Die Geburt geht (bald) los Februar/März Babys 2019

schaai

@mamiluusbueb alles gueti und gratulation..gnüsseds!!😊

MamaBird

@mamiluusbueb Gratuliere! Gsehsch isch alles guet gange! Gnüsseds kennelerne und kuschle 🥰

IroL

Gratuliara vo herza @mamiluusbueb ❤️ nimm dr ziit und erhol di! 😊

IroL

Gratuliara vo herza @mamiluusbueb ❤️ nimm dr ziit und erhol di! 😊

MamaBird

Und allne anderne: Guets durehebe. Die letschte Meter sind sooo aastrengend! 😫 vor allem, wenn mer denn scho Chind dihei het. Min Grosse het hüt voller Freud als erschts gseit won er mich gseh het: Mami, s Baby isch endlich usecho! Ez chasch dich endlich wieder bewege! 🤣

MamaBird

Und ich han ez bim Dritte au immer wieder so Wehe gha und jenschti Fehlalarm. So aastrengend gsi. Ich bin dementsprechend au nudelfertig. Und schlussendlich het dasmal nüpt ghulfe zum d wehe aarege. Nöd mal Rizinusöl. Bi mir hets ersch aagfange woni ganz vill gschlafe han und mich entspannt ha.

Tanja87

@MamaBird was hesch denn alles versuecht d Wehe a z rege? 💐🌺

MamaBird

@Tanja87

Sex: het 3 std Wehe gäh
1EL Rizinusöl: het bi mine zwei grosse zueverlässig funktioniert. Dasmal: 3std wehe
Epollösig: unregelmässigi wehe
Akupunktur: das hilft aber sicher für e sanfti geburt
So öl und tee hani gar nöd ersch probiert. Het bi mim ältischte rein gar nüüt bracht

Tanja87

Sex hemmer au probiert, aber ned wirklich funktioniert... isch voll komisch gsi als wehr öbbis im weg🤔 bi euch au so gsi?
Ich han denn au en eipolllösig gmacht und en ilauf dezue😌 was mer ned alles freiwillig macht ums vorah z triebe😅Aber woni die zwei sache mache la han isch eusi chliini denn zwei tag spöter zimli sehr schnell uf d Welt cho😉 würs also wieder mache lah👍

MamaBird

Ah ja, en iilauf hani au gmacht 🙈

MamaBird

Wie gahts eu? Duet sich öbbis?

Babylove

ig ha am 15. märz ä ks, mir wärs aber ou glich wens scho düre wär🥰. ig bi so richtig ungeduldig...

Elie

leider tuet sich nüt ((

ALOHA

MamaBird schrieb: »

Ah ja, en iilauf hani au gmacht 🙈

Hesch du das selber gmacht oder im spital?Früener isch das ja immer im spital gmacht worde, hetmer mis mami verzellt😅So spannend - chunts wider uf😅👍🏻

schaai

Das würdi mir au selber mache..do muess gar niemert a mim füdli umefingere..langed scho wenns die ganz ziit ade mumu umefingerled 😂

ALOHA

@Adriana 😂😂😂😂 früener isch das so gsi😅

Summerbreeze30

Bi üs isch ou aues ruhig🙄

schaai

aso ich werd mir das so oder so mache 😊 schaffe eh uf de gastro denn nimmi 2 iläuf hei

MamaBird

Ich ha mir dasmal selber eine gmacht und bim zweite Chind im Spital. Finds aso gar nüüt schlimms. Es hilft zum eine d Wehe aarege und erliechteret d Geburt, will s Baby so meh platz het zum durechoo (und du muesch der kei Sorge mache, dass 💩 muesch mache bide Presswehe 😉)

schaai

@MamaBird genau das isch glaub mini grösst Sorg dass bim presse denn was use chunt drum will ich sicher en leere darm ha 😁

MamaBird

Aber au wenn @Adriana, das isch völlig normal und sind sich denk all gwöhnt. Wichtig isch, dass du i dem Moment vo so Schamgfühl chasch loslaa, falls en Iilauf nümm wür lange

Elie

glaub mir @Adriana i dem Moment denksch aso nid a so Sache! I ha bir erste Geburt extra es super Shirtkleid kauft - aber när nid angha wöus so e heisse Summer isch gsi. Aui Scham geit weg u du hesch würk angeri Sorge...ha eifach mi zämagno u ha geng für alles merci gseit. aber ob i iz nackt bi oder nid, ob öppis drnäbe geit oder nid - i dem Moment kümmerisch di wohl nümm drum (ämu bir Geburt ohni Schmärzmittel sicher nid)...

schaai

jo ich weiss dass hend mer scho viel gseit..mit nackt si hani voll kei problem..aber mitm andere..naja..werds denn gseh gib oi denn bscheid 😂 aber i werd sicher bir erste geburt kei sturzgeburt ha und 2 minute finde mir de ilauf zmache wennich wenigsten das es biz ka veiflusse

Elie

villech hesch vorher eh durchfall u es leert sich vo selber. ds hei no recht viel...eifach nid z viel gedanke mache und ✊🏻✊🏻

schaai

jo stimmt..jo das machi mir dankää chunt so wies chunt

mariechäfer

I bi bi eu stilli mitleseri da min et erst im juni isch aber eus chani zum berhuige schomal sege,i ha wo dwehe agfange hend und immer stärker worde sind automatisch immer wieder müesse uf swc renne,i hed kein ilauf bruchd,würds glaubs erst mache wenns nid so cho würd😉

Tanja87

Han de Ilauf au nur mache lah zum d Wehe arege und wie d @MamaBird gschriebe hed platz z mache das die chliini hed chönne wiiter abe rutsche☺️ aber es isch halbso schlimm we mer sich das vorstellt imfall😉 und d hebis sind sich ja so sache gwöhnt😌

Bawa

Elie schrieb: »

glaub mir @Adriana i dem Moment denksch aso nid a so Sache! I ha bir erste Geburt extra es super Shirtkleid kauft - aber när nid angha wöus so e heisse Summer isch gsi. Aui Scham geit weg u du hesch würk angeri Sorge...ha eifach mi zämagno u ha geng für alles merci gseit. aber ob i iz nackt bi oder nid, ob öppis drnäbe geit oder nid - i dem Moment kümmerisch di wohl nümm drum (ämu bir Geburt ohni Schmärzmittel sicher nid)...

Hihi voll mir isches au so egal gsi 🙈 au mit schmerzmittel 🤣

IroL

🎀 Marica 🎀
isch genau am Geburtstermin gester am 07.03.19 am 17:34 mit 3kg und 52cm gsund uf d Welt ko!!! I bin dr glücklichsti Mensch uf dera Welt!!!!

Tanja87

Herzlechi Gratulation zu dim chline Schatz🥰😍 gniess es und hebid en tolli Ziit!!🌸🌺🌸

Elie

@IroL ohhhh gratuliere 💜-lich 🥰🥰 guets kenne lerne!

Summerbreeze30

Herzlichi Gratulation @IroL und e schöni Kennelernzit😍

Manuela🌻

@IroLherzlichi gratulation 😍, gnüüüs die einmaligi ziit und äs wunderschöns knnelerne 😘

Manuela🌻

betteffend 💩 wärend dä geburt 🙈😂... ich han zwei tag vor dä geburt würklich viel 💩 und durchfallmässig. bin überzeugt gsi min darm isch leer 😉 aber während dä presswehe hani eis 💩 nach äm andere gmacht 🙈. aber dhebi duets würklich diskret wegputze isch also überhaupt keis problem 😅 und do gseht sie au das as richtige ort duesch presse 💪👍🏻. und ebe i dem moment häsch anderi sorge 😝

MamaBird

@IroL herzliche Glückwunsch zu diim Töchterli! Gnüssed die erscht ziit und erhol di guet 😘

ALOHA

@IroL herzliche glückwunsch😍😍 sooo schön. Gnüsseds

ALOHA

@Manuela🌻; danke für dini offeni antwort. Isch vilicht eh doofi frag - stinkts den ned im ganze kreissaal?😳 oder ischser das den au glich gsi? Hetmer gaaaar kei schamgfühl meh?😅

schaai

@ALOHA 😂😂😂😂😂😂😂😂

ALOHA

@Adriana ja mer weiss ja nie😅😂

Manuela🌻

@ALOHA äs wird laufend wegputzt somit stinkts au nöd würklich 😅... also logisch schmöckt märs i dem moment aber ein wisch und alles wieder suber 😆.
i dem moment bisch so druf konzentriert zum dis kind uf d‘wält zbringe das dir dä rest würklich egal isch 😝, jedefalls ischs bi mir so gsi 😊.

ALOHA

@Manuela🌻; danke diir👍🏻 demfall haupsach sbaby isch gsund uf de welt😍

mariechäfer

@ALOHA jö i fühl mi grad zrugversetzt vor mini erst geburt,i ha mer dert genau die gliiche frage gstellt…
Ich cha nu so viel vo mir verzelle,i ha nid mol mitbecho ebi überhaupt han,guet bi mir heds am schluss chli müesse pressiere und i ha na pda gha,aber i dem moment denksch nid mol dra und bisch eifachd nu froh wenns verbii isch und dis würmli derfsch id arme ne…
I ha sogar es bitz we es blackout und weiss gwüssnigi sache gar nim…🙊I ha au immer gseid i wirde nie grüsch vo mer ge das isch doch pindlich wenn mer so umestönd,denkste ha das gschnell über bord gworfe wells besser due hed😄I bi de eifachd nu froh gsi wo sie endlich uf mim buch glege isch und sie gschnufed hed😊

schaai

@mariechäfer
ohhjjee ich mach mir au mega gedanke..und vorallem chani mir nöd vorstelle dass ich werd grüsch vo mir gä..stöne und weiss ich nöd was..i mein vor mim partner easy aber nöd vor de hebamme und co. aber jo mol luege..wohrschinluch wird me sini kontrolle automatisch abge...🙈

ALOHA

@mariechäfer 😅😅 genau wie du eich seisch hani jetzt scho es kopfkino😅 was wärdet die wohl vo mir denke. Hola die waldfee - lömer ois überrasche😬😬😬

mariechäfer

Stöne/summe wemmer dem au immer sege wed cha eim imfal au helfe dschmerze zerträge oder zverarbeite,und dhebamme hend sicher scho ganz anders gse/ghört😉😄

mariechäfer

@Adriana ja du gisch kontrolle ab oder machsch instinktiv srichtige…😉Gasch in ksw ga gebäre?

Angie85

also i ha bide erste geburt extrem luut gschraue, sie hend sogar mösse s fenster zue due, 😂 aber mir hät das u gnützt zum schmerzä verarbeite 🙈 betr. stuehlä, i weiss nah dasi bim pressä ha nah mösse, aber d hebamme isch so igspielt die mached das grad suuber und guet isch 😂👍

schaai

@mariechäfer jo genau is ksw..bisch au det gsi?
ou mädels ich bin ja sooo gspannt

mariechäfer

Ja bi au dert gsi und wirde au bim zweite wieder dert here ga😉👍

schaai

@mariechäfer
demfall au gueti erfahrige gmacht..? hend ihr es familie zimmer ka?