BLW-Austausch

Snuggles

Hallo Ihr liebe☺️
Würd mich wunder neh wies bi eui so gaht mit BLW die wos mached?mit was hender agfange?Wenn hend ihr agfange?und was gäbd ihr eune chline so?am liebste mit bilder.
Mini wird erst bald 5 Mönet und isch no voll gstillt aber git viel zeiche das sie gern würd mitesse und langed au in teller.
Min partner isch nöd so überzügt, was chani für gueti argument bringe?und hets bi eui au meinigsverschiedeheite geh?
Würd mich über de Istusch mit eui freue und was und wies ihr so mached🤗

igeli19

📍lisi gern mit

Pinny

Also mir hend üsne Zwilling im 4./5. Monet amel zum z Mittag nüm gstillt, sondern entweder frischgmachte Rüeblibrei, Zucchetti, Kartoffel oder irgend en frisch gmachte Früchtebrei geh...han ihne je 1 teller mit Löffel vor d nase gstellt und sie hend denn dörfe probiere selber löffle...während ich en voll teller ide hand gha ha und ihne zwüschetdure amel es portiöndli is muul glööflet ha...wel ja s meiste wos selber versuechet is muul z schiebe denebet goht 😆was min Maa zur wiiissgluet triebe het 😉aber sie hend uuu freud gha und findets mega cool zum selber probiere löffele 😍mittlerwiil dönds mir amel bim esse au s paar löffeli is muul löffle 😊

ALOHA

Ich ide krippe immer mit de kinde BWL gmacht, wens fürd eltere i.o gsi isch😅Es isch für oi als eltere viiiiel eifacher. Kei brei mache, oder halt sgeld sparw vode kaufte brei.

Ich ha immer das ge wos bi ois git. Köchin hets bi oisere babygruppe eifach nie gwürzt. Gnueg weich kocht. Han de kinde gmües (broccoli liiiiiebets eich immer, rüebli, gurke) oder pasta, härdöpfel (ohni schale), riis hani ned gad am ahfang ge... zerscht luege wies kind ufd lebesmittel reagieret😅. Poulet gaht au tiiiptop, oder hackfleisch.

Ahgfange hani je nach kind. Han deltere so mit 4/5mt gfrage gha. Je nach riifi vom kind👍🏻 es sind all froh und dankbar gsi, dases so früeh losgaht. Meischtens isch de spruch cho: troche hetemers suscht au scho gern😂

Sunshinemom

Mit 5 Mönet isch si no rächt chli für BLW. Si sötte chönne säubständig sitze für das. Agfange hei mir mit Maispops.

Pinny

Ohh jaahh die Maispuffs liebets 😅min Maa liebts au 🤦‍♀️Frisst ihne amel alles weg...

ALOHA

@Pinny ich liebs au😳 chan locker en ganze sack esse. Aber nur due gsalzene😬😋

Pinny

@ALOHA hahaha 😆finds nöd so fein wie die Galactina Plasmon Guetzli 😝aber ich cha mi zrugg hebe und nur 1 neh 💁‍♀️Bide Maispuffs hani s gfühl i mös sie jede tag nohhkaufe 😅muss glaub ahhfange besseri versteck finde

Snuggles

Also ha jetzt doch mal usprobiert will sie doch meega intresse dra het und mir immer in teller langed.und mitem sitze klapeds bi ihre au scho recht guet mit chli unterstützig mitem glichgwicht.hanere mal es bluemekohlrösli und es herdöpfelstückli geh.fazid, de herdöpfel föllig uninteressiert liege glah und de bluemekohl immer wieder gnoh und is muul gsteckt obwohl sie zerst s gsicht verzoge het😄 aber sie het mega freud gha uf jedefall mal luege wies wieter gaht.

@ALOHA findi super das es ide kripe gmacht hesch mit de babys 😃ghört mer ja eher selte und irgendwie wenni amigs mit andere rede sind reaktione mega unterschiedlich und eher skeptisch😅

susu

Guete Obe mamis🙋‍♀️ mini chli esch ez 8mt alt u isst zmittag/z vieri/znacht brei. Kekse (maispops,microc,babykeks ) isst si super. Het ez ou 2zähn unde😂😊 i wet met blw afange aber weiss ned rächt uf was luege. Hender tipps oder grundregle?

