Haarausfall vom Stillen

Nessa88

Hallo zämme, mi jüngschte isch fascht 5 Monet und wird voll gstillt.
Ich ha dismol starke hoorusfall und weiss nit was mache. Zink hani probiert aber bringt nix.. Het öber erfahrige oder tipps?

Anni

Isch leider total normal. Min Arzt het mir erchlärt das vol Fraue i de Schwangerschaft kei Haar verlühred, hormonbedingt, da mer aber normalerwis immer chli Haar verlührt flüged die hald nach de Schwangerschaft nachträglich au no us. Ca. 3-6 möned spöter wenn d hormon sich wider beruhiged. 😏

Mary Lou

Das isch leider bi vielnä Frouä so u machä chasch eigentli nüt.
I has wos langsam ufghört hett albä la Zibelewasser iiwürkä u när d‘Haar gwäschä, mi hett dünkt d‘Haar si schnäll nachägwachsä:
Rezäpt: 1 Zibelä mit Schalä schnidä imene Liter Wasser ufkochä, chli lah zieh. Wos abküehlt isch gsii über ä Kopf gleert, ä halb Stund lah iiwürkä u när d‘Haar gwäschä. D‘Haar stinkä nächer nid.