufgäh u mini Milch isch (wie es Wunder) vo eim Tag ufe ander zrügg. Ha de no es paar „fiesi“ Sprüch ghört aber: Who cares!? Isch mis Läbe u Hauptsach für mi & mi Sohn hets denn gstumme 👩‍👦

Mach das, wo für Dich/üch stimmt 😌

vico

Oh ich cha dich au sooo guet verstoh 🙈... ich han nach 4mönet ghört... hend nur eis zerr und durenand gha und de hani abwächselnd gschöpelet und gstillt und nach 2 täg het sich die chlini abgstillt gha und ich so guet wie kei milch meh... und vo däm ziitpunkt a isch es mir sooo viel besser gange 🙏 und die chlii so viel zfriedner gsi 😍... im nachhinein dänki hätt no früehner sellä höre. S'gfüehl het mer gseit, aber ha dänkt "dörf" doch nid höre nur wills mir schlächt goht derbi 🤦‍♀️🤷‍♀️...

TiMay

@A___A Ich verstoh dich vollkomme. Bi minere 1. tochter hani au "gstellt". Bzw.ha ich müesse abpumpe und ihre müesse mit em schoppe gä wills ned klapped hed. Ha das 6woche gmacht und es isch ei kampf gsi. Halt au immer mit dem gedanke das ich muess stille wills doch s beschti isch förs kind etc. Ha mich selber fertig gmacht mit dem. Nach 6 woche isch den fascht kei milch meh cho und ha de ghôrt. Ez bide 2. tichter hani gar ned erst agfange. Ha aber lang ned gwösst wasi sell. Zum einte muess mer sich fascht immer rechtfertige wiso mer ez ned stillt und zum andere hani weder das schlechte gwösse im baby gegenüber gha. Es hätts au verdient vo dere milch z becho.. ha mich de geg s stille entschede und es klapped eso au tiptop. Sie wachst und gedeiht wunderbar.
Los uf dich und ned zf anderi(ich weiss, isch mängisch eifacher fseit als gmacht)
Ah und no öpis. Mer isch ned e schlechti muetter wenn mer ned dued stille. Es chind chond au anders zu liebi und zueneigig.

LoSo

xend er und ech still mini Muus (6.5mnt) praktisch na voll und das esch em Umfeld au ned rächd 🤷🏽‍♀️
me chas mache wime wot irgendöperem passts ned 🤦🏽‍♀️

Avenira

@A___A He finds toll hesches Probiert. Aber wens ned gaht gahts halt ned. Wege dem bisch du genau gliich es ganz es tolls Mami. Ich han bim erste au es mega gnusch gha mit Stille, Schöpele, Pumpe ect. Han den mit 4/5 Mönet abgstillt wills eifach nur stress gsi isch. Jetzt bim zweite hanis nomal probiert und dasmal funktionierts super. Isch aber öpis ganz anders als bim erste. Mängisch passts halt eifach ned. Und wemer immer gstresst isch weg dem laht mers lieber. 😍
Wend Brüst spanned schön wärme, Usstriche und nocher chüele. Evtl au Quarkwickel damit ja ken Stau bechunsch. Evtl. chasch au under de warme Duschi usstriiche. So wies für dich am beste gaht.

Tessi

Me chas niemertem recht mache. Das isch leider so.
Es muess für dich stimme, de andere chasches eh ned allne recht mache ❤🍀Und du hesches ja probiert, also alles super 👍🏻😃

Nessa

ich denke da i dem chat bechumi viel sch eller antwort.🤭😳Macht öpper vo eu Hirsebrei mit ganz normale bio hirseflocke? wen ja wie? ich finde i allne rezept nur die fertigprodukt hirse🤷🏼‍♀️🤷🏼‍♀️🤷🏼‍♀️

MiaWia12345

@Nessa ja aber bis etz nur als zuesatz im frucht/gmüesbrei😊

Nessa

@MiaWia12345 ja so hanis au denkt😌 aber alles was ich glese han sind immer mit dene hirse fertigpulver..

MiaWia12345

Also au so in brei? Ich tue eifach uf 100 gramm frücht oder gmües ein esslöffe dri, hirse oder haferflocke und choche alles zämä, wasser isch jo eh au dinne

sabi81

@A___A du chasch am fa ou ahlüte u dostinex verlange... faus dr druck ds höch wird! U happy mami = happy chind😅☺ du machsch ds scho guet! U vo dä schüssler isch z nr.10ni zum abstille... aues guete

Nessa

@MiaWia12345ja genau in früchtebrei zum zvieri damit er meh sättigt.. das isch min gedanke .. danke dir

LoSo

Nessa schrieb: »

Macht öpper vo eu Hirsebrei mit ganz normale bio hirseflocke? wen ja wie? ich finde i allne rezept nur die fertigprodukt hirse🤷🏼‍♀️🤷🏼‍♀️🤷🏼‍♀️

Ich nime di normale hirse/hafer etc flocke vo de migros, duens 5min im heisse wasser quelle lah und den na frücht drunter mische.

Nessa

LoSo schrieb: »

5min im heisse wasser

wassermengi handglenk mal pi oder gitz da e vorgab? 😳

MiaWia12345

https://babybrei-selber-machen.de/nachmittagsbrei-rezepte/ Muesch mol do luege nessa

LoSo

Nessa schrieb: »

wassermengi handglenk mal pi oder gitz da e vorgab? 😳

handglenk mal pi🙈🤷🏽‍♀️🤣 öpe so dases deckt esch und den na es biz meh 🤔🤣😅🙈

A___A

Ach ehr sind toll, fühle mi super imfall sit ich shöppele, das chönnd ehr eu nid vorstelle. Und sBaby isch wahnsinnig zfriede, es hed jetzt chlii mühe mitem Stuehlgang aber es schreit nümme. Die erschte 4 Woche sind puure Stress gsi für die ganz Familie, all stund ischs cho und nur no am schreie. Jetzt ischs so als ob ich es anders Baby hätt 🤷‍♀️

schildchrötlimel

@A___A i tue de Schoppe immer mit Fänchutee amache (wägem Mage). Velech wär das öpis für üch?

A___A

Und wie machsch das? Wo chaufsch Fencheltee?