Caramel

Ha das Buch gläse, het mega güäti Tipp dinne. Das het mir rächt sicherheit gäh.

susu

Super danke dir🙏

Snuggles

Ja ha au das buech gläse und het mega ghulfe grad am afang wennmer unsicher isch was sie nöd sötted esse und mitem afange. Mitlerwiele luegi nüme gross ussert das kei salz und zucker het. Sie isst würklich alles und meistens das züg womer denk sie wills nöd chlautsi mer denn vom telle🤣 zb balsamicozwieble und essiggurke sie liebts🤪

Maryon

Gits da eppert wo erst mit 6 oder 7 moenet agfange het met BLW und vorher nume gstillt het oder shoppe geh het??....huetzutags fanget u vell sho so frueh ah mit Breili...und de gits hingege wiedr Luet wo gar ned gebe nume shooppe oder stillend und de spoeter mit BLW afanget.....

Snuggles

Mir hend mit 5Mönet agfange aber das will sie all rifezeiche gha het und mega intresse het suscht heti au gwarted bis 6,7,8 mönet je nach riefezeiche also sie het definitiv de startschuss geh ich han immer gseit 6mönet vollgstillt.het sich halt andersch ergeh glaub spielt kei rolle ab wellem monet

susu

@Maryon I ha ersch met 6mt agfange brei ifüere. Esch vorhär ja ned notwändig gseh. U eze met grad Jährig bruche mer mou öppe ame obe e brei u sösch alles vom tisch

Sarina91

i werd das mitem bwl so handhabe. si ish etz 5 mönet und wirdno voll gstillt.

schaai

Ich nöcht au gern BLW mache..sie isch ez 6 Mönet wird aber immer no voll gstillt..han ihre au scho weich kochti gmüessticks oder e brotrinde id hand ge..sie suggelet zwor ume aber i glaub schlucke tscheggt sie nonig so..loht au sache im muul wo nöd mumi isch wieder use..bin gspannt wenn mir denn mol chönd starte..

Saco87

Ich stille voll und ich has au im Sinn so die erste 10 bis 12 Monet...erst denn möchti afange und denn cha er ebä grad es gliche esse wie ich 😊 klar zeigt er jetzt Interesse aber ich denk das isch nöd wegem Esse selber sondern wil er a allem Interesse zeigt und wot is Mul nä 😊 Brei wird er nie übercho, bini nöd so Fan da ich dänkä früehner händs au erst gesse wo sie richtig händ chöne esse und bis denn sind gstillt worde 😊

LoSo

Aso ab 6Mönet sötme de Chind ässä abüte. Ob Brei oder BLW jede wie er will.

Bi BLW landet au ned vil im Mage, wichti isch VORHER stille oder shoppe.
Es gaht am Afang hauptsächlich ums entdecke vom ässä, gar ned ums Satt wärde.
Wichtig au - ned nur Gmües sondern au Kohlenhydrat abiete. teigware, härdöpfel usw. 👍🏼👍🏼

Saco87

@LoSo wer seit denn das mä das sött ab 6 Monet? Isch doch bi jedem anderst, kenne viel wo erst mit 1 Jöhrig agfange händ. Do seot jede Arzt, Hebamme ect öbis anders. zMami sött uf sis Kind i go und viel sind erst spöter bereit däzue 😊

LoSo

Me sött abüte, obs den nimmt isch die ander frag. Wenns aber WOTT ässä und sälber au isst wen me ässä aneleid denn sötme ganz klar gä. Das esch ja vo Chind zu Chind unterschidlich.
Aber wenn du ned abütisch weisch ja au ned obs wott.

Saco87

Aber ebä wer seit das me das mit 6 Monet sött? Lut WHO isch Stille im 1. Johr usrichend und erst denn cha mä dämit afange mit abiete 😊

JennyHelin

@Saco87
Aber wiso bis 1 jährig vool stillä ?
Ich mini tochter hät zeigt das sie hät welle sälber ässe und die ussag das dis chind kei brei würd becho findi ned logisch ... isch kei kritik aber grad echli eh krassi ussag 🤷‍♀️

Wenigstens ahbüte chasch es und bis 1Jährig warte mit ässe findi scho grad lang ...

JennyHelin

Ja den mit 1 jährig gibsch dim chlinä öppis und de wots es ned ... 🤷‍♀️ also ich find das ned fair und ned so toll

LoSo

Luut WHO sinds 6 Mönet voll stille 😅
Was ned heisst das es Baby derna MUESS ässä... Aber abüte sötme

LoSo

👍🏼✌🏼

Saco87

@JennyHelin wieso söli nöd bis 1 Jöhrig voll Stille? Wenn er mir vorher zeigt das er wot, bechunt er au aber wenn nöd wird ich nöd gross abiete. Und kei Brei wil ich Brei eifach quatsch finde...es het früehner au kein Pürierstab gä oder so öbis, dött händ Kind denn agfange esse wenns au händ chöne bissä 😊 drum kei Brei. Ich wirde direkt vom Tisch gä, also das wo au ich isse. @LoSo jo 6 Monet wird empfole mind. Stille aber sie sägä au klar dass mä guet 1 Johr cha Stille ohni Bikost zgä. Ha mi sehr gnau dämit usenand gsetzt und bi eifach dä Meinig, dass mä hüt alles zfrüeh macht.

JennyHelin

Sorry aber verstahni au ned die Veganer wo ihres chind wen Vegan ernähre ... 🤔 da wirdi echt sauer wenn das amene unschuldige chind ah da wird ...
Die nährstoff wos ned bechunt und all das züg 😤

Saco87

@LoSo do hani chli anderi Informatione aber merci. Schicke do jetzt nöd alli Sache woni ha. Es goht jo au nöd drum do zdiskutiere was jetzt gnau besser isch, machts jedes so wies wot. Es isch jo nur drum gange zsägä wie mes bi sim Chind macht 😊 ich find gwüssi Sache vo paarne do innä au nöd ok aber ich nöd a mir das zurteile.

Saco87

@JennyHelin ich glaub ich luege scho das es ihm a nüt fählt! Vegan bini nöd 😂 ich kenn viel wos so machet und sie händ wunderbar gsundi Kind.

JennyHelin

@Saco87 isch jetzt au ned bööös gmeint gsi 👌🤣

LoSo

Voll stille! und stille isch en unterschid!
Es wird klar empfohle ab 6mnt ässä abüte. Obs den nimmt oder ned esch am Chind überlah.
Aber ned abüte will me das "en seich" find isch rächd fahrlässig was d nährstoff abelangt, wo au ganz klar im WHO text obe staht!

Saco87

@LoSo ich ha mi gnau informiert und bi im Kontakt mitere Kinderernährigsberaterin...das isch nöd fahrlässig. Es wird ganz klar gseit frühstens ab 6 Monate und nöd das mä ab 6 Monät mues...das isch chli än Unterschied.

Saco87

Saco87

So viel zum Thema warum ich kei Brei a biete...

LoSo

🤷🏽‍♀️🤷🏽‍♀️ wie du wotsch
Fendes eifach am Chind gegeüber ned fair ässä verwehre wens ässä wot und verstahne de Sinn dehinder ned.
Abüte chame immer, verstahne ned gnau was s Problem esch debii. 🤷🏽‍♀️

Saco87

@LoSo ha jo gschribe wenn er mir vorher zeigt das er wot chunt er au über. Bitte richtig lese! Aber ich biete nöd sofort mit 6 Monet a, es müend alli Zeiche erfüllt si und es cha sehr guet si dass das au erst mit 8,10 oder 12 Monet de Fall isch 😊

LoSo

Bim Brei bini ganz diner Meinig ✌🏼
Mini esch jez 10Mnt und isst mit eus met. Het nie Brei becho.

Vilich hani di au falsch verstande oder falsch interpretiert für mich list sichs so als ob du vor Jöhrig kei ässä abüte wilsch.

Saco87

Nei nei er dörf ha wenn er wot aber ich wirde nöd explizit gnau mit 6 Monat grad abüte. Er sitzt am Esstisch mit und weni würkli zGfüehl ha er wot denn dörf er probiere. Ich sägä nur dass Stille allei im 1. Johr eigentli langet, da Immunglobuline sogar nach 6 Monet i de Milch stigät. Er isch jetzt bitz me als 5 Monet und zeigt genau 0 Interesse 😂 mini Schwöster ihri Kind händ erst mit 12 und 15 Monet Interesse zeigt und beidne hets a Nährstoff nöd gmangelt, im Gägäteil 😊

SHAYENNE

Das wäred d Azeiche:

Saco87

Ich find eifach das mä teilwis mit allem bitz zfrüeh afangt...das hani eigentli dämit wele übere bringe. Babys wo mot 4 Monet im Maxi Cosi ligget und Brei glöfflet überchömet usw...findi für mi nöd ok. Als Argument wird immer brocht es zeigt Interesse. Jo min Sohn zeigt au Interesse weni mini Hoor strecke, söli ihm däswägä au äs Streckisä i dHand drucke 😂 bi ebä eifach lieber chli langsamer i allem, so lang ich ihm nöd schade due und uf da dueni guet luege.

SHAYENNE

Und die FB Gruppe chani empfehle. Git zwar paar Extremi drunder aber für en Überblick & Tipps findis guet.

Saco87

@SHAYENNE super merci. Bi scho inärä ähnliche Stillgruppe 😊👌

LoSo

Saco87 schrieb: »

Ich find eifach das mä teilwis mit allem bitz zfrüeh afangt...das hani eigentli dämit wele übere bringe. Babys wo mot 4 Monet im Maxi Cosi ligget und Brei glöfflet überchömet usw...findi für mi nöd ok. Als Argument wird immer brocht es zeigt Interesse. Jo min Sohn zeigt au Interesse weni mini Hoor strecke, söli ihm däswägä au äs Streckisä i dHand drucke 😂 bi ebä eifach lieber chli langsamer i allem, so lang ich ihm nöd schade due und uf da dueni guet luege.

Ja den hani di falsch verstande. Ich has echd so ufgfasst das du nüt abüte willsch au wenn er alles erfülle wür. Ich xes au eso. Eusi het ersch becho wosi sälber het chöne sitze und au sälber motorisch ide Laag xi isch, ässä sälber z nä. Si darf au sälber ässä und ich schuufle nüt ine. 👍🏼

Saco87

@LoSo da findi guet 👌 bini doch nöd so ä Rabemuetter gäl 😂😂 es git ebä viel Babys wo erst spöter alles Erfüllet und dänn findi ebä fählts ihnä au a nüt. Kind nämä sich oft das wo sie bruchet und uf da wird leider zwenig gluegt. Es isch ebä chli än Trend worde ab 4 Monet mit Brei azfange oder ab 6 Monet mit Bikost und ich ha oft gseh dass eigentli die Kind gar nöd so wit wäräd gsi 🙄

schaai

@Saco87 bin au dinere Meinig 👌

fuchs

Ich be aber scho der meinig das skind be fingerfood sehr guet säge chan wenns nanig so wiit esch. Be min sohn esch ab 7 mönet kei teller sicher gsi und selbständig frei gsesse escher erst met 9 monet. Dmilch hätti ehm nie meh glanget, wel er au scho emmer ned guet trunke het.

Denke me muess de fingerfood scho zur verfüegig stelle demit skind das chan kennelehre und dra umelutsche und selber usefinde qie das gaht und wieners findet. Uf din teller werd ja selte ebis drufe ligge was werklich guet für fingerfood esch für kliineri. Also womer guet chan griife und schön rechtig weich kochet esch 🤷‍♀️ fends schad am kind de „spass“ solang zverwehre.
Muess ja ned deum ga daser satt devo wird, aber das ers kenne lehre kann und entdecke darf

Saco87

@fuchs hät keine do innä öbis vo lang verwehre gschribe wenn me alli Biträg richtig dure list.

fuchs

Naja ich finde bes jährig verwehre lang 🤷‍♀️ gsehne so viel babys wo u gern esse und das scho met 6,7,8... mönet

Saco87

Wie gseit lis bitte richtig was dötte stoht...dankeschön!