Ischlafe im „normale“ Bett

strawberry

Hallo Mamis!

Bruch chli Rat. Sit 4 Wuche schlaft mini Tochter (2.5) nüme im Gitterbett. Sit dem isch jede Abig es rise Theater. Es brucht durchschnittlich 1.5 Std bis sie schlaft. Jede Abig mach ich die gliche Ritual. Gschichtli vorlesse, Chüssi mit Lavendel ispraye, mitenand Liechtlösche und den gahts los. Lig den zu ihre und sie fangt a a mir umezerre, haue, Haar risse umegumpe , inne und use x mal. Was chönt ich no mache zum sie besser zum schlafe bringe? De Mittagsschlaf ha ich scho kürz sie isch au uh müed fascht z‘müed findet aber kein schlaf.

Danke für Tipps

LoSo

aso wenn mini doof duet weni aneliige, gani use...🤷🏽‍♀️
Wenn si zu müed esch evt. früener is Bett?
Oder glich widdr is Gitterbett wens dete besser klapped? 🤔

corina

Oder de mittagschlaf striche? Bi eus isches so gsie, dass er plötzlich 1.5 h brucht hät zum ipfuse am abig, sit er kei mittagsschlaf meh macht (er isch au bald 2.5) klappets am abig meistwns problemlos

MamaWurm

Üsi duet so wenn si scho zu fest müed isch.
Ich ligge de ame eifach da u sege nüme viil oder nur liislig. Frage si wie de Tag gsi isch, was si morn möcht mache,...

Will wenn si muess überlege wird si oft ruhiger 👍

Cha au sii dass si das grosse Bett voll cool find unds wifach will gniesse.