Wie gings bei euch los, Vorzeichen usw

schaai

Hey mamis
mich würs ez u wunder ne wie sich bi oi geburt agmeldet het. Was hender für Vorzeiche ka, wie hend sich Vorwehe/Senkwehe zeiged verhaltet, Kindsbewegige usw..So die letschte 2 bis 3 Wuche vor ET wie sind die bi oi gsi? Bin gspannt uf oii Erfahrige

lunapiena

1.SS: ich han ab ca. 36+0 Senkwehe ka. Die sind nie stärcher worde. Sie hend sich eifach i de hüfigkeit gsteigeret, also anstatt 1h senkwehe am obed hani am schluss 3h senkwehe ka sind aber nöd wahnsinnig schmerzhaft gsi & de Buch hett sich uu fest zemmezoge. 3 Täg vor de Geburt hani gmerkt, dass sich min Bueb fast nümme gmeldet hett. 24h bevor d‘Wehe igsetzt hend hett sich min Buch massiv gsenkt. Am Morge bi 40+0 am 6:36 hani die erst echti Wehe ka & ha grad gwüsst dasses losgoht. 2h lang hani d‘Hüfigkeit & d‘Regelmässigkeit gmesse & han all 7min/1min ahaltendi Wehe ka. Noch 40h Wehe isch min Bueb per sekundäre KS ufd Welt cho.
2.SS: ich han ab de 20. SSW richtig Schmerzhafti Senkwehe ka 😖 ab de 30. SSW sogar wildi Wehe wo mich ständig tüscht hend & ich würkli s‘Gfühl ka han mol etz denn gohts los. d’Geburt isch au dasmol wieder am Morge öppe um die glichi Ziit losgange. D‘Azeiche sind au do wieder ähnlich gsi. 3 Täg vorher fast kei Chindsbewegig, Senkig vom Buch & am obed vorher no Durchfall und isch au wieder am ET losgange. Noch 15h Wehe all 2min und fehlender Muettermundöffnig hani wieder per KS Entbunde.