Euthyrox 50

SarahGiulia

So, nachem ersttrimester Test mit Bluetabnahm hani vori grad zTelefon bercho, dass öpis mit mire Schilddrüse nid ok isch Bi natürlich mega erschrocke und mache mir jez nur no sorge. Gange i 2 Täg id Flitterwuche für 2 Wuche und ha jez no das super Gfüehl im Gepäck

Ha jez es Rezept bercho für euthyrox 50 und muess das ab morn morge näh.

Kennt das öper? Het öper au die Problem?

Clea

Ich habe eine Schilddrüsenunterfunktion und nehme seit etwa 4 Jahren Euthyrox (allerdings mehr als 50). Weisst du, wie hoch dein TSH-Wert war?

Nici

Ich han hüt s gliche verschriebe becho. Für nit schwangeri hani e normale wärt. Aber zum schwanger wärde esch er chli zhöch drum muessi die Tablette jetzt ou nä.

schaai

jo isch hüfig aso wenns musch ne isch de wert ztüf..isch wichtig für dentwicklig vum hirn lut gyn vum bb
@Nici nöd ztüf de Wert?

Clea

Nein, bei einer Unterfunktion ist der TSH-Wert zu hoch. Euthyrox ist ein Hormon-Substitutionspräparat. Daher gehe ich davon aus, dass die Schilddrüse zu wenig Hormon produziert (Unterfunktion) und der TSH-Wert daher zu hoch ist. Wie Nici schreibt werden für die Schwangerschaft andere Einstellungswerte empfohlen.

Nici

@schaai jo de hani si Vellech fausch verstande höt morge. Stimmt scho das medi esch für Unterfunktion. Auso müesst de wert jo z töif si und ned z höch. Ha am mäntig weder Kontrolle de frogi nomol. Danke füre Hiwis 👍

Clea

TSH ist ein Hormon der Hirnanhangsdrüse, das gebildet wird, um die Schilddrüse anzuregen. Wenn die Schilddrüse zu wenig Hormone produziert, wird mehr TSH ausgeschüttet und der TSH-Wert ist höher. Also: Unterfunktion = zu hoher TSH

bambi

Es müesse viu Schilddrüese Hormon inäh. Ir Regel isch e Normwert 0.3-4.2 u es cha guet sy, dass du gar nid drüber bisch, bi schwangere probiert mä dä Wert töif z halte. Ds isch wichtig für di u dis Baby☺️ du chasch beruigt id Ferie. Würd mir da nideso ä Chopf mache. Dr Körper interessierts nid ob d Hormon eige produziert sy oder vo extern (via Euthyrox) chömä. Ig säuber nimä sitem 2011 di Hormon zu mir wüu i ke Schilddrüese meh ha☺️ häb de schöni Ferie im Florida😍☀️

schaai

@Clea..stimmt hesch recht..isch für mich biz verwirrend 😁

Gröipschi

i nime o sit dr 7. ssw euthyrox wäg re ungerfunktion, u wi bir nici, dr wärt isch fürne schwangeri z höch, aus nid-schwangeri wärs ok gsi. ha nach dr erschte ss ä überfunktion gha.
mi hets zersch o agschisse, ds tablettli z nä, aber mir geits besser u für ds bebe ischs haut o besser.

Nici

Demfall hanis richtig verstande dass de wärt z höch esch. Esch aso scho bez verwirrend😄

SarahGiulia

Heeey danke euch vielmals 😍 dir heit mi alli chlei beruhigt... i ha mir soo sorge gmacht wege dem aber anschinend chunt das no öfters vor.

Mini wert kenni leider nonid, ha erst nach de ferie ä termin wöus jez zu kurzfristig isch! Muess eifach ab morn de die tablette näh und has rezept per mail scho mal bercho!

Cha das mit dem medi de au wieder guet wärde oder nimmtme das normalerwiis die ganzi ss ii? 🤨

schaai

@SarahGiulia das nimmsch die ganz SS..noch de Geburt absetze und ide 1.Kontrolle wirds nomol kontrolliert

SarahGiulia

@schaai danke. ☺️

SarahGiulia

@Nici weli ssw bisch du? 😊

Gröipschi

@SarahGiulia ouso bi mir wird bi jedere kontroue venös bluet gno u ds tsh kontrolliert, je nach däm muess me d dosis apasse

Clea

@SarahGiulia Das Vorgehen ist sicher richtig. Dein Arzt wird aufgrund deiner Werte die Dosis abgeschätzt haben. Das ganze „System“ muss sich mit den Tabletten wieder einpendeln und es wird normalerweise erst nach 3-4 Wochen wieder kontrolliert. Falls dann der Wert in Ordnung ist, ist es gut. Falls nicht wird die Dosis angepasst und wieder nach 3-4 Wochen kontrolliert. Dies so lange, bis man richtig „eingestellt“ ist. In der SS wird vermutlich bei jeder Kontrolle der Wert kontrolliert. Nach der Schwangerschaft ändert sich der Hormonhaushalt wieder. Da ich vor der 2. SS bereits die Unterfunktion hatte, habe ich die Tabletten auch nachher weiter genommen. Die Dosis konnte aber wieder reduziert werden und ich wurde neu eingestellt.
Dies, damit du das Vorgehen etwas verstehst. Du kannst also ganz beruhigt in die Ferien fahren. Ganz Grundsätzlich sind Schilddrüsenprobleme recht verbreitet und man hat es mit den Medis gut im Griff.

Nici

@SarahGiulia ich bin nonig schwanger. Bin ir behandlig inere Kiwu-Klinik und bir letzte bluetentnahm esch de wert usecho. Das het si mer höt gseiht und jetzt muess i die Tablette nä und i 4-6 Woche nomol s bluet kontrolliere.