Was bruchi für oise chli Wurm umbedingt? 📝

Minifee

bi gspannt waser seget vo dene Nuggis 😬

schaai

chömer denn ersch so i 10 johr sege 😋

Minifee

jo aso weg de zähnd siends er schnell sobald die chemed😬 aber i meine sus wies es vertrage wies zschlag chemed aso mine chan de nuggi besser phalte als herkömlichi gheit weniger schnell usem muul😅

ALOHA

Chamer glich nuggikettene anedue? Die gummidinger vo mam gönd ja ned oder? En fade durezieh?

Minifee

joo ohni irgend welchi ringlis☺️

ALOHA

Ah top. Danke diir🤗🤗

Minifee

immer gern ☺️👍🏻

schaai

han hüt grad au material für es nuggiketteli kauft 😍

Kira

Badewanne findi super. Er badet jetzt no drin mit 15m. Ich ha stokke Badewanne Chamer zemeklappe und brucht nöd viel Platz.
Babyphone en absolute fehlkäuf. No nie brucht. Ich ghör in ohni.
Nuggi Hani au MAm gnoh. Gnueg anderi geschenkt über cho falls er dä nöd gnoh het.
Milchpulver isch schnell kauft. Vertrau uf din Körper das klappt scho. Und wenn Angst hesch das am ahfang zwenig isch. Scho ode Schwangerschaft ahfange Milch ussttriche u d ihgfrühre.
Laufgitter isch super xsi. Ä wiege wür ich nie chaufe.

kismet

Ich han vo all dem züg nur dbabywanne brucht. Die findi scho no guet vorallem wenn zbaby vlt mal voll 💩 isch denn chasch ja ned schnell schnell unter duschi mit ihm den ischs vo vorteil wenns chasxh allei bade.
Sust nei hani echt nix brucht. Nuggi han ich bewusst nie ge. Beidi kind hend en nie brucht🤷🏻‍♀️ pulver au keis kauft. Han bim 1. kind de milchischuss erst am 7 tag gha. Trotzdem isch de chli mit de abpumpte mumi zfriede gsi (paar tropfe😂) und het nie müesse zuegshöppelet werde.

schaai

läck mir..gester bstellt und hüt scho do!

Minifee

jo das got schnell binde cura direkt☺️👍🏻

Minifee

orange isch au gaanz e lässigi Farb 😍

schaai

jo orange hani allg. nöd so gern..und han ez extra nöd pink wele ne

Elie

gnue Nuschis ha i wichtig gfunge (cha mä für alles mögleche bruche: zum stille/pucke (wes gnue gross isch), falls sie kötzle..

denn e gueti traghilf oder tragtuech (würd e trageberatig mache um fehlkäuf z verhindere). dr chinderwage ha i bim erste chind erst mit 6-7 monet brucht (sportsitz) u s 2. isch o es tragebaby.

denn es guets stillküssi und e guete schlafsack wo für d saison passend isch...

alles andere brucht mä am afang eigetlech nid u isch mega schnell kouft. d nuggi ha i zb erst nachher kauft bim 2. u dr erst het dr nuggi eh gad usegschosse.
badwännli chasch zb o e putzeimer nä (mir hei es tummy tub becho - isch o no gäbig)...

Elie

aus andere cha mä optional oder sich la schenke. ideal isch wes o mau chasch probiere: s dondolo isch bi üs gar nid „in“ gsi! u babywippe o gar nid...defür de mit paar wuche so e holz-spielboge...

