Oktober/November 2019 Babys

Vane😊

Hallo Fraue😊 bi üs alles guet... min buch isch nonig so gwachse😑 aber chunnt sicher no🤪 @Frauenmantel bi mier isch au 3ss und bin in de 15ssw😍 han au suscht kei beschwerde aber steissbei tuet mer au uh weh😓 ich gon in massage jedi 2wuche und bis jezt got zimli guet... hoffe blibt so💪

Rizzitella

Bi mer esches die 4ti SS ond ech gseh us als wäri im 7 oder 8 Monet 🙈

Frauenmantel

Rizzitella: So schön ☺️S vierte wunder!
I glaub bi eus wird das s letste...i hät gfühlsmässig am liebste au vier aber i glaub für mi maa isch noch dem fertig. Er het ebe au no e Sohn us ere vorherige Beziehig und denn sinds jo au 4 für ihn. Er lebt ebe leider nid bi uns.
I bi jede moment vode ss am in mich uf suuge ☺️
Isch für euch vo afang a klar gsi dass ihr vier wänd?

Rizzitella

@Frauenmantel chonder aber all 2 Woche zo euch?
Mini 2 erschte Söhn send äbe ned vo mim jetzige Partner.
Är hed emmer gseid daser gärn 2 eigeti Chend hät. Jetzt heder de halt 4 (2 eigeti) 🥰

MiPa

Hallo Zäme
Das esch schön z ghöre dasses sowiet allne guet god 🥰Mer hend geschter ou de 2ti grossi Untersuche gha ond es esch alles guet, d Grössi ond s Gwecht esch alles em Normalberich 😍 Leider hed sech s Luusmeitli oder de Luusbueb ned welle zeige, esch ganz gmüetlich im Schniidersitz dete ghocket 😅 De mömmer üs nochli Gedolde aber Houptsach Gsond 😍Mete de Rüggeschmerze esch dank de Osteopatin vell besser worde han gar kei Problem meh ☺️ Imene Monet muessi de go de Zuckertescht mache hoffe chond alles guet 🙃S Büchli/Buch wachst ou langsam aber han s Gfühl esch nonig so gross aber mer gseds dassi Schwanger ben 😉 Ergendwie beni ou Froh chani mech no einigermasse guet Bewege 😅S chline Gspöri ou emmer meh, esch vorallem gäge Obe ine emmer chli am Bewege ond gniesses rechtig 🥰Träged ehr ou scho Stützstrümpf? Es esch jetzt scho heiss aber was muess sie muess halt sie 😌 Am Fritig flüge mer id Ferie (Portugal), hoffe god alles guet ☺️

mamala

Hallo frauen! Wie gehts euch? Ich bin nun in der 25 ssw. Es geht mir gut aber ich hab etwas angst vor nächster woche. 35 grad 😳! Wie macht ihr das mit arbeiten? Bei uns ist drinnen extrem schnell so heiss wie draussen!

Manaya

@mamala hallo. Ich merke au, dass min fuess bim knöchel aschwillt. Han da vorher nie s problem gha und jetzt is scho dicker und kribbelet amel am obet. Ich sitze leider bim schaffe au de ganz tag. S einzig was guet tue het am obet isch dfüess ines kalts becki stelle.. also hochlagere und so het nöd würkli öpis brocht. Vilich im gschäft sones becki ufstelle 😐?

mamala

Hallo @Manaya ja das esch secher e gueti idee. Aber ich be lehrerin und emmer uf de bei om dchind ome... aber ergendwie werds scho go 🙈. Schaffsch du 100%?

Manaya

@mamala haha da wär doch no lustig, dörfet nögst wuche alli schüeler mitme becki wasser cho 😂. Jo i schaffe 100%, vermuetli no e wili. Cha mir nöd vorstelle dasmer ime bürojob schnell krank gschriebe wird.. 🙄

mamala

@Manaya So lang das no magsch secher ned. Aber es chond mega ufd fraueärztin a. Mini esch do sehr grosszögig ond lost uf mich. Be mer esches jo zwoite chend ond ich schaffe 40%.
Be aso sehr gspannt uf die woche. 39 grad 😩😅

SarahGiulia

I schaffe nur no 50% 🙈 mi frauearzt het mi vor paar wuche reduziert. Aber isch nüme angers gange. Ha au im büro gschaffet und vom stress und vom sitze hani am nami immer meeega schmerze ka, und de teilweiis ä herte buch. Bi paar mal wieder zum FA wege dem, de heimrs zerst mit angerne sache probiert, wie magnesium, meh ufstoh, meh pause etc. Aber schmerze si nid weg 😒😒 jez mit 50% hani nur no 1-2 täg ir wuche woni die schmerze und dr hert buch ha. I liige sehr viel oder mache chlini sache wie chlei laufe, oder jez bi dem wetter chlei ga schwümme. Hilft mir meeega. 😊😊 aber wenns euch guet geit, isch super!! Hät au nie denkt dasi sooo schnell muess reduziere, ha mi job geng sehr gern gmacht und nie a das denkt. Aber jez gniesses vor allem mau schmerzfrei zsi 😁

Stephanie1987

Mir hend hüt wider Ultraschall gha!😍 bi 21 + 2. Gwicht , Grössi und alli andere Sache wo me gseht isch guet! Mir wüssed jetzt au das mir e chliini Prinzessin überchömäd. Wie gohts eu?

MiPa

@mamala: Danke mer gods jetzt weder besser... Mer hed d Hitz scho rächt z schaffe gmacht zom Glöck nome no 3 Täg die andere beni i de Ferie gse met agnähme 25 Grad ☺️ Aber schöscht beni fascht jede Tag gse go Schwimme zom abchüele oder halt met Ventilator möglischt probiert d Hitzi z verringere...

Ech han im Juli ou mol reduziert of 80% vo 100% welli eifach merke dassi mega Müed werde ond mech nömme chan konzentriere... Ond do ech of de Pfleg schaffe ewches halt emmer schwerig met ned löpfe ond so... Aber ech werde de em Ougschte ou of 50% reduziere, han die letschte Täg emmer chli metem Kreislouf Problem gha... Übelkeit, Schwindel ond eifach soo Müed... Hend ehr das ou? Ech chome vom Schaffe hei ond muess zeschter mol 1-2h Schlofe ben so kaputt vom ganze Tag...
Ech fends ou ned so toll so glie z reduziere aber ech han mösse sege, dass der niemmert Danke seid ond ech muess jetzt of mech/üs luege...

Ech han am 24.7 denne de nächschti Termin vör de Zuckertescht ond d Ärztin wett nomol en Ultraschall mache zom luege öb met de Plazenta und Nabelschnur alles guet esch... Sie heds bim letschte mol ned gse... Ben gspannt ☺️

mamala

@MiPa du hesch rächt, muesch uf dich luege ond ich finde es esch scho au e usnahmefall wenns so heiss esch. Ich ha dhitz besser möge verliede als erwartet. Aber be au sehr froh esches jetzt nöm ganz so heiss. Ha eifach problem met de füess becho. Hend mer rächt weh do. Aber chond glaub von barfuess laufe. Ond jetzt probier ichs mol met stützstrümpf. Aber cha mi no ned so afrönde. Müed beni eigentlech ned eso. Legge aber am mettag met de tochter häre wenni ned am schaffe be. Das esch gold wärt.
Ich ha morn de nöchsti FA termin. Au zockertescht. Aber sie misst nome de nüechtern wärt und wenn dä guet esch muessi de räscht ned mache. Beni no froh 🤪.

MiPa

@mamala: Das esch eso send gloub alli Froh esches nömme sooo heiss 😅Esch zwar schön aber es hänkt eifach a...

Ech han settem 3 Monet of eifene Wunsch met de Stötzströmpf agfange... Han zom Glöck nome bes zo de Oberschenkel ond bes jetzt hani no praktisch kei Wasserilagerige oder müedi Füess... Eifach wenns so Heiss esch de hani sie am Obe scho gliner abzoge weli s Gfühl gha han dasses mer d Hitzi gstout hed aber schöscht hani sie eigentli emmer a...
Genau so macht sis be mer de ou hoffe esch alles guet ond muess mi ned no met dem omeschloh.., Ben gspannt ☺️

Manaya

Hallo zeme. Ich bin froh hani de zuckertest scho hinter mir. Bi mir het dbluetentnahm glanget und ha nöd müese witerteste. Mir hen no ferie gha, müend morn aber wieder afange schaffe.. den merktmer amel scho wie streng en ganze arbetstag isch. Mir gsehnd üses chlinä am 19. wieder )

