Eistee-Rezept

Ohana

Het schomau öper säuber iistee gmacht u hetmer es feins rezäpt? Am liebste mit wenig zucker... bi gspannt uf ideeä...
Lg

mrspfeffer

Ich mache immer en ingwer icetea wie de vom coop wos git. Zerst tueni ingwer früsch schniide und denn mit tee us wisser minze und pfeffermünz (2 sorte) ufgüsse. Nach öpe 5 min güssi de tee inen behälter wo bruune zucker scho drin isch und füll na öpe di zweifachi mengi mit chaltem wasser dri. Und d ingwer stück tueni au dri. Isch meeeeega fein😍

mrspfeffer

Ah und tee machi nur so 300ml und denn 600ml chalts wasser. So isches denn au chalt wie ice tea.. mini chli liebts

Pinny

ich tue amel Pfefferminze, Rosmarin, Thymian, Erdbeere, Orangeschnitz, Zitronenschnitz, Melisse und 1-3 Himbeere heiss ufgüüsse...(alli zuetate frisch)...zieh loh und denn eifach no chaltes wasser dri - die ganz family liebts

Ohana

Merci öich probieri beides gärn mau us!!

Ohana

@mrspfeffer nimsch du früschi münzä oder büüteli?

mrspfeffer

@Ohana ich nimme die tröchneti weisch so chli gschnibbleti😅 isch imene Papiersäckli de Tee