Kollegin gesucht.... :)

Tönt jez chlei doof, aber i hät gern öper, öpe glich wiit wie i, ca. 12ssw wo sich gern chli würd ustusche. :) am beste 1. Kind

I merke eifach immer wie meh, dasi mis Unfeld chlei nerve mit mim "Baby" zügs.. Was mi ner zimlich verletzt aber wasi glichzytig au cha verstoh. Nur wöu i jez haut gern drüber rede, muess nid heisse das jedem glich geit :D Damit i aber nid aues nur für mi muess phaute, häti gern öper chli zum quatsche.

Auso wenns öperem glich geit, bitte melde o:) <3

Kommentare

  • :( hoff s meldet sich no öper :) i hets nemli au cool gfunde, wenni öper gha het...;) leider bini nüme schwanger :D sus hetti mi gmolde
  • i han so öper gha und die het sich de immer vergliche und das isch seeeehr ahstrengend gsi für mich wel mini SS alles andre als toll gsi isch😔 und ere nart e bilderbuech🙈i stell mi aber sehr gern zur verfüegig und los der zue☺️mir macht das nix us gibi a sehr gern tipps👍🏻
  • Ig gloube das geit hie fasch aune so, drum hei Mami-Fore ou so viu Erfoug. 😊Falls du auso niemer findisch im „reale Läbe“, MIR SI DA.
  • Sobald den an Vorbereitigskurs gasch lernsch lüüt kenne wo glich wiit sind! 👍🏼 gaht hald no es ziitli.. 😊
  • Es git doch meistens so Gruppene da ide Fore? Z.B. Oktober Babys. Det hesch ganz viel Mamis wo gliich wiit sind. Mir hend den e Facebook Gruppe gmacht und sind au jetzt wod Babys da sind no viel in Kontakt. Isch no schön. ❤
  • chentisch au ez scho inen kurs wie zb. schwangerschaftsyoga
  • Danke für euchi antworte... i dere gruppe oktober babys bini scho 🙈 aber isch halt ner glich nid zgliche... ja genau das hani au scho ghört dasme i verschidene kürs de so lüt lehrt kenne... 😁 de muessi halt eifach no chlei geduld ha..
  • @SarahGiulia is yoga chasch glaub scho recht früeh..
  • Danke für euri Antworte. Bi jez am luege für is Yoga. :smile:" alt=":smile:" height="20" /> Super Idee gsi vo euch... Mau luege wie das wird sii und obi netti Lüütlis lere kenne. Wär toll.

    Isch öper vo euch auch is Yoga?
  • jo ich aber ha mi mit niemertem chöne ahfründe🤪🙈 mags so ger nöd wenns dich verglichet und no sgfühl hend müend der sege was besser isch und so. Aaaaber Yoga het mir seeehr gholfe für Geburt den!👍🏻👍🏻
  • So sache findi no schwierig 💁‍♀️ha Babyschwimme, Gymnastik, Müttertreff, Schwangeretreff, Mehrlingstreff, Rückbildigsgymnastik, Familienzentre usprobiert (vor und nach de Schwangerschaft)...🤣kei einzigi kollegin hani vo dete - alli über fb, liliput oder s babyforum kenneglernt
  • Also besser gseit kenneglernt und au zemmepasst und etz kollegine
  • Muesch viellech no schribe vo wo das bisch 😉
  • Haha gaht mer glich wie de pinny😂 i keim kurs hets öpert gha woni ez no triff😬😅 naja
  • @Mangoo -.- vl sind mir z speziell oder z komisch xD
  • @Pinny ja genau😂😂 wer weiss 😉 aber ich han amigs au gfunde das viel so chli reserviert ta hend
  • Chunt hald au chli druf a wie offe mer zu fremde isch. 😏 Eifach so lernt mer imeme kurs glaub au niemert kenne. Ich bin sit ich chind ha vil sozialer worde. Lern sogar lüt usem quartier uf de strass und ufem spilpi kenne. Gueti fründine mit glichaltrige hani au us de rückbildig und usem pekip.
  • @Mangoo & @Anni Weiss enard nöd...aber ich glaub ich bi eifach zu speziell (schönere usdruck für komisch) xD wel ich lerne soviel Mamis kenne..wo au immer seget das mer wiiterhin kontakt ha wet...aber schlussendli endets glich immer so, dass sich die andere Mamis irgendwenn plötzli nüme meldet...und denn nach 3 mal nochfroge ;) da lohn ichs si..
  • Aa nei i bi da total unkompliziert mitem kännelerne vo noie lüt aber wenn de merksch das vode andere siite nur gschnurr chunt vo wäge jaja träffe mer ois, ich schrieb der usw. de hörts bi mir denn au glii
  • @Pinny bi mir glich gsi 🙂🙈
  • @Pinny das heist „Specialeffects“ 😉
  • @SarahGiulia hesch äs guets ssw-yoga/-pilates gfunge? I bi o vo biel u bi is la lumbre z biel, dr kurs giz jetz abr leider nüme..
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland