Vorsorgevertrag falls Eltere sterbet!

Ängeli

Wer luegt zu eune kind wenn eu eltere öpis zuestosst?

Die wo en vorsorgevertrag gmacht händ, händer eher eui eigene gschwüsterti gno oder götti/gotti wo ev. au „nur“ fründe sind?

Ich weiss dad kesb au luegt, aber wer händer im vertrag als 1.person gno?

Vanessa RB

mer hend us 1.prio mini eltere gno & us 2ti prio mini schwöster. eifach die persone, wo eusi tochter am meiste kontakt het & lieb het❤️. (mer hend en ehe-&erbvertrag) lg🌸

Pinny

Bi üs sinds gotti und götti und nur im notfall d grosseltere

ALOHA

Spannendi frag... und finds super machtmer sich gedanke. Han au alles scho abgsicheret👍🏻Mir wärdet au d‘gottis neh, wenn de chli den uf de welt isch. Hend das extra vorher beachtet, wem mir oises kind ahvertraue würed

mrspfeffer

Bi eus sinds mini Eltere und nach ihne Gotte &‘Göttis wobii beidi Chind zude gliche Persone sölled (und somit ned jedi zu ihrne Gotte/Götti wills ned di gliche hend).

ALOHA

Wie isch den das bi dene wo die eigete eltere hend, bis wenn würets zude eltere gah? Gits da es limit oder entscheidet das dkesb? Je nach dem sinds ja na relativ lang fit. Das heisst, kinde chönted bis 80gi bide eigete eltere si und nacher gits namal en wechsel zude 2. gwählte persone?

Ängeli

@ALOHA: mir nämed ebe au als 1. mini eltere. Und wegem alter wo ja den au mit de ziit chunt wie du seisch, nämemer ene mo eusi gschwüsterti oder gotti. das simmer jetz ebe am überlegge. d‘kesb tuet so oder so alles abkläre, au wenn so en vertrag häsch. es wird eifach abklärt ob d‘wünsch am wohl vom kind entspreched

Ängeli

* nämemer als 2. eusi gschwüsterti oder gotti...

regi

mer hend mi brüeder (götti vo dr tochter) ond sini frau (gotti vom sohn) denn. sie send imne guete alter plus sie hend es super verhältnis zo de chind.

mini eltere sind z‘alt zom drinäh.

MamaWurm

Und wo u wie hender de Vertrag gmacht? La mache? Wo wird de ufbewahrt?
Was bruchts alles?
Findes e gueti u wichtigi Sach 👍

regi

@MamaWurmmer hends binere notarin gmacht (vo dr gmeind agstellt). ond be eus im bezirksgricht hinterleid.

ALOHA

Mer chas selber mache dehei👍🏻Han all unterlage bstellt bi:
https://www.ktipp.ch/buch-shop/buchdetail/b/vorsorgepaket/

Det hesch alles dine.

Ich ha das gschriebe und bi ois im schrank hinterleit. Und de family das wiitergleitet und als pdf allne na gschickt👍🏻 so wies ide unterlage staht.

La mache chaschs sowieso ned😅 du musch allea selber vo hand schriebe😳😅

regi

@ALOHAdoch, chasch scho loh mache. du muesch eifach all siite den visiere ond am schloss onterschribe..

mer hend vorsorgeufträg grad met em ehe- & erbvertrag loh mache

ALOHA

De vorsorgeuftrag?🤨 spannend. Da hends ois öbis anders gseit😅 aber de isch ja super👍🏻

regi

jo, we gseid, euse esch gmacht worde. mis gotti het ne vo hand gschrebe

chlini-90

es geht aber zuerst alles über kesb

Topolino

@ALOHA muesch do pro Familienmitglied 1 Paket kaufe oder längt eis?

ALOHA

@Topolino mir hend eis pro familie. Hans au de gschwüschterti etc kopiert. S‘einzige isch kleber wot “nur“ 4 (glaub) hesch. Für is portmonnai. Det chasch ahkrüzle was du alles hesch. Zb vorsorgeuftrag, patienteverfüegig oder testament. Wie en spendeuswies.

Topolino

Ah super danke @ALOHA