🤬 Rolligi Katz vertriebe 🤬

ALOHA

Wiiiiiie schaffis dnachberskatz zvertriebe? Sie isch rollig und verpisst ois KOMPLETT ALLES ums huus. Oisi mändli sind kastriert - verstahs echt ned. Muss jedesmal so viel sache wegknalle. Sie isch all 3 mönet ca rollig😦😯 miaut abm 3 ide nacht vor oisem katzetörli.

Absprütze nützt en schiessdreck🤯🤬😤

fuchs

Säg dene, die selle eri katz kastriere. Get scho gnueg strassekätzli.
Werum isch die ned kastriert?

fuchs

Chasch ne au gad säge was für en stress das für es büsi esch ständig rollig dsi und ohni vefruchtig. Irgebdwenn esch sie den dauerrollig. Wenn sie sie ned kastriere wen, gäbdis au na pille für katt

ALOHA

@fuchs keii ahnig. Die nachbere hend en dachschade🤬 mir duetsi au leid - aber si gahtmer au gröber uf de sack. Die miaut sooooo luut. Und das gepisse nervt echhhhtt😷

fuchs

Hesch mal metne gredet? 🙈

fuchs

Hei aloha do usfallend kenni di gar ned 😂 glnd dhormon met der dure

ALOHA

@fuchs nei. Chamer zurziit gad ned 😬 hend mit anderne nachbere grad en grichtsfall wo geg die gönd😅Jaa das cha auna sii😯 sorry. Aber es nervt echt. Ha sicher scho 300.- weggschosse wege dere katz😤

fuchs

Katzepille bim tierarzt bsorge und sie dere katz gä. Das merke die sicher nid 😂

Milchmädchen

Wenn kunnt endlich dia Kastrationspflicht in dr Schwiiz? Miar hend au Nochbuura kah, wo ihra Katz immer jüngla hend loh. Uf eini hends immer verschenkt. Dia Katza sind wia wild gsi, aber mitma so guata Charakter. Dr eint Kater hends au dr ganz Winter nit inna loh, oder nur wenns inna passt het. Denn isch d Mamakatz wieder schwanger gsi (hemmer nit gwüsst) und si het könna bi üs durch d Magnetkatzatüür ibrecha. Am Afang hemmer sie no ussa tua und denn hemmer si bi üs ufgnoh. Sie het denn 6 Mönet spöter viar Kliini kriagt. Zwei hemmer bhalta und zwei hemmer töffa an Nochbuura wiiter geh. Alli hemmer kastriart/unterbinda loh, au d Mama. Leider isch si denn eifach verschwunda. 😪 Sie isch sona liabi Katz gsi. D Nochbuura sind denn eifach wegzoga, ohni Katza! 😳 Dr Kater hemmer denn au ufgnoh und kastriara loh, aber isch glaub zspot gsi. Er spinnt immer wieder. Markiara tuat er aber nu dussa. I finda so Lüüt sötten Strof müassa zahla. Findes schrecklich! Sorry isch abitz a wirra Text worda. 🙈

Tanja87

Isches es wiibli? Gibere doch heimlich d Katzepille😜🙊

Tanja87

@fuchs sorry hesch ja du scho vorgschlage😅 läse sett mer bis zum schluss🙈 heds ide schuel scho immer gheisse🙈

ALOHA

@Tanja87 würi so gern. Aber gsehs ned so ih geld uszgä für die katz😰 schwierig.
Danke oi

Tanja87

Ja chani verstah.. es gid au no so sprays wo mer chan ad sache sprühe wo d chatze vom markiere setted abhalte... vlt wür das
Helfe?🤔

fuchs

Die kostet ned viel alohA. Emmel ned so viel wie das zügs wo wegschmeissisch

ALOHA

@Tanja87 leider nützt de nix😰

@fuchs gsehs trotzdem ned ih dasi verhüetig vo dere über jahre finanziere muess... zudem hautsi immer ab wensi mich den gseht - die weiss das gnau. De stelli vorher eh kamera uf und bringne alles wos ersetze muess. Die haftet ja für die eigeti katz.

Die katz hetmer de ganz ihgangbereich verpisst. Hey nei🤬

ALOHA

Han mal am tierschutz ahglüte. Mer cha nix mache. Aber die katz wird relativ schnell sterbe, wils gebärmuetterkrebs bechömed. Das alles will sie ned deckt wird... krass dasmer das riskiert🤦🏼‍♀️

schildchrötlimel

@ALOHA machs wie ich: Kauf Dir einen Hund - dann kommen die 🐈nicht mehr 😉

ALOHA

@schildchrötlimel 😂 ha ebe selber zwei katze. Drum gaht das ned. Aber mini sind kastriert und gönd etz nurna selte use will die ander immer ufne sitzt fascht🤦🏼‍♀️

sabi81

Dr chrügelimüpfer🤭🙈😬 nei spass, isch huere mühsam, hei ou so ä chatz ihr umgebig! Aber di markiert zum glück nid bi üs sondern miauet eifach u huere! Ig würd ou am bsitzer vorschla ds kastriere oder das si se ih dere zyt eifach dine bhaute!!

ALOHA

@sabi81 das machets eh ned. Sie sperret dkatz ide nacht sogar use will sie so luut isch😯 die sind so denebet.