Schlafen mit Baby in den Ferien

Nessa

fraue bruche eue rat. mir gönd mitm chline 5mnt id ferie 5tag lang (kei ziitverschiebig) ez dehei gaht er am 19:30 - 20:00 is bett.. ich schetzte das sehr so wies eze isch und mir persöhnlich isch das wichtig das mir das witerhin so handlet.. frage: muess ich ihn ide ferie au am 20:00 is bett tue das mer das chönd biphalte und er nöd usem rythmus gheit? wie hend ihr das gmacht?

Sunshinemom

Das chasch minere Meinig na nid stüre.
Vilich bhautet är i de Ferie si Rhythmus, vilich aber ou nid und vilich het er, wenn dir daheime zrügg sot woder dr auti Rythmus, vilich aber ou nid. Ig würd mi da nid zviu Gedanke derzue mache und s eifach so nä wies chunnt, si Schlafrythmus wird sowieso no ganz viu Mau ändere.

Mangoo

Ich bi au mit mim chliine id berge woner öpe 6mt alt gsi isch und er isch immer am 19-19:30 im bett gsi het wunderbar klappet..sind inere feriewohnig gsi has so praktischer gfunde will mir de schön hend chöne znachtesse und no en film luege wo er im bett gsi isch☺️ probiers eifach😉

Pinny

Also mini 2 sind au ide ferie immer schön am 20:00 Uhr is bett und hend durepennt - und wenn mer no z italie spoot ine Bar hend wele oder Pizzeria, denn hemmers ide Babywanne (6mt) im Kinderwage mitgnoh und sie hend friedlich gschlofe

Caramel

Ha i de Feriä eu niä ebis am Rythmus gänderet, immer zergliche Ziet is Bett, wiä däheime. Find für Kind isch ä feschte und konstante Rythmus wichtig, a dem würdi nit rüttle.

mrspfeffer

Also mir lueged ide Ferie ned druf. Sind grad in Dubai gsi (4.5j. Und 8 Monet isch di chli det gsi). Und isch tip top gange. Sie hett immer wieder chli im Wage gschlafe und am 11i simer is Bett und hend am Morge chli länger gschlafe. Dihei sind beidi wieder (18.30 & 19.30) is Bett als wär nie was gsi.