Die Geburt geht (bald) los Februar/März Babys 2019

Farfalla

Meld mi au no.. ET am 13.03., ha jetz grad s CTG gha und anschiinend sind wehe ume 🙈😏

MamaBird

Ich drucke wiiterhin duume @Manuela🌻Bi mir alles ruhig. Ctg villicht zwei Wehe, aber wenns ez widr bitz ruhiger isch, denn ischmer das au egal. Bruuche gad e Pause.
Han i 5 Täg widr Kontrolle und i 10 Täg würeds iileite. Denk aber nöd, dasses sowiit wür cho. Mal luege. Ich gnüss ez na de letscht sunnig Tag für die nächschti Ziit ☀️☀️☀️

IroL

Guata morga mittanand!!! Wia gsehts us bi eu??? Bi üs isch alles unverändert ☺️

Manuela🌻

ich han hüt morge dä schlimmpfropf verlore und grad vorher sletschte zäpfli gleit becho 🍀✊🏻 jetzt klappets hoffentlich 💪🙈

MamaBird

Bi eus isch au alles ruhig. @Manuela🌻 muesch du die ganz Ziit im Spital sii oder chasch zwüscheziitlich hei?

schaai

i bin immer chli am lese denn weiss ich chli was mi im april erwartet 😊

MamaBird

😅 @Adriana denn weisch ja ez, dass di gschiider druff iistellsch, dass über de Termin gahsch, susch wirsch nur so ungeduldig wie mir 🙈🙈🙈

Manuela🌻

nei muen im spital blibe 🙄. aber ebe han au än i sulinpflichtige ssdiabetes und han ä wuche meh ziit übercho das äs vonälleige los gaht als üblich 🙈. d‘ärzt besprechen jetzt mal wies söll witergah...

schaai

@MamaBird neeeiiii bi mir gohts no 6 wuche und das wär de graus wenni überträge müsst ich bin soo en ungeduldige mensch 🙈

MamaBird

@Adriana Ich han bis ez immer übertreit und es isch jedesmal so e geduldsprob!

MamaBird

@Manuela🌻; weisch scho wies wiitergaht bi dir oder bisch allefalls scho glii am Kuschle?

MamaBird

Ich bin ez hüt na go Haar schniide 💇🏼‍♀️Ha denkt, wenn de Chlii scho nöd use wett, denn duen ich mir no was guets. Zudem chumi die nächschti Ziit denn eh nöd dezue 🙈

schaai

@MamaBird ohje..🙈
oh cool du machsch es richtig..ich gönn mir ez im märz au no e gsichtsbehandlig und im april no e pedicure

Manuela🌻

nei bin nanig am kuschele 😬, sit am 19:00 hani dä wehetropf aber bis uf äs liechts zieh all 2-3min merki nüd. morn morge würeds fruchtblase ufstäche falls nüd passiert i dä nacht

Tanja87

Hoi ihr liäbä👋 ich han zwar mini muus vor 12 Tag dörfe becho😍 ( 40+5) liese aber gern no chli mit und wenn ihr no was möchtid wüsse gibi au gern uskunft☺️ fühle mit euch und wünsche euch für euchi geburte nume s beste💪🏻💪🏻 ihr schaffid das👍😉Liebe Gruess

schaai

aber @MamaBird ich han fbe sgfühl es chönt früeber cho well ich ez scho recht viel kontraktione han..aso üebigswehe und de GMH isch es bizli kürzer..villicht au normal ide 34.ssw 🤷‍♀️

MamaBird

@Adriana ich hoffs für dich, dass früener erlöst wirsch. Über de Termin gah isch eifach nume aastrengend.
Ich han zwar bi mine 2 erschte Chind au „übertreit“ aber so aastrengend wie ez isches damals nöd gsi 😔 han halt durs ville Fruchtwasser vill meh gwicht zum umeträge und mit zwei Chliine dihei isch de Alltag dopplet aastrengend 😫
So, fertig gmotzt 🤭

Manuela🌻

So mir händs doch au na gschafft 😅. Gester Abig isch dä Fabio uf dWält cho. Äs gaht eus guet und mir sind eifach nume dankbar für das chline grosse Wunder ❤️

schaai

Ohhh gratulier dir!! So schön

mamiluusbueb

@Manuela🌻; herzlichi gratulation und e schöni kennelern zit

MamaBird

Juhuuui @Manuela🌻so schön! ❤️❤️❤️Gratuliere vo Herze.
Hets doch na klapped mit iileite?

mamiluusbueb

I han morn morge de ks und fange grad ah panik schiebe das was nöd chönnt guet cho i chönnt di ganz zit nur hüle und bin ase nervös. I wünscht mir grad das es scho verbi wär.

IroL

@Manuela🌻;Herzlichi gratulation zu dem süassa süassa kliina schatz!!!!!! ❤️ eeendlich henders gschafft!!! 😍 alles guati!

