Oktober/November 2019 Babys

Vane😊

Hey mamis wo no am warte sind mögeder no? ich han eigentli no 3 wuche aber mag nümm warte🙈

Heart

be mehr wär de ET am Samschtig und nei mag nömm warte

Ahoi

Et morn mag nüm

Stephanie1987

Bi üs isch ersch am 12.11. so wiit. Merk no nüt und goht mir super. Aber freu mi au üses töchterli kennelerne..😍🥰

Vane😊

denn bini froh bin nöd die einzig🙈 am liebste würi scho hütt gebäre🤪

taniia

@Vane😊; bi üs geids o no 3 wuche, geid eig no guet, aber i bi chli ungeduldig u hätt gärn dass es scho gli losgeid😇

Moonpie87

Viel Glück eu allne...ä gueti Geburt und gsundi, süessi Babys...🍀🍀🍀

Rizzitella

ET 20.11... vo mer us döfts scho so wiit si, mage au nöme warte ond be scho chli närvös. Au wenns mis 4te Baby esch 🥰😍

Vane😊

@Rizzitella Dörfi dier froge wie du das mit 3kind finsch? ich freu mi mega uf mis 3te baby aber alli seget immer seg denn mit 3 so streng well eigentli “nur” zwei händ hesch und eis kind denn immer zkurz chunnt😏 find en blödsinn und bin mir sicher dass denn mit 3genau glich schön isch wie mit 2 wenn nöd schöner... aber die ussagene machet mi scho chlii nervös😬

Rizzitella

@Vane😊; Mini 3 Chend hend rächt en grosse altersondersched. De gross werd morn 12i, de mettler am 25. Dezember 6i ond de chli esch am 15. Auguscht 1 worde. Wenn die grosse i de Schuel ond im Chendi send, hani schön Ziit för de chli ond wenn är am schlofe esch oder am spele chani öppis met de grosse mache.
Ech fendes au en blödsenn dases met 2ne andersch sött si. Es werd met 3 Chend gnau so schön ond es werd au keis z‘chorz cho 🥰 Mach Der ned sälber stress wo keine esch ond gniess Dini Chend 😘

Vane😊

danke @Rizzitella das glaubi au mini sind alli sehr chlii 2j 3j und jezt sbaby denn.... aber ich bin mir sicher dass alles guet chunnt egal was lüüt seget

Frauenmantel

vane...mini sin au 3.5 und 1.5 und jetz chunt s dritte. Klar,wirds streng aber i dänk mir wärde für das immer öpis zrugg becho ❤️Und sie wärde jo au älter!

Vane😊

genau denks au und ich han immer eh grossi familie wölle evtl gits denn no es 4. baby... aber die ussagene vo de lüüt nervet mi eifach😏🤦‍♀️ wie zb. well mini alli so nöch sind; ou isch das plant gsi?👊👊 klar isch das... was got dene ah?!🤷‍♀️

Manaya

Hoi zeme. Genau so sprüch ghörtmer au wemer mit eim baby zfriede isch und nöd meh möcht ha.. idealvorstellig sind halt 2 kinde 🤷‍♀️. Mir findet zu üs passt eis kind 😊

Vane😊

ja gell?! isch immer öppis zum motze bi gwüssi lütt 🙈🤷‍♀️

Rizzitella

Oh jaa, woni nome eis gha ha, hend all gfonde eis god ned, wo de noch 6 Johr 2ts cho esch, hends gfonde 6 Johr ondersched esch mega vel. Wo noch 5 Johr 3te cho esch, hani weder s‘gliche döfe ghöre ond jetzt wo 3te zom 4te 15 Mönet ondersched wärded ha ghöri die ganz Ziit wie sträng dases de werd so nöch ond öb das au planet gsi esch ond ond ond... 🙈

Heart

Pünktlich zum ET am 02.11.19 esch geschter zobig am 8ti eusi Tochter uf dwelt cho.

Vane😊

@Rizzitella mini töchtere hend 14mnt unterschid, und jah bestätige isch scho streng gsi... aber jezt nach 1johr isch supper well sie uh viel mitenand spielet und ich “nöd” ztue han...😂🙈derum freui mi sehr uf mis drutte wunder und egal was alli seget, wird sicher nöd eifach aber das isch au mit 1kind nöd🤷‍♀️ glaub jede mami weiss das...

@Heart Gratuliere 🎊 so schöns datum🥰 hoff isch alles guet gange... schöni kuschelzitt🎊🎊💖

SarahGiulia

@Heart I gratuliere dir 💗💗 das wer au mi ET gsi 😊

Heart

heds be der demfall noni klappet

JennyHelin

@Heart 💟 liche glückwunsch ... und ganz schöni Kuschelziit 😍 ...
Ich alles guet gloffä ?

Heart

ja esch alles guet gange

Rizzitella

@Heart Härzlechi Gratolation. Min Sohn esch geschter 12i worde. Esch es schöns Datom 🥰

MiPa

@Heart Ou i der Härzlichi Gratulation 🥰 Gniess d Kuschelziit mit dinere Tochter 🥰

Esch loschtig, es hend merheitlich alles Meitli becho oder tüscht das? 🤔

Heart

nei es send weder vell meitlis ufd welt cho

taniia

Auso mir lö üs ja la überrasche was es git😁 bi sooo gspannt. Fast alli säge es gid sicher e bueb, aber i säuber ha ja zgfühl sgid es meitli😂

Vane😊

mir lönd eus au überrasche, viel seget seg wieder es meitli(han scho 2meitli) aber ich bin überzügt gits en bueb🤷‍♀️ mal luege🥰🥰🥰

SarahGiulia

@Heart Doch aber scho am. 27.10. 😁

Vane😊

Hallo mamis oder bald mamis😍🥰 alles bo ruhig bi eu?🤪

taniia

@Vane😊; bi üs tuet sich no nüd, aber hed ja no 2 wuche ziit bis zum et. Chas zwar fast nüm erwarte. Drum gahni wiiterhin no ga schaffe drmit d täg chli schnäller ume gö😁 bi dir o no alles ruhig?

Vane😊

bi mir au no 2wuche eigentli... ich han sehr viel vorwehe aber isch alles nonig stark gnueg🙈 mal luege hoff zwar jezt mitem vollmond 🌕🙏🤞 druck der au duume

Vane😊

Fraue und??🥰🥰 scho am kuschle??

Stephanie1987

Sit gester morge 10.30 am iileite.. aber isch no alles ruhig..🤔😴Mir macheds spannend. Bin eifach selber gar kei geduldigi.

Vane😊

oje du armi... bi mier sitt 2wuche wehe und hütt recht stark als suscht... wenn nöd wittergot wird au igleitet😥druck dier ganz fest duume dass schnell losgot und verbi isch✊✊✊😘

taniia

I bi ez 39 0 u bi üs gids no keni ahzeiche dass es ez de wott los ga🤷‍♀️ mal luege wie langs no geid😁 öbbe de bim erste schnee❄️😂

Vane😊

Mir hend hütt morge am 6,21 üse wwunder leandro dörfe id ärm neh🥰🥰 wünsch eu alli eh gueti und sxhnelli geburt 😘

taniia

@Vane😊; gratuliere ganz härzlech❤️u wünsche e schöni kennelern ziit😊 hoffe isch alles guet gange?

Vane😊

Danke danke... isch alles guet gange sehr strengi geburt aber gots eus guet mir dõrfet morn scho hei zu de zwei grosse schwösterere❤️❤️

Heart

herzliche glückwunsch

Vane😊

Danke❤️

MiPa

@vaneNochträglich ganz härzlichi Gratulation zu üchem Leandro 🥰Gniess di erschti Zyt es god sooo schnell döre 😉

Be üch andere esches emmer no Ruhig?

taniia

Hüd wär üse ET, aber da tuet sich no gar nüd🙈 bi eifach sooo ungeduldig😂

Stephanie1987

Soo bi au widermol do, mir hend am 15.11. üses sternguckerli norina chönä id armä neh🥰Nach em iileite vo de geburt hemmer 6std wehe gha. Üs allne gohts guet. Ha Am mittwuch / donnstig milchstau mit fieber und schüttelfrost gha aber das hani au überstande! Schöns wucheend eu allne😘

Vane😊

@taniia hoff ganz fest für eu dass bald los got und schnell alles verbi isch🙏🙏

@Stephanie1987 gratuliere 🎊 zu de chliini Norina schöni kennelernezitt und vorallem dier gueti besserig💪

taniia

So, mir si ez scho 7 Täg überem ET🙈 git äuä glich kes novemer baby😔
Die warterei isch eifach nume schlimm🙈🙈🙈

Heart

velecht genau 30.11. wär ämel au es cool datum

taniia

@Heart ja wes mal würd vorwärts mache, s hed jetzt no 32 stund ziit zum es november baby z wärde😂 aber gloube nüm dra, jedesmal weni zgfühl gha ha jetzt geids los heds mi glich nur versecklet😅 das chline chnöpfli folget mr scho jetzt nid😁

Ahoi

@rizzitella isch dis 4 bebeli da?

Stephanie1987

Wie gohts eu allne so? Die erst impfig guet überstande? Schlofed eui schätzis scho dure?

Heart

danke got super . hed sie noni gha. und nei schloft sie ned