Fieber goht nöd abe!

JuNa

Ihr Liebe, mini Tochter het immerno Fieber... irgendwie bringemer s‘Fieber au nöd rächt abe. Sie het ca am 17:00 es 500mg dafalgan gnoh, denn isch s‘Fieber churz abe, ez het sie schowieder 39.8😳 was sölli mache? Dä ärzte-Hotline ahlüüte? Oder mol wiiter beobachte? Isch s‘erste mol wo eis vo mine Chind so fescht fiebered😔

Avenira

Wie höch ischs Fieber den gsi? Und wieviel isch abe mit em Dafalgan?
Wie gahts dinere Tochter sust? Apatisch? Bis 40°C isch ja für Kind ned so tragisch. Hesch schomal mit Wadewickel probiert?

JuNa

S‘höchste isch 40.3°gsi. Vorem dafalgan isches 39.8° gsi und nochher churz uf 38.7 abe, und ez isches wieder uf 39.5°. Ez simer grad am Essigsöckli mache. sie isch eifach mega schlapp und schlöfrig.

Avenira

Eifach ned zchalt mache nöd das de Chreislauf zämegheit.
Würds mal no so probiere. Fals Fieber ned wiiter abe bringsch würi alüte.

JuNa

Ok. Dankä! Weisch grad inmerhalb vo welere Ziit dass sfieber abe sött mit dä
Essigsöcke?

Anni

Mine het immer grad 40grad fieber. Meistens hilft nur es Algifor wenis würklich chli abe will bringe. Es Dafalgan nütz bi ois immer sehr wenig. Hettisch es Algifor dihei?

JuNa

Han ez dä ärztehotline ahglüüte. Sie het vorher no gsait sie hegi schmerze bim
Iischnuufe und am rucke. Müends go zeige well mer e lungeentzündig uschlüsse muess. Und sie het gsait bi 10jährige segs mitem höch fieber schowieder chli andersch we bi chliichind!

Anni

ui ja wenn si schmerze bim schnufe het würdi au los! Drucke de dume!
Ich han selber au schnell 40grad fieber weni chrank bi. Hoffe es isch au bi oi nüt schlimms!

Bawa

Ja bi so ahzeiche würi au go zeige 😬