IroL

@mamiluusbuebVerstohn di!!! 😰 i hetti au Panik, aber probiar di uf dia schöna Sacha z konzentriara und dass mora endlich dis Baby gsehsch!!! I han vor 2 Johr au am Tag vorher gwüsst dases mora passiara wird und bin au so druf gsi! Han au viel brüalet, egal, mach doch, wenns usa muass den muasses halt usa!!! Alles guati, miar denken an eu und as wird alles guat ko!!!!! ❤️

Manuela🌻

danke eu 😘

Manuela🌻

ja dank fruchtblase uf due kombiniert mit äm wehetropf und muskelentspannende medis hämers dänn doch na spontan gschafft

MamaBird

@Manuela🌻; ich muen inere Wuche au iileite, wenn er nöd vo ellei chunnt. Aber ich ha s Gfühl, gaht bald los.

MamaBird

@mamiluusbueb oh ich verstahn dini Nervosität! Aber es wird sicher alles alles beschtens gah und scho bald bald hesch dis Baby bi dir. Vill Glück und versuech de letschti Abig z gnüsse. 😘

MamaBird

Mir döfed au kuschle! 😍🥰Euse chlii Bueb hets plötzlich sehr pressant gha. Am 6i am Abig isch d Fruchtblase platzt und churz vor de 10i am Abig ischer da gsi. Eus gahts allne super und entgege allne Vermuetige ischer cherngsund!!! Mir sind unendlich erliechteret und dankbar 🙏🏻🙏🏻🙏🏻

Tanja87

Herzlechi Gratulation au no vo mier @Manuela🌻 und @MamaBird🥰💐 gniesset euchi chliine Schätzis und 💞

Manuela🌻

@MamaBird gratuliere vo ganzem ❤️! schön isch alles guet cho 😍👍🏻. Erholet eu guet 😘

mamiluusbueb

@MamaBird herzlichi gratulation.

mamiluusbueb

In es paar stund chan i mit mim chline au knuddle, bin immer no sehr nervös aber danke @IroL und @MamaBird fürs ufbaue

Summerbreeze30

Gratuliere euch😍

Sabrina86

han heimlich mitglese...🙊 ich gratuliere euch zu euchne chli schätz und wünsche euch wunderschöni Kuschelziiit...😍 @MamaBird han viel a euch denkt und freu mich sehr für euch das es euch sehr guet god und ihr kuschelziiit ohni sorge chönd gnüsse...🙏🏻

ALOHA

😍 herzliche glückwunsch ihr zwei❤️ sooo schön. Han au heimlich mitgfieberet🤗😬

IroL

Juhuu henders au gschafft @MamaBird!!! Gratuliara vo ganzem herza! 🎊🎉❤️🎈🍾 alles alles guati!!! Und isch jo no super schnell ganga!!! 💪🏻 das macht miar muat dasi au eeeendlich bald dia klii töf gseh!!! 😍 gnüssends mit eurna baby’s!!! 😍

IroL

@mamiluusbueb miar denken alli an eu! 😍

MamaBird

Danke eu villmal! ❤️🥰🙏🏻

Elie

so schön @MamaBird! gniesset s kenne lerne...
mag nümm warte ET isch erst am 19.3 und mi 2.5 jährig trötzelet nonstop - mag gad nümm so....

Avenira

@Elie gaht mer genau gliich. Han am 14.03. de Termin und min Chline isch 2 und au gad mega astrengend. Hoffe so dases bald losgaht. 🙄

Summerbreeze30

Gseh das glich wie @Elie und @Avenira🤪 mi ET isch am 16.3. u ig hoffe sehr es chunt no die Wuche🤞 mini Tochter hanget nur a mir, nid emau zum Grosi cha sie ohni es Theater abdslah😣

Elie

bi gad froh geits o anderne so. tuet mir aube leid, ha i nid so viel geduld für mi chlyy😳 dr buch isch halt geng im wäg u ha o recht viu wehe - leider höre sie när aber o geng wieder uf

Farfalla

@Avenira ech ha am 13.03. 😄😂

Summerbreeze30

Ja, das isch müehsam. De meinsch geit baud los ner isch nüt. Machet dir öpis zum dGeburt "adsrege"?

Farfalla

@Summerbreeze30 ech be am wehetee trinke und d hebamme chund 1x wöchentlich go moxe. Aber nur wil bi mer zimli am termin iigleitet wird...
ide erste beide ss hani erst abem termin agfange arege...

Avenira

Ja bi mir ischs au mega müesahm. Han immer wieder mal heftigi Wehe und den isch wieder fertig. Keninned vom erste Kind. 🤷‍♀️ Nervt total und machts warte ned eifacher. 🙈 Ja ich trinke eifach Tee und nime Globuli aber ehrlich gseit glaubi ned dases öpis bringt. 😅

Elie

@Avenira bi mir genau glich. Bim erste ha i das nid gha. Machts so unberechebar u i möcht d Grosis nur ungern fürne „Fehlalarm“ usem Bett risse....

Avenira

@Elie ich han mini Eltere scho us de Bergferie gholt wegem fehlalarm. 🙈

mamiluusbueb

Guete Abig. Mini Prinzessin isch hüt morge am 10.04 per ks uf d welt cho mit 47cm und 3200g. Eus gahts so wiit guet i han nur immer no kreislauf problem.