Nüdeliphase

Anni

Mamis wo Chind hend wo nur Nüdeli ässed... Ich choche u gern und sehr abwächsligsrich und experimentell. Also us fremde Länder. Choched ihr glich witer so oder passed ihr oi am Chind a? Also finds im moment unglaublich schrscklich z choche für d Family. Macht mer gar kei froid. 😒 de 3 jährig isst nur Nüdeli (kei Eier, kei Herdöpfel) und di chli isst kei Nüdeli und kei Ris. Bechum d Krise. Bin absolut Ideelos mitlerwile. 😩

MamaBird

Mini Chind hend au gern nüdeli. Ich han e grossi uuswahl a Riisnudle, thainudle und denn na so chinesischi weizenudle. Die mach ich denn jewiils so:
2 Knoblauchzehe zerdrückt aabrate. Chli rüebli, erbsli, edamame, mais oder susch gmües won sie gern hend aabrate. Mit bitz wasser und sojasauce ablösche. Denn gibi na ca 2 el ketchup dezue und am schluss na bitz sesamöl. Denn die vorkochte nudle drii tue und alles vermische und abschmöcke. Mini chind und au mir liebeds. Mir düend denn amigs na bitz meh sojasauce drii und chli scharf. 😋

Mirj

bi eus isch eifach: friss oder stirb! 🙈 ich choch nöd täglich nudle nur wills das isch wo beid sicher ässed. mini beidä ässed kei härdöpfel, trotzdem machis. dänn ässeds halt eimal nur gmües, salat oder chli meh fleisch🤷🏻‍♀️

sArA91

bi mir müends esse was uf de tisch chunt und süsch löhnds es lohstoh 🙈isch au scho passiert 🙂🙂oder den hät er us hunger glich gesse 🙈 (aber ich mache sehr viel gricht mit nudle will ichs au so liebe 🤣😬)