Mami Weight Watchers

schildchrötlimel

Was mi haut eifach apfupft isch s‘dopplete Choche 😬. Mini 2 Manne si richtigi Fleisch- u. Pastatiger 😱. Iz chochi sit Geschter 2 Menüs 🤭.

Ja das mit de Pünkt hani noni so pögget - aber kommt Zeit kommt Rat 😎

Dir witerhin viu Erfoug 💪🏻

anra

Ja das isch o das woni am müehsamschte finge mitem äxtra choche😅
Dir ou viu erfoug💪🏻💪🏻

ManuP

Wieso de 2 menü? Ig nime eifach für mi zb nume weni pasta u ganz viu gmües. So geits im gliche 😊. Wobi dr steamer scho mega gäbig isch für so sache

Caramel

Koche eu nit zwei Menus, nimme eifach weniger oder ich nimme äs Pouletbrüstli und mine Ma z.B Fleisch, Bratwurst usw.

Anni

Han au nie zwei menues koched🤔 meh gmües, weniger pasta und co für mich. han am abig immer ganz es normals familietauglichs menue koched. eifach mit gmües und hald uf ere gsunde basis und weniger fett. das tuet em rest vo de familie au nöd weh😂 zmorge machi mer es müesli und zmittag isst sehr punktearm.

schildchrötlimel

A WW-Mamis: machet ir näbedüre no öpis Körperlichs? Für es Fit-Abo fäuht mir s‘Gäud. U ellei uf mim Mätteli im Zimmer umezturne fäuht mir Motivation 😬. Was machet ir?

Mitsune84

mir gots do dure glich wie dir, i bewege mich eifach im alltag meh. laufe statt dasi s tram nimme und bin ez au viel meh mim velo unterwegs.

corina

Ich au mitem velo(e bike) fahr dänn aber au so um di 20-30km, nöd täglich natürli aber versuechs 2 mal pro wuche, de chlie hockt dänn im ahänger

Caramel

Ha jetzt wider mit planke abgfange, finde äs isch ä güäti Sach und mu kas nu zwische dürre mal übige mache.

schildchrötlimel

@Caramel und wie lang/oft machsch es im Tag?

Caramel

@schildchrötlimel ha dä App tipp bercho vo der WW-Commiunity, da hesch so 30Täg Trainings, mit verschiedne Stufe. Bi gat am Afänger, bis jetzt mega begeistret.💪

schildchrötlimel

@Caramel ou merci 😎

Anni

Ich gahn 1-2 mal
i de wuch is Fitness. 😏 activ fitness vom migi findi prislich no ok und mer chönts au monatlich zahle.

anra

Bitz igschlafe hie dä threat, abr ig wott öich glich hurti mitteile dasi sitem juli jetz 10kg abgnoh ha🥳🥳🥳 nach afänglechem “schwirigem“ Istig purzle jetz kilos💪🏻💪🏻💪🏻 hoffe es geit so witr! E gueti voumond nacht 😉😅😴

schildchrötlimel

Gratuliere anra 👍🏻🥳

I has ufgäh - da mis Gwicht stagniert, hani ke Bock meh 😏