Mamis us der Umgäbig Bern gsuecht für Bekanntschafte zum ustusch

Jessica87

I bi 31 u wohne in Münsinge. I ha ä 3 Monate aute Bueb. Wär schön Bekanntschafte dschliesse zum ustusche u für gspändli für mi Büebu 😊

tamtam86

Bi zwar nüme z bern aber glich nid esoooo wit wäg, bi 33gi und wohne jetz im kanton FR. Ha es Meitli wo jetz 8 Monet „aut“ isch.☺️

ManuP

Mir si ou vo Münsige 😊.
Wenn isch di Bueb uf d Wäut cho?
Die zwöiti Tochter vo üs wird jetz de ou gli 3 Mönet

Jessica87

ManuP: Ou cool, 😀Mi bueb isch am 1.2.19 gebore. Wo z‘münsige wohnsch de weni darf frage? Mir si am Erlenauweg dehei.
Tamtam86:
Fribourg isch ja ou nid so wit 😀 wo in Fribourg bisch du de dehei?

tamtam86

I wohne z portalban,weis nid öb das bekannt isch.🙈☺️

MamaWurm

Hi tamtam86
I bi zMühleberg ☺️

tamtam86

@MamaWurm das isch ja ou garnid eso wit wäg.

Jessica87

Tamtam: nei das keni auso nid 😊. Wie lang würdsch da öpe fahre vo münsinge bis bi dir?

tamtam86

@Jessica87 das isch grad am neueburgersee und fahrzit isch öpe 20 minute.

Jessica87

@tamtam ja das wär no guet zerreiche 😀
So im summer sicher ou mau schön

tamtam86

@Jessica87 das isches,aber leider ab und zue ou seeeehr überlüffe.es zieht vil lüt a wöumer da no e sandstrand hei.

HERZBLUTMAMA

I chume vu Köniz 😇 Tochter wo im Summer 3 wird o namal es Töchterli wo 1 isch o im Juli bechömed mir na en Büebu. 😇

Moi85

Ha es 2.5 jährigs und e bueb wo i 10 tag jährig isch. Wir si in kerzers

schildchrötlimel

@tamtam86 auso vo Münsige uf Portalban sis eher 45 min 😉 (20 mitm 🚁😂)

MamaWurm

Kerzers u Köniz isch super 👍Portalban isch vo Mühleberg au nid wiit ☺️
Das schreit nachme Treffe 😀

tamtam86

@schildchrötlimel mit am 🚁 wäris ou kes problem,mir hei ja ir nechi e flugplatz.😂

schildchrötlimel

@tamtam86 u süsch hets bim Fuessballfeld gnueg Platz zum lande 😉

tamtam86

@schildchrötlimel genau,vo dene hätts ja schüsch ou 2...fauses zweni platz hätti.😂🤷‍♀️😄

Noali

Us Thun, 36 mit 4 mönet alti Tochter

Jessica87

@tamtam ja sandstrand isch wunderschön aber sooo vou lüt isch o ume eher weniger cool. Aber im summer chasches nid umga. U houptsach mä isch am wasser

Jessica87

@Noali cool, das isch sehr nach 😊 bisch de eher usserhaub oder eher stadtnah?

Noali

@Jessica87 startnah 😃

tamtam86

@Jessica87 das isch eso,darum mache mir da aube e riiiiiiise boge um d badeturis.🙊☺️

Jessica87

@tamtam86 ig fröie mi scho uf die warmi zyt, wenn de der chli schnaget 🤗 u de zerste mau diet bädlä. I ha zmünsinge äs abi glöst. Bi de gspannt wies isch mite lüt. Mir si drum der erst summer hie in münsinge

Jessica87

@Noali i bi drum z‘ Thun ufgwachse. Daher bini viu dert

tamtam86

@Jessica87 ja uf z bade fröie mir üs ou scho,üsi chlini isch so gärn im wasser.

Jessica87

@tamtam üse mändu bädelet bis ize o gern. Hoffe das blibt de ir badi o so 😀

Noali

@Jessica87 ah cool... wennd Lust hesch chönnte mir üs mal träffe wennd in Thun bisch

Sirup

Hallo Jessica87
Ich bin auch von Münsingen, unsere Tochter ist schon 3 Jahre alt. Wir sind sehr viel in der Münsinger Badi... wir sehen uns sicher dann wenn das Wetter mitmacht😂☀️☀️☀️

Jessica87

@Sirup ja sicher, iz müessti nur no zwätter stimme derzue 😁

Jessica87

@Sirup wo zmünsinge wohnsch de du?

Sirup

Oberdorf und du?

MamaWurm

@moi85

Bisch ab u zue au zLaupe im Indoorspiilplatz? Würd mi freue mau abzmache wenn lust hesch

Moi85

@MamaWurm bini no nie gsi bis jetzt aber chame guet mau mache 👍