Die Geburt geht (bald) los Februar/März Babys 2019

MamaBird · 26. 02. 2019, 09:17

Wer isch au na am bibbere und warte? Ha denkt mach das Thema uuf, denn chönnd die Hochschwangere bitz vo ihrne Symptom brichte und ob d Wehe gad iisetzed. Sozsäge en Live-Ticker 🙈💪🏻

MamaBird · 26. 02. 2019, 09:28

@Manuela🌻;wie gshets bi dir uus?

Manuela🌻 · 26. 02. 2019, 09:56

alles ruhig, leider 😔...

Manuela🌻 · 26. 02. 2019, 09:57

müsst morn zum ileite irucke wäg äm ssdiabetes 😬. hoffe chans mamal chli use schiebe oder das äs doch na vorher los gaht 😉

mamiluusbueb · 26. 02. 2019, 10:01

I han am müntig en ks, hoffe aber eigentlich das es vorher los gaht und s chline doch no natürlich uf d welt chunnt. Vom spital us lönds mi leider nöd spontan gebäre will i vorher scho 2 ks gha han

MamaBird · 26. 02. 2019, 10:10

Denn hend ihr zweis ja doch bald gschafft! Ich han igendwie so keis Endi in Sicht und es chunnt mir alles so surreal vor. Chan mir gar nani vorstelle, wies wird sii, wenn de Chlii denn da isch.

IroL · 26. 02. 2019, 10:12

I bin au sooooo ungeduldig!!!! Mag so so so nüma warta 🙈 schlimm! I nerva mi ab miar selber 😬ET isch in 8 täg!

Manuela🌻 · 26. 02. 2019, 10:12

🤔 han bi dä erste zwei kind ebe nöd ufs ileite agsproche darum chan das na länger gah 🙈😂

MamaBird · 26. 02. 2019, 10:17

Oh Manuela, hesch au scho zwei? Ich hoff so fescht, dass vo zwei uf drüü nöd so en schock isch wie vo 1 uf 2 🙈

Ja gell, mer chan amigs mache was mer wett, wenns nöd wennd usechoo, denn bringt alles nüüt. 😫

IroL · 26. 02. 2019, 10:19

@MamaBird du machschmer jo grad Muat 🤭😆🤭 i erwarta z zweita 😰

Manuela🌻 · 26. 02. 2019, 10:23

also ich hans nöd schlimm gfunde vo 1 uf 2 @IroL 😉

MamaBird · 26. 02. 2019, 10:27

Oh nei sorry @IroL, das isch nöd mini Absicht gsi! 🙈sorry, mega unsensibel. Ich han halt au en sehr fordernde erschte Sohn, das het alles bitz verkompliziert, will er soooo fescht iiversüchtig gsi isch. Kenne aber ganz vill, won das nöd so intensiv erlebt hend.

IroL · 26. 02. 2019, 10:41

@MamaBird muasch di doch nit entschuldiga weiss doch dases nit bös gmeint hesch 🤗 han nur grad so lacha müassa! 😆 i kann nur hoffa dases voooolllll easy wird 🤨😂🤨😂🤨

mamiluusbueb · 26. 02. 2019, 11:34

Also bi mir isch es e mega umstellig gsi vom erste den ufs 2te wills en sehr grosse alters underschied hend, han uf blöd dütsch nomol müesse vo vorne afange. Wird jetzt aber sicher vom 2te zum 3te andersch si

MamaBird · 27. 02. 2019, 08:40

Wie gahts eu?

MamaBird · 27. 02. 2019, 08:41

He, so cool, da chamer sogar de kommentar bearbeite wenn mer sich vertippt 😃

Manuela🌻 · 27. 02. 2019, 08:54

guet 😊, han am 10ni kontrolle im spital und wie gahts dir?

MamaBird · 27. 02. 2019, 09:02

Ich han so e schlechti Nacht gha. Han siit wuche mega juckreiz und uusschlag und han mi sicher 2 Std kratzt und drum nöd chöne schlafe 😔

Manuela🌻 · 27. 02. 2019, 09:32

oh, das isch doof... 😔

MamaBird · 27. 02. 2019, 09:44

Wie wiit bisch ez @Manuela🌻?

IroL · 27. 02. 2019, 10:08

Hallo mittanand! Bi üs alles still... 🤷🏻‍♀️

MamaBird · 27. 02. 2019, 10:13

Ich han gad so mega chrämpf im Unterbuuch, als hett ich mir was iiklämmt 😬 han ez mal e bettfläsche an rugge ta.

IroL · 27. 02. 2019, 11:36

Kenni gar nit @MamaBird!! Gotsder abiz besser?

MamaBird · 27. 02. 2019, 11:53

Nei 😫 bin am ligge und fühl mi elend, han au so es zieh id bei. Hoffe gaht glii besser.

IroL · 27. 02. 2019, 13:42

Ohje 😰 guati besserig!!!!

