Meine Kleine schläft am Tag nicht...

bearbeitet 22. März, 08:50 in Plauderecke
Wie macht das ihr mit mittagsschlaf?

Ich hab da einbisschen probleme...meine kleine ist eigentlich was das schlafen nachts angeht ein echtes traumkind, sie schläft schon um 18.00 (länger kann ich sie nicht wach behalten da sie so müde ist) und dann komplett durch bis 06.00 aber tags über dann fast nichts mal 10- max 20min auch mittags obschon sie richtig müde ist!!
Meistens ist sie dann ab 16.00/17.00 so kaputt das sie nur no schlechte laune hat und rum quängelt, kann auch schon um 15.00 passieren das sie nur noch quängelt vor lauter müdigkeit🙈Ich hab schon viel versucht damit sie schläft...sie will einfach nicht🤷🏻‍♀️

Kommentare

  • Wiä alt isch dieni Tochter?

    Hent das eu klie gah wo sie dä Mittagschlaf ufghört het öbe so mit 22-23mt. Bi den mängisch klie gah Auto fahre das sie ä Powernap ka mache, ha eu afgange am Mittag mit ihre wider klie äneliege. Ha de äs Gschichtli verzellt oder Musig glost, eifach klie zum abefahre, das hani amig äm Nami ez gmerkt. Natrüli het das nit immer so klappet.
    Auto fahre het aber immer klappet, hani zwische durch gmacht wen wer ebis los ka hent am Abig.
    So het bi miär klappet i der Ubergangsphase, de Körper brucht klie Ziet zum dä Schritt eu mache. Jetzt mit 26mt geits rächt güät und sind wider voll im Rythmus 19:00-20:00 ist Bett und den schlaft sie ca. 12h.
  • Danke caramel für dini nachricht/tipp!!

    Z‘problem isch äbe das sie am 18. april ersch jährig wird...das het aber scho mit ca 9 monet ahgfange das sie düre tag fasch nüt oder nüt möcht schlafe, sie isch zwar müed aber wehrt sich extrem gäges schlafe!
    Ig nime sie zu mir und de cha sie eh schoppe ha vo däm schlaft sie am ehnschte und bi mir liege, ga wägele, schlafliedli so einiges aber hiuft haut nid🤷🏻‍♀️Auto fahre bringt nüt bi ihre wüu sie das im momänt hasst...sie wott nüm im maxi si, hei jetzt eh neue sitz bstellt vielläch wirds de besser mit auto fahre und wär eh lösig füre mittagsschlaf.
  • Wenn mini gar nüt het welle pfuse aber müed esch xi idem alter beni entweder go Wägele oder ha si i Tragi gna.
  • Tragi wär ou eh super idee aber das het sie scho ganz chli nid gärn gha😩😩
  • ohh...eini vo mine het das au recht früeh scho gha...ich ha eifach denkt...deswege pennets vielicht 12h ide nacht durch xD wels am tag soviel energie hend...also die einti wet amel schloofe und schlooft au, aber die ander stört die schloofendi denn, wel sie über sie drüber stiegt etc. - aber ohni enand chönds nöd schloofe...sobald ich die wachi usenimm, wird die ander sauer...drum hani eifach e Matte am bode, woni die wo schlooft anelege und die ander spielt um sie ume...mit mir...wägele bringt bi ihne au nüüt meh...auto fahre scho gar nöd...aber was mir amel gholfe het wenni ihri schlööfe und de buuch gstriichlet ha...
  • Äs isch eifach mega schwierig öpis z‘finge wo hiuft bim ihschlafe...sie wehrt sich extrem wenn sie merckt das sie chönnt ihschlafe🙈Sie isch de ou immer so zapplig irgendwiä und laht sich nid lah beruhige zum abäfahrä da hiuft ou keis buch strichele ect und jedes mau 10min lah gränne im bett bis sie ihschlaft finge ig ou nid so toll oder isch das normau?!🤔🤷🏻‍♀️Am abe fürs bett zwäg mache schoppe gä und dr schoppe isch no nidmau ganz läär schlaft sie scho ohni problem aber düre tag ei sach jedes mau🙈

  • amalia18 schrieb: »

    Äs isch eifach mega schwierig öpis z‘finge wo hiuft bim ihschlafe...sie wehrt sich extrem wenn sie merckt das sie chönnt ihschlafe🙈Sie isch de ou immer so zapplig irgendwiä und laht sich nid lah beruhige zum abäfahrä da hiuft ou keis buch strichele ect und jedes mau 10min lah gränne im bett bis sie ihschlaft finge ig ou nid so toll oder isch das normau?!🤔🤷🏻‍♀️Am abe fürs bett zwäg mache schoppe gä und dr schoppe isch no nidmau ganz läär schlaft sie scho ohni problem aber düre tag ei sach jedes mau🙈

    hmm...da chani guet nohhvollzieh...also bide einte vo mir ischs au so mengmal (ha zwilling)...aber an andere täg...het sie s nöd...isch ganz seltsam...denn schlooft sie mengmal 2h-2,5h lang am mittag dasi amel scho angst ha sie wacht nüme uf oder so^^
  • Das isch mir ou scho passiert...wenn sie de würcklich mau ei stung am stück schlaft ha ig mängisch z‘gliche wiä du das ig z‘gfüuh ha sie wacht nüm uf äs stimmt öpis nid🙈🙈da verstah di ou!!
    Äs isch äbe würcklich säute das sie mau so mittagsschlaf macht und wenn doch bechunnt mä fasch panik wüus ungwohnet isch!!
    Isch sicher nid eifach mit zwillinge wenn diä einti so schön schlaft und diä ander nüt wott wüsse vom schlafe🙈Aber dür d‘nacht hesch hoffentlich rueh auso schlafe sie düre?!

  • amalia18 schrieb: »

    Tragi wär ou eh super idee aber das het sie scho ganz chli nid gärn gha😩😩

    Hesch e Trageberatig gmachd? Und versch. Tragene / Tragewise probiert, meistens liit dete s Problem wenns ned gern dreit werdet 🙈 Vilich wers en Versuech Wert... 🤷🏽‍♀️
    Mini wehrt sech zum Bisipil totaaal inere Traghilf ke Chance... gaht nur im Tuech...
  • Ja ig ha wo sie drü monet aut isch gsi so nä berstig gmacht...ha drü verschiednegi tragis/tüecher kouft und alles für nüt🙈sie wott eifach nid ihgäängt si ha ig z‘gfüuh...solang sie sich cha bewege wiä sie wott isch aues guet aber sobaud sie neume ahgschnaut isch maxi cosi ect fangt sie ah ume muule/strample und schlat ou um sich mängisch wenn sie verruckt wird.
    Ig weiss nid wieso ihre das nid passt🤷🏻‍♀️😔
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland