Anekdoten aus dem Kinderalltag

MamaWurm

Am morge bim tschüss sege mini Chlii, bald 3, zu mir:
„Mami du muesch hüt chli schneller schaffe bide Arbet. De chasch du mi nemli au schneller wieder cho abhole.“ 😂😍

💞Moni💞

Mini tochter 2j finds u toll, d ob schachtle uszläre. Letschthin meint si: mama lug, hani ob-rei (vo sauerei) gmacht😀😍

Frauenmantel

👩: Ah,jetz gsehni scho wieder Stärnli. Bi zschnell ufgstande.
👦: Mami,isch scho wieder Nacht?
❤️🙏😂

Mangoo

Min sohn 20mt probiert ez amigs kaputt zsäge..und seit denn immer buta🤪🙈

Mary Lou

Isch zwar nid mis Chind gsii.
Üsi Tochter hett d‘Mandlä müessä lah usäoperierä. Ihrä Chindergartäkolleg hett däheimä verzellt: „xy hett d‘Haselnüss operiert“

Copamai

Ech ha mini 5-jährig Tochter höt Morge gfrogt wie sie gschlofe hed. Ehri Antwort: guet, ech ha gar ned gmerkt dasi gschlofe ha😂

Tanja87

Min Sohnemann 8i woner s erst mal ide Migros en Granatapfel gseh hed: isch das en Apfel wo explodiert wenn mer de wegschmeisst😂🙉🙈

mariechäfer

😂

Marlies

Ich gib üsem 21.Monate alte Sohn es bizli Sirup zum Trinke. Er nimmt en Schluck, zeigt in Besser und seit:" Biiier" 😄 Das Wort hät er vorher nonie gseit 🤦‍♀️

corina

Ich schimpf grad mit mim grad 3jährige zwerg und da meint er : du bisch gefeuert🙈😂😂 mich häts fast verbäset da er ja nöd mal weiss was es bedütet🤣

MamaWurm

@corina gell u de sött me no ernst bliibe 😂

MixUp

Üse Bueb esch chli rot oms Muul gsi. Ha ehm de gseit, är sell chli Lippepomade änetue. De frogt är: wo esch d‘Lippetomate 😂

corina

@MamaWurm Ja ich han dänn nümme chönne ernst bliebe unds guete de ärger isch dänn au grad verfloge gsie🤣

MamaWurm

Will ich schnell i Keller ha welle, aber di chliini nid ha unbeufsichtigt welli mitem Adventskranz im Ruum zrug lah, hani d Kerzli usblase.
Da chund si zu mir u luegt mi verwunderet ah u seid:
„Mama was machsch du da? Hesch du Geburtstag?“ 😂