Manuela🌻 · 27. 02. 2019, 14:14

@MamaBird han am 13:00 müesse afange mit ileite... plazenta isch fest verkalcht und han nur na wenig fruchtwasser 😔. hoffe jetzt mal das sich gli öpis duet 💪. am babyboy gahts aber bestens 😊

MamaBird · 27. 02. 2019, 14:36

Oh @Manuela🌻! Zum Glück hettmer das entdeckt!
Denn hoff ich fescht, dass d Wehe bald iisetzed und du glii döfsch kuschele!
Halt eus ufem Laufende! 💪🏻🙏🏻✊🏻🍀🍄

Luana · 27. 02. 2019, 14:39

@MamaBird evtl Symphyselockerig?
Ich fühl mich hüt erstunlich guet aber mini Hündin duet komisch, weiss nid ob sie öpis spürt 🙈 ich muen übermorn schowieder id Kontrolle, sFruchtwasser isch a de Grenze. Dänn wird entschiede wie witter..

@Manuela alles Gueti🍀häsch Zäpfli becho?

Manuela🌻 · 27. 02. 2019, 14:58

@MamaBird danke 😘, wird ich mache!

@Luana ja genau han äs zäpfli übercho 😉 und danke 😘

MamaBird · 27. 02. 2019, 15:07

@Luana was isch Symphiselockerig? 🧐

IroL · 27. 02. 2019, 15:28

@Manuela🌻; alllles guati!!!! 😍😍😍

Elie · 27. 02. 2019, 16:46

i klinke mi gärn bi öich i...ET isch erst am
19.3., aber mag aso langsam o nümm u ha viu Vorwehe/Senkwehe. Bi aber o geng öppe am umerenne wäge mim Wiudfang wo i bereits ha. Nüt vo chli häreliege 😂 Fruchtwasser u Plazenta etc gseht aus no top us....

MamaBird · 27. 02. 2019, 16:53

Hoi @Elie 👋🏻

MamaBird · 27. 02. 2019, 16:54

Ich ha mal widr dauernd en härte Buuch und Chrämpf. Sicher widr alles für d 🐱Mag sooo nüme 😫😫😫

Elie · 27. 02. 2019, 18:35

ja das ha ig o. dr hert buuch bereits sit dr 20. ssw iz aber andurend, sobaud i chli schneller laufe 🙈

Elie · 27. 02. 2019, 18:36

am schluss ischs nur no astrengend😳

IroL · 27. 02. 2019, 20:51

Han grad an d @Manuela🌻denkt ☺️Jo isch würklich streng, au für mi... mag au nüma so würklich! Vorallem bini au soooo gspannt uf dia klii!!! ❤️

Manuela🌻 · 27. 02. 2019, 21:19

👋🏻 jöö da wird a mich dänkt 😍😘😂

MamaBird · 27. 02. 2019, 21:49

@Manuela🌻; wie gahts der? Ich nimme a demfall het d Iileitig noni aagschlage?

MamaBird · 27. 02. 2019, 21:51

Ich bin fix und fertig. Han 4Std Wehe gha und denn plötzlich hets wieder uufghört. Ich bin gad total fruschtriert. Zum glück hani morn widr Kontrolle. Denn sell mer d Hebi grad nomal e Eipollösig mache und Akupunktur...

Manuela🌻 · 27. 02. 2019, 22:03

guet sowit, han sit äm 8i äs regelmässigs zieh und jetzt vorher grad 3. zäpfli übercho. aber dä gmh isch na erhalte 😝

IroL · 27. 02. 2019, 22:26

@MamaBird ou nei das tönt übel 😰 den denksch as got los und bisch dra und nocher isch widr fertig?!?!? Villicht kunts dia nacht jo no!!! 🙏🏻

@Manuela🌻;as got sicher au bi diar bald los, lang kanns nüma go 😍

IroL · 27. 02. 2019, 22:27

@MamaBird ou nei das tönt übel 😰 den denksch as got los und bisch dra und nocher isch widr fertig?!?!? Villicht kunts dia nacht jo no!!! 🙏🏻

@Manuela🌻;as got sicher au bi diar bald los, lang kanns nüma go 😍

MamaBird · 28. 02. 2019, 07:00

Guete Morge ihr Liebe!
Döfemer scho es paar neui Erdebürger begrüesse? 😃

MamaBird · 28. 02. 2019, 07:01

Ps: mine het friedlich gschlafe und macht kei aastalte zum usecho 🙄

IroL · 28. 02. 2019, 08:33

Guata morga an alli!!! Bi üs isch au alles ruhig 😅

Avenira · 28. 02. 2019, 08:40

Guete Morge zäme 😊 Bin eigentlich uf Facebook ide Märzgruppe debi aber lise da au mal nochli mit.
Ich han am 14.03. ET hoffe aber dases sicv bald uf de Weg macht. 😏

Manuela🌻 · 28. 02. 2019, 08:53

also mine nanig 🙈😂. han jetzt grad wieder äs zäpfli übercho aber dä gmh isch immerna vorhande 🙄

Luana · 28. 02. 2019, 09:16

Mir händ gester Abig würkli denkt es gat los.. am 2 isch wieder ruhig gsi🙄

MamaBird · 28. 02. 2019, 09:18

Willkomme @Avenira 👋🏻👋🏻👋🏻

@Manuela🌻 oh du arms! Wie gsehts mit Wehe uus? Und was isch de nächschti schritt wenns nöd aaschlaat?
Ich bin gad am CTG und alles isch ruhig. Kei Wehe 🙄

Manuela🌻 · 28. 02. 2019, 09:35

ja zäpfli chönts mär theoretisch na 4 witeri geh... sobald dä gmh verstriche isch chönti an wehetropf. aber bis jetzt ischs na ruhig 🙈.

Die Geburt geht (bald) los Februar/März Babys 2019

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: