Oktober/November 2019 Babys

Nanana

@MiPa Danke😊 bi mir gohts no eh bitz, am 24. November und mir erwarte eh Bueb🥰 bi dir?

Vane😊

@Nanana ich han au am 24.November ET😍😍 mir wönd aber überraschig, derum wüssemer nöd wases gitt

MiPa

@Nanana: Be üs esches offiziell am 24. Oktober sowiet aber mer weiss jo nie wenns de chond 🙈Mer hättets gärn welle wösse wenn mers grad gse hätti, ohni möss z sueche 🙃 Ond bes jetzt hätt ou s Sueche nüd gnötzt, hed sech so dreiht dass mers gar nie hät gse... Vellecht jetzt de am Fritig ond wenn mers de ou ned gsänd de esches denne so 😊

Nanana

@Vane😊; yeee coool👏🥰 bi denn gspanne wenn sie tatsächlich kömme🙈@MiPa hihi also scho mega baald 😊 jöö isch doch au toll, so isch d überraschig als wie grösser bi de geburt😊 ich wünsch euch allne ganz eh gueti Rescht Kugelzyyt🥰

Rizzitella

Euse Termin esch am 20. November 😍 Bes jetzt hed mer bi eus au ned gseh wases ged. Ergendwie beni fascht chli trurig gsi ond ergendwie esches au spannend. Gsondheit esch sowiso s‘wechtigste

MiPa

Halli Hallo Zäme
Wie gods euch so?
Met hend letscht Fritig weder en Ondersuche gha ond es esch alles guet met üsere chline Muus 😍Esch zwar schnell chli en Schock gse, welli mech so of en Bueb igstellt han aber jetzt es paar Täg spöter freu mich jede Tag meh of üsi chlini Tochter 😍

Sie esch knapp 1900g ond en chli en schüchi (Hed keis 3D Foti welle loh mache) aber sie hed sech i de zwöschezyt dräiht ond esch flissig am Trätte 🥰

Nome no 7 Woche ond de chömmer üse Sonneschin hoffentli i de Arme halte, esch wannsinig wie die Zyt louft...

Gniessed no de Räschte vo de Schwangerschaft es god secher mega schnell jetzt de...

Schaffed ehr no oder mönd/dörfed ehr deheime blibe?

Manaya

Hallo @MiPa üs gohts au guet, mir hend au nur no 7 wuche vor üs.. mir müend aber no 2 wuche warte bis zum nögste untersuech.. isch doch schön wener eu jetzt uf sie chönd freue 😊👍 ich schaffe no bis ende september, noher hani unbezahlt. Freu mi langsam es ende zgseh. Und du?

Rizzitella

Hallo Liebi Fraue
Wie gohtz euch so? Jetzt wos weder chli chälter esch? Mögeder no?

MiPa

@Manaya: Mis Ziel esch ou no bes endi September z schaffe, dass setti gloub no denne legge god jo nömme soo lang ☺️Aber es hänkt langsam a ou met 50%... Ond ab Oktober werdi de i Schwangerschaftsurloub goh... Resp. En Woche no Krank gschribe ond 2 Woche vor entbindig mömmer vom Betrieb us i Muetterschaftsurlaub...

Ech freu mi eigentli ou wenns ändlich so wiit esch ond mer üsi chlini Muus chönd i de Händ hebe 😍 D Tritt send zwöschetine chli onangnähm 😅 Aber glichzytig hani ou Angscht wies werd met Geburt, Mami z sie ond s ganze... Aber loh mech öberrasche, blibt mer nix anderes öbrig 🥰

@Rizzitella: Ech ben froh, esches jetzt weder Chüeler worde... Mer hed d Hitz langsam chli z schaffe gmacht... Aber ben glich froh gods nömme soo lang... Das schaffe mer no 🙃Ond be der?

Rizzitella

Ech be au froh esches weder chli chüehler, nome muess es au ned grad Wenter wärde. Ech ha nämli ned wörkli Wenter Omstandschleider ond ha momentan so kei loscht zom go Ichaufe 🙈

mamala

Hallo zäme! Wie gods euch so? Mögeder no? Langsam gods i ändspurt. Ich be jetzt ide 37 ssw.

Rizzitella

Hallo zäme
Ech be jetzt i de 31 ssw. God mer zom Glöck zemli guet. A de einte Täg merki natürli scho au dasi nöme so mag wie am Afang. Aber die guet 9 Woche schaffemer hoffentlech scho no 😍Wie gohtz euch anderene?@mamala bi Der ewcges demfall scho gli gli sowit? 🥰

MiPa

Hallo Zäme

Danke üs gods sowiet guet, obwohls länger wie müesamer werd zom Ufstoh ond Stötzströmpf alegge... Aber wie ehr schriebed die letschte Woche schaffe mer ou no!!
Ech ben jetzt ide 35 SSW ond ben de gspannt i 2 Woche hemmer no de Gebortsvorbereitigskors ond de setti de parrat sie vör die chli 🥰 Aber sie darf scho no bes am Schloss warte 😉

Sender scho ufgregt? Es chönnt jo rein Theoretisch jede Tag sowiet sie 😌

dina

Ich bi au ide 35 ssw. Geplante Kaiserschnitt am 7.Oktober 🙈. Ich hoffe mini 2 buebe chümed früher, aber irgendwie hoffis au ned haha chamer das verstah? 😅 Ich gseh us wie en Wasserballon und mag allgemein langsam echt nüme.

