Suche Gute Babygeschenke für meine schwangere beste Freundin! Gute Ideen? Um was wäre sie froh?

Hallo zusammen :)

In der Hoffnung hier ein paar gute Ideen zu finden um meiner besten Freundin eine Freunde zu machen und sie zu unterstützen wende ich mich mal an ein Forum Müttern die es selbst besser wissen als ich was wirklich wichtig ist.

Zur Zeit ist sie im 4 Monat schwanger und will bald heiraten. Somit will ich Sie gerne unterstützen als beste Freundin mit nützlichen Babygeschenken. Klar ist mal bestimmt genügend Windeln :D und ein Nuschistofftier hab ich auch schon.
Wie steht es mit Baby "Cosmetic Artikel"? Man braucht sicher Shampoo und Babytücher. Aber was alles noch?

Entschuldigt die blöde Frage aber ich habe wirklich keine Ahnung. Bin selber ohne Geschwister aufgewachsen und auch sonst niemand in meinem Familien- und Freundeskreis bekam Kinder.

Hoffe ihr könnt mir hier ein wenig weiter helfen.

Liebe Grüsse Yely

Kommentare

  • Hallo Yely
    Windeln ist nie verkehrt 👍 shampoo brauchts aus meiner sicht nicht unbedingt, unsere maus ist 6 monate und wir baden noch immer ausschliesslich mit mandelöl als badezusatz. Was sie noch brauchen könnte:
    Nuschis, nuggis, calendula babycreme, rasselsöckchen, beissring, vielleicht einen gutschein dass du ihr einmal essen vorbeibringst wenn das baby da ist.
  • Aso mir hend üs zemme tue es paar fründe..jede het es datum überno woner noch de geburt es menu vorkoched het und vorbi brocht hrt. deltere hend die liste uf geburt übercho und hends unglaublich gschätzt..es chan e suppe sie en früchtekorb e pizza usw. halt sinnvoll wenn sumfeld au chli ide nöchi wohnt.
    oder..e schöni patchwork decki naihe krabbeldecki für am bode. ich dun halt gern de eltere was schenke well schliesslich sie die grösst leistig erbringed (fürs baby hends oft scho gnueg) z.b. en korb oder Kiste mit goodies dinne für deltere.
  • shampoo creme nuggis schoppe wür ich ehner chli ufpasse.. Ich bruche für de chli NUR Naturkosmetik und het nie öppis anders benutzt und Nuggis/Schoppe bruchi nur vode marke MAM. Und mega viel hend mer Bibi Nuggis gschenkt. Isch halt schaad ums geld aber ha die den all verschenkt oder entsorgt. Windle isch super. Rassle, beissring, greifling findi au super. Nuschis isch es MUST HAVE! chasch glaub nie gnueg ha. Vlt e Kuscheldecki für‘s Baby. Und susch würi imfall eifach frege. Sie wird sich sicher mega mit dem Thema usenandsetzte eze und bestimmti Produkt welle.. Den chentsch sie evt so unterstütze.
  • :) also ich stimme de @Nessa zue...ich ha soviel Nuggis und Schoppe becho...han alles weggworfe usert 4 Schöppe....han 12 Nuggis becho...und mini chind hend beidi en totale hass gege Nuggi - nehmet immerno keine...also weg! isch würkli schad...und soviel Bodies und Kleidli, Spielzüüg woni becho cha...isch mer vorcho als obi 10 Kinder uf welt brocht het und ned nur 2....:/ het mi ehrlichgseit meh über es gschenk für mich gfreut...zb. Wellness-Set (het mer min maa gschenkt, damit ich mal cha entspanne und bade, wenn er Babyufsicht het)...oder vode beste kollegin hani ganz viel Essensguetschi für Eat.ch (sie wohnt leider wiit weg sus wär sie jede obet zu mir cho choche)...und vo minre mum hani Fresspäckli becho mit thailändische Sache (wel min Maa thai nöd so gern het und ich drum ientweder alleige thai esse muess oder ebe gar nöd)

    Also ich denke mitme Gschenkli für die werdendi muetter und vl no was für s baby (was sie würkli brucht)...bisch guet bedient..
  • As stillküssi, as tragetuach, Babyphone, nuschis nuschis nuschis, öpis für dini fründin und nit nur für z baby, An guatschie für z.B. H&M oder Zalando zum schwangerschatskleider kaufa ☺️👍🏻
  • Hallo! Ich biete Neugeborene Fotoshooting! Nicht teuer. e600a2f0-5b30-11e9-a956-3535108cfbe7.jpeg
  • Ich stimme au de @Nessa zue... Mir benutzed fpr di chli nur weleda shampoo, körperöl, windelicreme etc... All die nivea müsterli und sache usem koffer hani nie brucht und ebtweder verschenkt oder den benutz ichs halt wils schad wer zum wegrüehre... Nuggi het mini chli ersch mit öpe 14mt gnoh woni abgstillt gha han... Nuschis sind würkli immer super... Ich han au immer froidgha a h&m oder zara guetschi damit ich de chline herzigi chleidli ha chöne poste... Vili schenked chleidli grad ide chlinste grössi... Vil hends de gar nie ah...drum sind so guetschi super gsi:) was ich super und es muss find ich es tragtuech oder eh traghilf... Ich ha zwei tüecher und liebs aber das isch halt au sehr individuell... Evt eh guetschi für e tragberatig und es tuech/traghilf? Oder e guetschi vo eat.ch wenns mal froh sind nöd selber müsse z choche...
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland