Schoppenzusatz

liloua

Ich ha vorher zum Bimbosan Schoppe zum 1. mal en zuesatz (Prontosan) dezue da. Isch das normal dases denn mitem zuesatz viel weniger milch trinked?
Sie hed so nur ca 70ml trunke 🤷🏻‍♀️

mrspfeffer

Ich ha am Afang au Zuesatz dri tah aber sie hett de Schoppe nie leer trunke und has denn wieder weggla. Sie hetts gar ned gern gha.
Welles Bimbosan gisch du? Ich hett 2 Pack vo dem ab 6 Monet Bio.. bruche sie ned, falls sie geg s Porto wetsch. Mini vertreit sie leider ned😩

liloua

Heds denn aber au lang gsättiged? Oder nid würkli?
Ich han ebe erst agfange, bi ez langsam am abstille und bi no muster am probiere. 🙈 melde mich aber gern falls ichs cha bruche - danke viel mal. 😍

mrspfeffer

Nei gar ned. Sie isch viel öfters cho will sie nie gnueg gha hett. Drum hanis wieder ufge. Jetz trinkt sie 150ml nur pumi und schlaft di ganz nacht dure.
Okeee will sust rüehri sie weg🙈😅

ReSa

s‘drinkä isch wohrschinlich astrengender, wells dicker isch. i ha ä uuuh züg gha mit de suger. ha denn grösseri kauft oder au d‘löchli selber vergrösseret... mini chlii isch amigs mega hässig worde, well entwedet zwenig oder z’viel usächo isch. ha denn mit fast 5 mönät mitem obigbrei agfangä u. dänn isches besser worde. sie hät aber glich no 2x trunkä z‘nacht.

Minifee

ich schafe au mit Bimbosan und das sit de Geburt. Mine trinkt nur super premium weler sander nid vertreit. han etz ahgfange mit Zuesatz zerscht 1 wuche bio hosana de isch de 💩 zfescht worde und etz mischi mit bio hirse und isch tip top. er trinkt 150ml mit zwei löffel zuesatz das langt ihm de 3-4h aber wie gseit de körper mues sich dra gwöhne mer aind etz e wuche dra und es wirs immer besser! De Suger muesch unbedingt de für Brei neh bi MAM isch es X wel sus chunt das zügs nid use🙈 Am mittag hani etz ahgfange en brei au mit 1 löffel Hosana und er liebts. Junior isch 5mt. Es brucht Gedulg und Zit das wird oft unterschätzt!!