Rizzitella

Hallo zäme
Gohtz euch allne guet? Mer hend am Mäntig de grossi Ondersuech ond send gspannt öb mer de gsänd wases ged. Noch 3 Buebe wär es Meitli jo scho härzig. Aber wechtig esch eus dases Gsond esch 🥰Hend ehr euch scho chöne för en Name einige? Mer hend de Meitliname scho. Dä hätemer bi eusem chline scho gha. Aber Buebenäme send soooo schwär 🙈Döfed eus aso gärn en paar Vorschläg gäh 😜

Vane😊

Hallo mir hend am mentig au de grosse screening kah🥰 alles bestens 😍mir wönd nöd wüsse was das mal gitt, mir hend scho 2meitli und wer natürli en bueb uh schön😃 aber wie du seisch, haubsach gsund😊 mir hend beidi name scho; wenn en bueb isch wird Leandro heisse und wenn wieder es meitli isch Ayleen💓 schwöstere sind Alena und Alissa😊

Rizzitella

@Vane😊; Leandro esch zwar en schöne Name aber ech fende es ged dä sooo vel.
En Name met L chond bi eus leider nöme in Frog. Die grosse zwöii heissed Livio ond Liano. Ech wet gärn en Name met G för en Bueb aber das esch relativ schwerig, leider

Bella8

@Rizzitella wie wärs mit Gion?! 😉

Rizzitella

@Bella8 Gfallt mer leider ned so 😳

Ahoi

Gian gianni giuliano giulio

Rizzitella

@Ahoi Giuliano gfallt mer sehr guet. Nome heisst min Sohn Liano ond das god de ergendwie ned wels glich ändet bzw. de Name im Name esch oder wie mer dem jetzt sell säge 😄Die andere gfalled leider mim Partner ned 🙈

MiPa

@Rizzitella:
Mer gods sowiet guet, üses chline gspöri zwöschetine aber leider nonig Regelmässig freu mi de druf 😍Mer wössed nonig wases ged aber hend vör beidi Gschlächter scho en Name 🥰

Wie wers met: Gabriel, Gerard, Gideon, Griffin?
Hani jetzt mol Googlet aber grossi Uswahl heds ned so...
Hoffe fendet en Name wo üch gfallt 🙃

Rizzitella

@MiPa Mer hend höt Ondersuech ond ech be sooo närvös. Hoffe das alles guet esch ond euses chline Schätzi gsond ond monter esch 🙏
So schön dass Du s‘chline gspörsch 🥰

Danke för Dini Vorschläg ☺️ Ech hoffe au mer gfended en Name. Evtl. wössemer jo höt wases ged ond de mömer vellecht kei Name meh sueche 😄

Manaya

Hallo zeme. Mir hen hüt wieder mol en untersuech gha (ssw 27). Mir wüsset au s gschlecht und de name 🥰. Es isch jetzt scho 1kg schwer, no 3 müemer üs gedulde..

Rizzitella

@Manaya so schön 😍Mer hend bim letschte Ondersuech s‘Gschlächt leider emmer noni gseh. Ond de Buebename hemer leider emmer no ned 🙈Aber mer hend jo nochli Ziit. Zerscht gömer jetzt mol i Ferie. Vellecht ghöremer jo det en Name wo eus gfallt ☺️Wie gohtz euch allne so?

SarahGiulia

Hoi zeme... wie geits euch aune so?! Möget dir no? Bi jez ir 26 ssw und i 2 täg scho ir 27 ssw... langsam machi mir paar gedanke über geburt etc... es wird scho gli ernst 🙈🙈

MiPa

Hallo Zäme
Üs gods sowiet guet send jetzt aktuell scho i de 28.SSW, d Zyt louft ongloublich... Nome no 3 Mönet 😱😱

Mer hend am Mittwoch nomol en Ondersuech gha wege de Plazenta ond Nabelschnur verbindig aber esch alles guet 🥰 S Gschlächt hemmer leider ou ned gse well üses chline aktuell en Steisslag esch, sprich es hed s Füdli em Becki onde... Jetzt muesses sech no bes ändi Ougschte dreieh schöscht mömmer de nochehelfe 🙃 Dör das Gspöris leider ned so Intensiv nome zwöschetine chli s Träte was sech met Zuckige em Onderbuch bemerkbar macht, aber besser weder nüd 😢

Mech hed d Hebamme no gfrogt öbi mer scho Gedanke gmacht han bezüglich Dammvorbereitig... Es ged jo verschednigi Möglichkeite vo Massage oder jetzt neu met so Ballon wo mer cha Dehne... Hed öber vo Euch Erfahrige oder Bekannti wo Erfahrige gmacht hend?
Sorry esch vellecht grad chli en Intimi frog aber han denkt ech stelle sie glich mol 🤭🙃

Ond schöscht hani halt eifach Heiss aber wer hed das scho ned 🤪

Manaya

Hallo mitenand. Mir sind au i de wuche 28. Es goht eigetli guet, nur klebet alles und stützstrümpf muesi amel alege. Ha defür komischi schmerze gha woni di letschte 2 nächt ufs wc bin, irgedwie isch s baby komisch glege dases stehend weh tue het und mir sogar chli schlecht gsi isch, den bini schnell wieder aneglege und den het sichs wieder apasst und i ha chöne witerschlofe.. 🙄 ich gspür s baby mega momentan, so richtigi bewegige und nöd eifach irgedwelchi tritt.. da wege de geburt hoffi dasmer am gebvorbereitigskurs no einiges lernet, de hemer mitte august, vo damm massage hani ascho glese, weiss nur dases so öl git, vilich erfahremer den no meh am kurs? Freu mi zums den s erste mol chöne gseh in 3 mönet 🤗

dina

Hoi zäme, ich bruch mal eue rat. Ich bi schwanger mit Zwilinge und bi jetzt Ssw 28 5. Min Maa und ich wend nöchst mittwuch uf bosnie fahre zum d'familie go gseh. Ich selber fühl mich no relativ guet und vorgester bi de Untersuechig meint de Arzt das bi de kids au alles guet usgseht und er ide nöchste 4 wuchene nöd mit de geburt rechnet. Es gaht mer nöd um die 14 stund autofahrt, die bringi sicher guet ane mit viel pipi pausene. Ich ha nur angst das ich mini chind in bosnie ufd Welt bringe muss, die Krankehüser z'bosnie sind die reinste schlachthüser. Mini FA meinti es segi oke aber söll nöd länger als e wuche blibe. Was denked ihr? Würed ihr a minere stell gah oder nöd ?

Vane😊

@dina liebi Dina, ich bin in de 24ssw mit min 3te kind schwanger und mir sind gester vo portugal hei gfloge(2,5std plus 1,5 std autofahre) ich fühl mi suscht supper aber de stress vo de reis hani extrem gspührt und sbaby au... isch recht streng gsi und han gester nacht fest buchweh kah sehr wohrschindli vom sitze und allgemein reisestress... mir fahret am mentig uf graubünde 4std auto und das mach mi scho jezt chlii sorge well min körper momentan recht am aschlag isch! ich persönlich wür nöd go... klar muesch du wüsse, los aber guet uf din körper well de seit dir alles! falls trozdem gosch, schöni ferie und gueti reis... druck dier duume👍

dina

@vane hoi vane, danke für dini Antwort. Ich bi ide 23 ssw scho mal uf bosnie und zwar nur für 2 Täg fürd beerdigung vom grosspapi und abgseh vo agschwolleni füess isch eigentlich no gange. Aber ebe isch jetzt au scho wuchene her. Du hesch vollkomme recht ich söll uf mis buchgfühl lose, ich luege bis am zistig was mer min Körper seit. Viele Dank, schöns weekend !

Vane😊

@dina genau los uf dis gfūhl... wenn dier scho jezt biz sorge machsch dass dini zwilling dune muesch gebäre, isch scho es zeiche dass du eigentli genau weisch was nöd wötsch... hesch no 2teg zitt, überlegg dier das ganze guet und suscht tuen eifach probiere dini “letschti” ferie gnüsse😘viel spass

dina

Hoi zemme, zum Fazit vo mim letzte Post. Ich ha uf mis Gfühl glost und mir sind gange. Hend eusi letzti Ferie ohni kids seeeehhrrr gnosse 😍

Rizzitella

Wie gohtz euch allne? Hender de Zockertest scho gha?
Ech hane höt inere Woche am Morge am 8.00 🙈Nochdem hani grad no Kontrolle, vellecht zeigt s‘Baby de au mol sie Gschlächt 😊

ally

Ich bin hüt ide 33 wuche acho und bi langsam echt nur na am hibble🙈😅🤷🏼‍♀️ zuckertest gha und locker bestande

SarahGiulia

Ha de zuckertest mitti juli ka und isch au alles ok gsi 😁 bi jez 29 ssw und i mah nüme... ha blasestau, eisenmangel, schilddrüeseunterfunktion und bi wegere blaseentzündig im spital gsi. 😕 mimimimiii... aber geit doch no ä bitz.

SarahGiulia

*nierestau!

Vane😊

Hey bi mier laufts au guet han scho recht vorwehe aber sind zum glück nöd so relevant 😃 zuckertest hani am dunnstig 🙈 mal luege... hoff isch alles guet💪💪

MiPa

Hey hey
Ech ben jetzt de i de 31 SSW ond han momentan weder so Dehnigsschmerze vorallem i de Lischte ond ondere Rögge gägend...
Aber schöscht gods mer guet ond chas ergendwie ou chum no erwarte bes üses chline Wunder done esch 🥰

De Zuckertescht hani sowiet ou bestande, esch alles guet...
ben gspannt of de nächschti Termin am 30.8 de gsämmer ob sech s chline Dräiht hed oder ned... Ond wer weiss vellecht wösse mer denne wases ged 🙃

@SarahGiulia: Das tönt aber ned so guet, ech hoffe es god der glie besser ond du chasch de räschte vo de Schwangerschaft no gniesse! Ech hoffe em chline gods guet?

SarahGiulia

@MiPa danke dir. Ar chline geits super, das isch hauptsach. Scho 1100 kg schwer und 37 cm 😁☺️

Du weisch immer nonid wases git? 😳🙈 de drücki dir düme das bald weisch.

MiPa

@SarahGiulia: Nei bes jetzt heds sech emmer abdreiht gha und bim letschte Ultraschall esches in Steisslag gläge de esches Onmöglich zom gse wases ged... Aber ech hoffe dasses sech alleige dräiht bes i 2 Woche schöscht mömmer de nochehälfe... Ond wenns de „rechtig“ lid gsämer de vellecht ou wases ged 🥰 Aber schlossendlich esches glich wases ged Houptsache s esch Gsond 😍❤️

MixUp

@SarahGiulia jo, dini chlii esch guet im Gwicht 😂 1100 kg 😂

mamala

Hallo zäme! Ich be morn ide 33 ssw ond langsam fendis au chli beschwärlich... @SarahGiulia ich ha i minere erste ss au nierestau gha. Esch mega schmärzhaft gäll? Jetzt hani au bereits weder e chline stau. Hoffe es werd ned schlemmer. Üse knobli esch scho 1700g und 41 cm 🙊.

SarahGiulia

@mamala ja isch mega schmerzhaft. Jez geits grad wieder wöu blaseentzünig isch, aber bim lange hocke gspühris wieder recht und dr buch wachst ja jez doch no chlei 🙈 vor allem dünkts mi, die chlini stüpft regelmessig mau so i die gegend 😳☹️☺️ du weisch scho wases bi euch git? 🍼

Nanana

Hei Zämme,
ha au grad das Forum gfunde 😊ich bi aktuell in dr 27. ssw, sowit alles guet unsere chline Bueb het unterdesse 750 Gramm (letscht wuche in de 26. ssw)

dina

Salü zemme, mini zwei sind immerno dinne (ssw 32). Aber ich mag langsam nüme 😅. Schlaffe chani nöd guet,laufe au nur paar meter bis ich e Pause bruch und allgemein fühl ich mich richtig energie los. Lut FA segis normal. Ich bi sust e sehr aktivi Person mängisch sogar eher hyperaktiv, so Energielos kenni mich gar nöd🙄. Wie gahts eu ?

MiPa

@Nanana: Willkomme be üs em Forum ☺️ Wenn esches be der sowiit?

@dina: Mer gods eigentli guet, cha mi ned Beklage... Das wege de Müedigkeit/Energielos beni ou mage chum was mache... Wenni am Mittag hei chome muessi zeschter mol en Stond Schlofe schöscht beni zo nüd zu gebrauchen 🤣Aber wie di FA gseid hed esch das ganz normal ond du erwartisch no Zwilling dass stelli mer doppelt so Asträngend för de Körper vor wie wenn nome 1 hesch... Aber dänk dra glie hesches gschafft ond de bechonsch dini Energie secher weder zrogg öber ☺️Mer hend nächscht Fritig de nächschti Ultraschall ond ben gspannt wies usgsed, de chani ou meh säge ☺️ Evtl wösse mer denne wasses ged wer weiss 🥰

dina

Mir hend morn die nöchst Untersuechig, und termin abmachig für de Kaiserschnitt, Gott bin ich ufgregt 🙈