Abnahm während de schwangerschaft⤵️⬇️

ALOHA

Het vo oii au öber während de schwangerschaft abgno? Het das mit de hormon zdue?😳

Und nei - ich mach kei diät oder so, für die womer vorwürf mache wend wie schlecht dases fürs baby isch...

Vane😊

ich han bi mini ersti ss die erste 3 mnt 9kg abgnoh wegem erbreche, übelkeit... suscht ab de 14ssw nur berg uf... hesch du viel abgnoh?

ALOHA

@Vane😊; danke diir. Han ebe nie erbroche oder so. Mir isch ame scho kötzlig gsi, oder weni es koche hani eifach plötzli kei hunger meh und es würmer gad schlecht werde weni öbis is..
Bis jetzt 19. ssw sinds 13kg

Pinny

🤣💁‍♀️ich ha 3 mönet lang diät gmacht und fast nur Salot gesse - han aber nonig gwüsst dasi schwanger bi...und ich ha au nur total 10kg zuegnoh während 6mönet schwangerschaft mit zwilling😆 also ich glaub ja, solang du nid hungerisch und s dim chind guet goht...isch alles ok

Nessa

kollegin zersch -6kg well sie sich permanent übergeh het

Summer2018

Han di erste drü Mönet au 5 kg abgno wegem Erbreche. Jetzt wos besser isch bini bi öpe -3kg stah bliibe. Ich han vor allem am
Abig nur sehr wenig Hunger. Min Ma hät sich mega sorge gmacht will ich na nüt zuegno han und hät bi de letschte Kontrolle d‘FÄ gfröget und sie hät nur glächlet und gseit das chämi dän scho na und sust segs au nöd schlimm, am Baby gächs ja guet. Bin jetzt aber au nöd die schlänksti gsi vor de ss, daher hani eh gnueg Reserve.

Tanja87

Chund doch immer ufs usgangsgwicht a, ned? S gliiche we bim zueneh☺️

Mangoo

Solangs am baby guet gaht ischs ja ok👌🏼 und fa würd der sust sicher au säge wennd langsam chli müsstisch luege..isch ja erst halbziit😉

wtpooh

ALOHA schrieb: »

Bis jetzt 19. ssw sinds 13kg

Du hast 13 Kilos abgenommen? Wie bereits erwähnt es kommt auf das Ausgangsgewicht darauf an. Aber wenn es dir gut geht und du dich fit genug fühlst, geht es auch dem Baby gut.
Habe mal gelesen, in der SS nimmt sich das Baby alles was es braucht (fast wie ein Parasit 🤭); das geht dann halt zu deiner Lasten wenn der Input zu klein ist...