Verhütung nach Geburt

Tanja87

Hallo liebi Mamis☀️ mich nimmt mal wunder wie ihr nach de Geburt vo euchne Babys verhüetet hend? Stille tueni, da chani ja ned eifach mit jedem Verhüetigsmittel wieder starte🤔 mine FA Termin isch scho bald (Kontrolle 6 Wuche nach Geburt) und denn wird das sicher thema sii☺️ bin gspannt uf euchi Nachrichte🌸🌸🌸

corina

Mir händ mit kondom

frauhirsch

Mir möchids au mit Kondom, finds am eifachste will nüd muesch isetze loh & dich au nöd anes hormonells Medi (Pille) gwöhne muesch für ev. en churzi Ziit (mer hend noni gwüsst wie gli mer es zweits Chind wend) 😊

hermine

Ich nimm Pille. Ha überhaupt keh bok uf ä wiiteri schwangerschaft. Und Spirale gaht bi mir eh ned.

Tanja87

Mier wend au keini chind meh... hend etzt zwei☺️ allefalls wehr en underbindig bim maa oder denn en igriff bi mier es thema... spirale willi ebe au ned isetze lah... ha ned so gueti sache ghört🤔@frauhirsch nimmsch du denn die normali oder d minipille?

Tanja87

Sorry wehr ad @hermine grichtet die frag ned ad @frauhirsch🙈

hermine

@Tanja87 ich nimme di normal Pille. Elyfem 30 heisst sie

tamtam86

I ha mir e spirale la i setze,bi super z fride.

Pinny

mir hend zerst pille gnoh wo au für stillendi fraue goht...aber leider ischs so das wenns mal vergissisch, denn gad 14 tääg lang nomol durenehh muesch bis sie wieder wirkt...und mir wönd nonig es wiiteres kind...spirale findi halt unangenehm (ha scho müeh mit Tampons)...s stäbli isch bi 2 kollegine im arme unenand gwanderet (hend bi de einte sogar obe ufgschnitte und denn gmerkt das s stäbli im unterarm unde ishc und drum hends möse obe wieder zuenähe und unde ufschnide^^)....etz nehmet mer eifacg s kondom...isch am eifachste

mrspfeffer

Ich ha de nuva ring, muess mer 1x im monet wechsle und fertig. Find en super und hett ned so viel hormon wie anderi verhüetigsmittel. Bi beidi mal im erste zyklus nachem absetze schwanger worde. 😊

Tessi

Kondom.
Ha nachem Stille d Pille wieder gno aber isch de horror gsi (hasi vorher 10 Jahr gno gha und bi soooo glücklich gsi demit).
Wenn mer d Kinderplanig abschlosse hend heisst denn öpe für min Ma schnipp schnapp 🙈

Tanja87

@Tessi wieso isches denn de horror gsi?

sterndli

I lah mi unterbinde, mag leider kum öpis verträge na, mini pille u stäbli verträgi ned, spirale beni dank dere schwanger jetzt😅🙈 u normali pille derfi ned, do i met 16 Thrombose und Lungenembolie ka ha🙈

Drum nurna d unterbindig in frag

schildchrötlimel

I ha fasch 20 Jahr Pille gnoh; nach de 1 SS hani ke Hormon meh wöue u mir hei mit Kondom verhüetet (Maa het sich de wöue lah unterbinde) - de hei mir 1x e „Unfau“ gha u flätsch bini schwanger 😬😬😬. I 4 Tag hani Termin u de wirdi mi grad lah unterbinde!

sterndli

@schildchrötlimel i i ca 40 täg🙈 ha d spirale fangs 3mt gah 🙈

schildchrötlimel

@sterndli schöne Momänt 🙈🙈🙈

sterndli

@schildchrötlimel jo ds chash luut sege🙈 aber jetzt ischs so, u i freu mi druf🤗🤗

schildchrötlimel

@sterndli ja geit üs glich - het äuä müesse so cho (mi Sohn het sich velech im Universum es Gschwüschterti gwünscht 🤷‍♀️😉)

IroL

Wer kann miar über da Nuva Ring brichta?

mrspfeffer

Ich ha ihn jetz wieder s ersti mal brucht gha nach de zweite SS und hansgfühl gha es gaht super. Aber je länger er jetz drin gsi isch umso schlimmer bin ich gsi. Aso soooo krassi stimmigsschwankige hani gha dassi en usegno han. Und ständig hunger😱Vorher hani en 5 jahr brucht und bi meeeega zfriede gsi. Aso an und für sich findi en würkli super. Stört au nie und muesch nur eimal im monet dra denke

Tanja87

Han mer etzt 3 Monatssprütze wieder mache la👍 han vorher scho mit dere Verhüetet und bin z friede gsii🤗

Tessi

@Tanja87 ich han extrem Stimmigschwankige becho und mini Täg hani nonstop gha schier.
Han vori d Pille weg de Stimmigsschwankige gno wills demit ufghört het und ich han nie mini Täg becho. Bi so glücklich gsi.
Hasi im Februar abgsetzt und sit 8 Wuche kei Täg me becho. Nur 1x 1 Tag 🤷🏼‍♀️Und luscht uf Sex hani au kei meh gha mit de Pille. Isch gsi wie tot.

Tanja87

@Tessi das mit de verminderte Libido isch ebe scho scheisse und fasch bi jedem hormonelle Verhüetigsmittel erkennbar😓 isch au mit de Sprütze so... aber ebe.. bin voll ned Fan vo Kondom 😔 es isch für mich eifach ned glich intensiv und schön... isch sicherlich au en Kopfsach aber gspühre mine Maa scho gern direkt😊😆😉

Tessi

@Tanja87 han das scho sehr belaschtend gfunde. Mir hend au ned gern Kondom, aber er het vo sich us gseit es sig i ornig. S andere isch ächt nömm tragbar gsi 😔

Findes aber wahnsinngig, dass de Körper sich so fescht veränderet nach de Geburt. Vorher alles super gsi mit de Pille (bi würkli im 7 Himmel gsi) und jetzt sowas 🤷🏼‍♀️

Tanja87

@Tessi ja das isch wirkli krass🤔 isch ned nur en optischi veränderig wo euse körper dure macht... merkes au extrem etzt nachem zweite chind. Guet, bin einiges älter jetzt als bim erste (de gross isch ebe scho 8i)☺️

Tessi

@Tanja87 ich ha vor de Schwangerschaft eifach gmeint me isch fett wenn mer s Chind bechunt. Vor dem hani am meischte Angscht gha.. und jetzt?! 😂🤣😂🤣😂 das isch ja en Peanut gägeüber dem wo würkli passiert. Da macht mer sich ja chum Gedanke drüber.

Tanja87

@Tessi da gib ich dier vollkomme rächt😂😂 gäg die aghüüfte kilos chammer ja was mache... s hormonelle und anderi veränderigä am körper sind oft ned so eifach oder gar unmöglich rückgängig z mache😑😑

Tessi

@Tanja87 es isch eigentli gschämig was ich mir alles für Gedanke gmacht han 🙄🙄 lachhaft.
Naja, egal. Hoffe s andere kriegt sich au wieder i. Amel es bizli wär scho super.
Ha grad hüt mini Täg becho 😱 traue gar ned ga schlafe. Gang de glaub 10x ufs Klo ide Nacht 😔😔😔