Mimama

Hallo zäme 😊Mir sind jetzt i de 33 Ssw und eus gahts sowiit guet nur so paar bebeli Übelkeit isch zum Glück fascht wäg 🍀🙏🏻! Jetzt hemmer nöchst Wuche en Termin bi de Hebamme z Bebe liid falsch hoffe es dreit sich nu würd gern wölle normal Gebäre aber ich nimme wie es chumt hauptsächlich eus gahts guet 🤗.
Hoffe euch gahts au guet?

Vane😊

Hallo Mimama, ich bi in de 32ssw und ez got mir eigentli guet... mag aber langsam scho nūmm obwohl no so lang got🙈 isch mis 3te kind und isch recht streng in moment... aber suscht laufts alles tiptop! mini zweiti isch bis zu de 38ssw falsch glege, und plötzlich het sie sich drehet und han spontangeburt kah in de 39+4 ssw derum druck der duume... chunnt sicher guet👍💪

Mimama

Danke viel mal Vane 🙏🏻.

mamala

Eeendlich Oktober 🎉! Be mer esch no alles ruhig. Ha höt mol met wehetee agfange! Hoffe euch gods guet?

ally

Ich han sit gestr morge kontraktione, so stark das mer in spital sind. De muttermund ish abwr am abig erst 1-2 cm offe gsii. Ich ha hüt wieder de ganz tag schmerze, langsam kei lust meh... de et wär am 8.10

mamala

Oh nei das tued mer leid. Hesch de weder hei dörfe? Hoffe es god gli rechtig los 🙏🏻.

dina

Bi mir isch es bald so wit 😍 Geplante Kaiserschnitt am 7.Oktober. Sit 3 wuche scho starki Vorwehe aber unregelmässig🤷‍♀️

MiPa

Hallo Zäme@mamala: Sägs ned jetzt chömmer sege üses chond dä Monet of d Wält 🙈😍Be mer/üs esch ou no alles Ruhig hoffe blibt no secher 2 Woche so de beni Glücklich 😊 Ech han jetzt met Dammvorbereitig agfange, hoffe nützt was 😅

@ally: Oje das esch ned so toll, hoffe ou dass weder hei hesch dörfe oder dasses de rechtig losgange esch ond dis Wunder schnell chasch id Arme schliesse 🥰

@dina: Ou nei das esch de ou ned so toll wenn scho so lang Vorwehe hesch... Wends de glich no so lang warte?

dina

@MiPa bin hüt 37 0 und schwanger mit Zwillinge. Das einte Chind het es guets gwicht und e gueti grössi aber mitem 2 baby sind Ärzt nonig so zfriede und hend Angst das es nonig selbstständig atme chönt. Us dem Grund warteds au bis zum aller letzte Tag. Isch für mich au recht so, lieber sich mit Vorwehe quäle als es baby uf die Intensivstation zha.

ally

Ja han heidörfe, abet ha immerno starki schmerze, weiss nöd ob das bloss Kontraktion sind oder wehe. D hebamme het gseit i wär no vill z entspanmt für echti wehe💩

ally

Hei ihr liebe. Euses engeli ish gester abig gschlüpft, 6 tag vor e.t💓👶🏼

Manaya

@ally 😲🤗 soo herzig! Gratuliere! Meega ihr hens gschafft! Mir hen hüt gad untersuech gha und s köpfli isch nonig is becki abegrutscht, da tönt so als würs no e wili goh 🙄

MiPa

@ally: Hey Gratuliere ganz Härzlich 🤗 Esches demfall glich no schnell gange, jetzt gniess euches neue Familieglöck ❤️

@dina: Achso jo denne esches besser wenn sie no wartet... Hoffe dass alles guet chond ond beidi Chinder Gsond send...

@Manaya: Vellecht gods de glich schneller weder das mer meint...

Mer hend offiziell i 3 Woche de Termin, aber eigentli chas jede Moment los goh.. 😱 Aber ben ergendwie Froh, es esch kei Früehgeburt meh wenns jetzt wörd cho... Aber hoffe glich dass die chli nochli tuet Warte, no 11 Täg de beni scho Glöcklich 😅 Denne esch mini Ärztin ond Hebamme weder zrogg vo de Ferie ond mer hend de nächschti Termin...
Be mer esch s Chöpfli scho chli is Becki abe ond han s Gfühl dassi ou scho Vorwehe han zwöschetine aber eifach ohni Regelmässigkeit... Ben gspannt wies witer god, halte euch ofem Loufende 🤗

Wie hend ehrs schöscht? Ufgregt?

dina

@ally jöööö gratuliere ganz herzlich!
@MiPa ich bi diheime nur am putze damit zit schneller verbi gaht🙈 Ich ha mich nonie so uf en Mäntig gfreut wie jetzt😂

mamala

@ally jöö wie herzig. Gratuliere ganz härzlech! Ond gniess die kuschelziit!

Heart

@ally gratuliere härzlich

Vane😊

@ally so herzig supper gmacht💪💪😍😍😍😍 wünsch dier ganz schöni kuschelzitt🥰🥰🥰

Rizzitella

@ally Gratoliere ganz härzlech 🥰

Bi eus gohtz no 6 Woche. Ha s‘Ggühl es god no soooo lang 😔

Vane😊

@Rizzitella mir gots genau glich🙈

SarahGiulia

@ally Wow zerste Baby 🙈 gratuliere ganz herzlich und wünsche dir ä schöni kuschelzyt 🥰🥰

Bi mir geits no 4 wuche aber si darf gern scho i 2 wuche cho.. mah nüme und bi voll parat! ☺️😁

Machet dir öpis für vorbereitig? Tee, akupunktur, damm-massage?

MiPa

@dina: Das gloubi der, wenn ech wössti wenns losgod wäri secher ou ned besser 😂 Dröck der aber ganz fescht d Duume dass alles guet chond 🤗

@SarahGiulia: Du besch guet, dass du scho parat besch 😉 Be üs gods offiziell nömme ganz 3 Woche aber ben glich scho chli ufgregt welli ned weiss wenns los god...
Ech han en Monet vorher met Akupunktur agfange ond han am Mäntig nomol en Termin, ben de gspannt obs was Hilft han aber nome guets ghört 😊Tee wetti de Woche vorem Termin afange, froge de mini Ärztin die cha mer de secher witer hälfe 🙃Ond Damm Massage hani jetzt am Mäntig agfange, resp ech bruche de Epino ond Massage eifach nochher... Doppelt hält besser oder, hoffe nötzt was... Ond vorallem hoffe dassi en gueti Vorbereitig han bevors de losgod...
Ben gspannt, machsch du ou scho was?

Rizzitella

Do ech en Kaiserschnett werde ha, werdi ned gross vorhär mache. Ergendwenn sötti dänk de mini Täsche packe ☺️

mamala

Ich be au parat ond sooo ongedoldig. Trinke himbeerblättertee scho set 3 woche, mache dammmassage met em epino ond akupunktur. Min ET esch in 6 täg. Mini erschti tochter esch e wochevor ET cho ond drom hani ghofft es god au weder gliner los 🙈.

nala89

Min ET isch am 8.10. und i ha set öber 16h wehe! 😩 Mumu isch erst 1cm offe und es goht eifach ned vorwärts! Ha so kei geduld!! 😔

Heart

Oh du armi

Sabrina86

oooo nala89 chan so i di ie fühle.... wo noch 16h wehe de mumu entli 4cm offe gsiii isch hani die erlösendi pda becho und ab den isch es herrlich gsiii....🙏🏻 und ab den isch de mumu plötzlich uuu schnell uf.... vor dene 4cm bin ich eifach nur no am end gsiii, kei kraft, müed eifach total am end....
verstoh dich aber voll.... gliiiii gliii hesch dis schätzi i dine händ....☺️

ally

@nala89
Gnau so isjes bi mir gsii am mäntig. Am mittwuch hanis denn gschafft. Pda hani au bruucht will i total ke lust und nerve meh gha han

passonita

@dina eg ha chli stell metgläse.. alles Guete för morn!🍀 Hoffentli gohts beidne Schätzis guet 🙏🏼

dina

@passonita dankee viel maaal, am 7ni Morge gahts den los yupiii😁

mamala

Vell glöck @dina💜

dina

Mer sind sit am 9i Morge am kuschle ❤

SarahGiulia

@dina Oh wie schön!!! Gratuliere ♥️♥️

alexandraB

@dina Oh, so schön! Härzliche Glückwunsch zum Doppelpack🐞🍀Und ganz e guete Start als Viererbandi!

mamala

Wie schön 💜! Härzlichi Gratulation.

MiPa

@dina: Du hesches gschafft ❤️ Härzlichi Gratulation ond gniesses met dine 2 chline Schätz ❤️❤️❤️

Wir gods üch andere e so?

Manaya

@dina gratuliere dir au ganz herzlich! Wünsch eu e schöni ziit und gueti erholig.
@MiPa cha langsam nüm schlofe, isch nöd bequem und sus heissts immerno warte.. bi dir?