ALOHA

Minifee schrieb: »

orange isch au gaanz e lässigi Farb 😍

Gaht orange au fürn bueb? Fascht chli zstarch orange oder?😅

ALOHA

@Elie danke dir viel mal. Was hesch den du für eh nuschimarke gha wo guet isch? Han au 3-4 kauft aber die qualität isch echt sehr unterschiedlich😳

Elie

@ALOHA verschiedensti😂 tw gschenkt becho, teilwis kauft...hei sogar no settig wo 16 jährig gsi sy (vo mim maa sinere junge halbschwöster)...bi de meiste hets kes zetteli dran...u nach paar mau wösche u tumblere werde sie meistens weicher

Elie

mir hei öppe 30 nuschis🙈🙈 aber dr grösser brucht sä äbä o immer
no zum ischlafe oder mir tüe sä zb o umbinde we er erkältet isch mit chli engelwurzbalsam dran

Minifee

und wie das got für bueb @ALOHA 😍😍 i han Blau und orange

MiaWia12345

ALOHA schrieb: »

Was hesch den du für eh nuschimarke gha wo guet isch?

Petit Stellou🥰

MaMo

Mir hei ou d Badwanne vo Stokke gha u i has sehr praktisch gfunge.
Dr Nuggi hani beidne Jungs abote aber beidi hei ne nid wöue.
Babyphone isch für mi ou e Fehlkouf gsi, mir wohne uf 3 Stöck aber i ghöre mini Ching ou ohni Babyphone.
Stillküssi hani super gfunge, ir ss zum schlafe u när äbe zum stille oder ou für d Ching ds lagere.
Mir hei nie e Stubewage, es Bistellbett oder e Wippe gha u has ou nid vermisst.
Ds Loufgitter hani ersch bim 2. kouft aber eher us Schutz vorem grösser Sohn.
Milchpuler würdi am Afang nur Müsterli ir Apothek choufe, si meistens 5 Portione dinne.
Du weisch ja nid weles was dis Baby gärn het oder vertreit, schüsch hesch unger Umstäng mehreri Dose versch. Milchpulver daheime.
Für mi ou Sinnlos isch es sterilisations Grät, für d Schöppe ect. das chasch aues ou imne grosse Wassertopf uschoche.
Bim Schoppe si beidi nid heicku gsi u hei dä gno wo i grad zur Hand ha gha.
Für am Afang hani d Wickelbodys super gfunge, 1. wius gäbiger isch zum alege u 2. bimene 💩 Unfall hesch nid aues bis zum Nacke ufe verschmiert we ds Body abziehsch 😉
Stilltops für ir Nacht hani ou super gfunge. I ha zum schlafe nid ohni BH chönne si wiu mir d Brüst im Wäg si gsi.
Silikonstillilage si ou sehr gäbig, die chasch ou uschoche.
Meh chunnt mir im Momänt grad nid i Sinn 😊

Nessa

ALOHA schrieb: »

nuschimarke gha wo guet isch

ich misch mich schnell dri.. es git vo de marke Lässig Soft swaddle sie sind ultraweich au ohni tumbler! und die vode ADEN & ANAIS au!! sind us bambusfasere.. megaaa weich🥰🥰 chli türer aber es lohnt sich

ALOHA

@Minifee oh jaaa gaht würkli guet😍 so herzig. De nuggi gseht riiiiiiesig us😅 isch das de 0er?😳

ALOHA

@Nessa top danke. Vo dene aden&anais hani au scho guets glese. Bstelli mal na vo dene 2-3😍

Minifee

@ALOHA jo das isch de 0er muesch bedenke er isch es frühchen gsi und das foti isch mit 2,5mt entstande☺️ jo am ahfang gsehn nuggis gross us gad wenns so chlini chöpfli hend aber er wachst schnell dri ine i finds süess mit dene schnullis😍

Sabrina86

@ALOHA han grad lesti vo “lässig” so bambusfasere nuschis kauft, die sind au super weich....😍

springflower

viel guets isch scho gnannt...

finde d spielmatte vo dwinguler super👍 chasch s baby druf lege, wes under em spielboge spielt u när chöi die d kids ou ewig bruche. schützt sm afang ou chli vor blaue büle😉

bettschlange für is bett findi ou super👍

schaai

@Minifee ab wenn chanich starte mit em curaprox?